RSS Feed (xml)
暫停左好一段時間既好朋友系列, 係時候再一次出場, 今次講既朋友仔應該該係我好朋友之中既好朋友, 因為我地可以話係冇所不談, 我地大家都知彼此既好多既秘密, 當然啦, 講到秘密, 我唔會係呢度講啦!!! 難得佢前排終於上黎我呢個blog度睇, 終於留左一個小小既留言!! 早前, 佢終於都開口問我呢個好朋友系列幾時寫到佢, 哈, 其實佢唔出聲, 我都已經諗住黎緊呢篇"好朋友系列"都係寫佢架啦!!! 之前講過對上一個篇係我好朋友系列入面既分水嶺(section 1), 依家呢個就係section 2!!! 係呢個section 2入面介紹的全部都係我中學入面第二批最熟最要好既朋友, 除此之外, 佢地仲係全女班, 我地呢班"混一色團員"total有6位(including me!!), 我係難得佢地中學朋友堆中唯一既男仔, 嘩哈哈, 係唔係好威呢!!! 講真個感覺除左覺得自己係萬紅之中一點綠既感覺之外, 更加似係一個馬伕, wahahhah~~~當然啦, 我地又係大時大節, 生日呢d時間出黎聚一聚啦!!! (係佢地仲未有男朋友之前, 都幾盞鬼, 一拖五出街, 真係威盡全場), 最威一次, 係我地成班人, 我一個拖佢地5位女仕去澳門玩, 個次真係好威威!! 話雖說佢地係女生, 不過佢地對於集體活動such as: 行街睇戲食飯等活動都唔係太熱衷, 所以基本上大部分既活動發起人都係由我黎做起!!
其實呢班朋友, 係中學時期既時候並不是太混熟, 只不過, 係畢業之後, 唔知點解, 冇端端, 居然熟左起黎, 大家得閒就會約出黎食飯, 攪活動(我地成班都有試返過大陸旅行架!! 不過係跟團~~) Jackie係我中學既同學仔, 識左十幾年o架啦!! 如果你問我咁多個好朋友之中, 以邊個最熟, 我諗應該就係Jackie, 因為我同佢真係咩都講一餐, 事無大小, 應該講既當然有講, 連唔應該講既我地都有講!!! 至於係d咩就唔寫出黎啦!!
你問我點解會同佢咁熟, 講真, 呢個問題冇從考究, 我地中學個時又唔係特別熟!! 但係畢左業之後, 大家又可以無所不談, 可能呢d就係人夾人緣, 又可以咁講, 我鍾意同佢傾計個時, 大家都放開懷抱, 你問到我問題時, 我會毫無保留地告訴你, 到我問你問題時, 你又不會扭擰地說東說西, 當然啦, 呢個係信任上既問題, 彼此互相信任, 我信得過佢, 佢唔會將我d野隨便話俾其他人知, 佢都清楚我唔會爆佢大獲(起碼暫時未爆過, hehe!!)!! 如果大家想知邊個係你心目中既真正朋友, 方法好簡單, 只要當你有事想搵人講, 傾既時候, 係你腦海入面第一個浮現的那位就係你既真正朋友!! 興幸, 自己仲有二, 三位咁既朋友, 不至於孤單, Jackie你都係我個名單入面架, 話晒我等車, 搭車個時都想搵你傾下計, 攝時間, 唔好睇少呢個俾人攝時間既角色, 冇返咁上下份量既人我都唔會搵佢黎攝架...hehe_
係佢身上真係可以發現好多係平常人身上唔會發生既事出現, 例如: 佢會走去報玩Phyical做gym, 仲要係一次過俾晒一年既費用, 佢居然夠膽死可以係成年入面, 一次都未去過Phyical做gym, 唔好講做gym呀, 連涼都好似未係入面沖過!! 中學時代, 個個人升上中六, 好正常咁會繼續讀埋個中七考A-level, 佢又唔係個喎, 讀完中六既上學期, 居然就話唔讀要出黎做野, 當時既佢話唔適合繼續讀書, 不如早d出黎儲下經驗仲好!! 不過事實上証明, 佢都係岩既, 雖然佢讀書唔差, 不過就唔會係好好叻個隻, 高不成低不就, 與其係咁, 不如出黎早d工作, 佢依家係佢個行, 都算係做到senior既位置, 成績幾好!!!
最感動既係, 佢有時一年有一兩次出trip, 每次佢會買份小手信俾我, 不過, 多數都係d唔特駛既野多, 最經典個次, 都莫過於佢去德國做exhibition個時, 係個邊買左本德國既咸書俾我, 冇記錯, 其實係佢去之前, 我叫佢幫我買本德國版既playboy, 開頭我都係咁e講下, 估唔到佢真係買左返黎俾我!! 呢d咁既朋友真係邊度搵呀!! 簡直係將我地既友情度立即標升到極點, 係呀, 我好膚淺架, 你買本咸書俾我, 我就會當你係我好朋友架啦!!! wahhahahah!! 講笑, 講笑~~~
中學時代既佢, 身形算係正常, 無線有段時間熱播"還珠格格"時候, Jackie佢憑住一副同趙微有幾分相似既面孔, 佢成日都自稱自己為"港版小燕子", 哈!! 其實當時既佢都真係有幾分似!! 不過自從佢出黎做野之後, 呢隻小燕子食得太多家外雜糧, 由小燕子身形變成火雞咁, Sorry, 我好似講到誇張左d, 不過呢個係事實, 就算冇10成都有7, 8成架啦!! 下年, 佢將為人妻, 為著可以以最佳既狀態穿起婚紗, 佢依家已經積極進行瘦身計劃!!
佢黎緊俾人逼婚, 雖然佢滿口話呢樣, 講個樣, 其實我知佢心入面都不知幾鬼咁開心!! 難得可以搵到生命中既另一半, 而且大家都致趣相投, 我係呢度祝佢同William未來生活愉快, 如果William恰你既話, 有咩事, 隨時call我!! 我撐你架!!!
Jackie, 呢度既規矩, 要留言呀!! 唔好睇完就算呀, 唔係我爆你d秘密出黎架, whahahaha!!
(下期預告: Ling Ling)
(下期預告: Ling Ling)
7 comments:
嘩~ 好感動呀~ 終於都輪到我出場了~~ 嘩哈哈~好開心呀~
等左咁來~ 的確係要長篇d,先可以補返數呀~
點解你有張珍藏相既~ (點睇都係咁可愛呀~)
真係唔知點解同你熟呢~ 雖然你有時口衰d, 賤d, 但係同你講野好開心~ 好來冇出去飲野啦~ 幾時約的呀~ 哈哈~~
“幾時會輪到我呀~Gary ???” 我一路睇住你點介紹Jackie時，心入面就不停甘諗住．．．．好彩你都有d人性~無負到我，下期終於到我啦，好開心呀！
其實諗番起你同我地嘅相熟過程，真係好無厘頭（Sorry!因為我係完全0記憶），不過你放心我地係不問過程，只問結果，尤其係你充當我地每次活動召集人嘅角色～Good Job 簡直係excellent！！！我地會好好“珍惜”你，令你有萬千寵愛在一身嘅感覺^o^，因為Gary你實在太好啦（excluding你口衰衰嘅時候）
你都interview完啦，快ｄ趕工完成"好朋友系列－Section 2"，好心急呀
我好勁呀！！！勁咩？ 我一次過go through 晒你成個blog呀（鬼叫今朝我公司無特別野攪咩）！唔准"車"呀
結論＋comment ＝ 比左我一個好愉快嘅早上（因為你嘅分享寫得好攪笑）＋佩服（好難得你有心機持之以恆去寫）＋投訴（我地嘅戲份同片段太少啦～唔得）
放心我得閒會上多ｄ黎架
小燕子: 哈!!! 好野喎!!! 呢篇野post左冇耐, 咁快就上黎留言!!!
講開同你地5個熟既過程真係一個"謎", 尤其是同你, 真係熟得比較過份, 真係咩都知咁hehe!!!
講開飲野, 唔知你仲記唔記得, 之前有一次同妳出去飲酒(都已經係好耐好耐之前既事), 個日唔知發生咩事, 我地兩條友走左去旺魚警署後面其中一間bar飲酒, 仲要買左包煙兩條友係度食!! 本來一人一支啤酒, 話咁快就飲完, 之後, 有人黎sell話飲紅酒, 兩話不說就要左一支, 之後, 點先咁就high野, 當時大家既酒量都冇依家咁好, 大家飲左半支紅酒之後, 就谷精上腦, 之後, 唔駛講, 我地當然立即埋單, 各自打的返屋企啦!!!wahhaha, 諗起個次我都覺得好好笑!!! 兩條友, 出黎傾計, 落得如此下場!!
拜託啦!!! 我唔係講野賤, 只不過, 係講d事實姐!!! 難我同你地咁熟, 我先會毫不顧忌講呢d野, 一來你地知我講笑, 兩來我知你地唔會嬲, 最緊要係大家開心!! 唔熟既朋友, 我都唔敢玩得咁過份啦!!!
你就快做老婆, 最重要係開心快樂!! 係度再一次祝你同William可以白頭到老, 永結同心!!
ling ling: 哈!!! 我諗今次係你第一次係呢度留言, 好感動!!! 其實, 之前都send過幾次e-mail俾你地, 話俾你地知我有個blog係度叫你地留言, 但係你地都好似無動於衷, 真係好鬼心傷!!!
識到你地呢批"最高質既", 我自己都深感榮幸!! 講真個句, 我成日都凝住, 如果我唔攪活動約你地出黎玩, 我諗你地呢5個女仔應該未必有依家咁close (sorry, 可能我自己睇自己睇得太重, hehe!!!), 當然啦, 可以同到你地咁熟, 仲可以做埋姐妹, 呢d都係緣份, 希望大家都keep on!!!
你個篇雖然未開始動工寫, 不過, 我心入面已經成日諗緊有d咩內容!! 你個篇既篇幅都應該同jackie不惶多讓!!! 請細心等待~~~
仲有, 套用人地講既: 我寫就係想有人睇!! 就係咁簡單~~ 以後就多多支持啦!
唔好成日話我地無動於中先得架, 你知我係電腦白痴架啦, 今次先知點樣留言, 好開心會寫我地,我真係唔咁想像你會點寫我...哈哈!你手下留情呀,仲有我下星期可以同你地會深圳呀, 不過要早D返嚟...再打俾你講啦, 再見
小貞貞: So Great!! 終於等到妳既留言, 我仲以為得Jackie同Lingling之外, 就唔會再有其他人係度留言!!!
太好啦..我地又可以一齊出去玩啦...唔駛咁緊張, 妳個篇, 我都有諗左個大概~~ hehe!! 話定妳知, 阿Ling之後就會到妳~~妳都見我篇篇都咁大篇幅, 誠意之作, 寫作需時, 要等多一排先可以出街!!
Post a Comment