休閒踏單車

上星期六, 難得天氣晴朗, 友伴提議踩踩單車, 進行下光合作用都幾好(後面呢句我加!!!)於是, 我地就決定去大圍租車入大埔玩啦!! 講開去大圍沙田踩單車, 對上一次應該都係中學既時代, 嘩, 大大話話都8,9年前既事, 遙遠長久既事!!

約左10點先係又一城集合, 因為買定d食物諗住一心入去大埔濱公園野餐, 本身想買麵包夾下d火腿作三文治作野餐, 後來演變成食健康生果餐!! 我地買左個迷你哈密瓜入去食!!!

新既單車徑又真係幾靚!!

科學圍入面有d特別既建築物~~~

一切準備就緒, 出發我地今次踩單車之旅, 我地今次係由大圍出發, 踩一轉係大埔交車就o.k啦!! 租車過程都十分順利, 一部單車就$50一日, 夜晚7點前交車就可以!! 好耐冇踩單車, 不過, 我都記得路線點行, 其實都係得一條路直去既姐, 冇咩特別既!! 慢慢咁踩呀踩......踩呀踩!! 休休閒閒咁又真係幾寫意~~ 由大圍踩到去沙田, 算係完成左第一路段, 之後就會沿吐露港公路外圍繼續踩, 好多年冇踩過單車, 大鄉里發現由於整左個科學園之後, 同時重新整埋隔離條單車徑, 嘩.....嘩.....嘩.....依家條單車徑整得幾鬼靚下!! 慢慢踩住單車清風送爽, 感覺真係唔錯個喎!! Feel so good!!!

切到一舊舊慢慢叉黎食, 真係幾過癮!!

踩下停下休息下, 去到中段都係時候食野, 幸好有把全能萬用刀, 兩三下手勢就將個哈密瓜解體左!! Cool, 個哈密瓜又甜又多汁, 之前我仲特登係大家樂拎d膠叉, 等我地可以慢慢切到一舊舊易食又乾淨, Good晒!! 對住個海, 又有太陽, 再加上有d涼風, 藍天白雲, 舒服休閒到極點呀!!

踩到去大埔濱公園, 原來, 唔俾單車入去, 我地又唔想放低架車冒住會俾人偷既危險, 唯有走去還車先!!! 還完車就四圍行下, 行下行下, 見到有間舖大排長龍, 原來人人都係度買豆腐花, 呢間叫"阿婆豆腐花"唔知係唔係好好味呢!! 於是我地拿拿淋去排隊買黎食啦!! 又真係幾滑個喎, 唔錯唔錯!!大家路經大可幫襯下, 可以一試, 重點係只不過係幾蚊一碗姐!!

行多一陣, 我就帶友伴入林村食Dinner啦!! 去既地方就係之前都食過既荷曄庭餐廳, 平時呢度又鬼咁唔方便, 見咁岩同友伴入開黎就順道帶佢黎試下啦!! 由於, 我地實在太早到(6:00p.m), 所以成間餐廳都冇咩人, 我地好似包場咁, wahahhaha!!!

我地今次由天光食到天夜~~~

西冷牛排(12安士)

黑松露海鮮焗飯
鮮蠔周打湯~~~

由於人數得我地兩個, 所以都唔係叫左好多野食, 因為真係食唔落咁多, 所以都只係叫左幾味食!!! 食飽飽, 都已經由天光到天黑~~~