RSS Feed (xml)
琴日終於考埋呢個大學生涯既最後一科, 考完試之後, 有同學仔提議去食buffle, 既然難得讀完4年書就係為左呢一日, 所以大家都起哄一齊去食, 我地浩浩蕩蕩都有成20個人都差不多大半班同學仔去食, 讀左4年書, 都未試過成班同學仔坐埋一齊食野!
今次我地去左美麗華地庫個間Todai食野, 呢間餐廳之前都食過, 不過都已經係早幾年前既事, 其實個度d野食都算唔錯, d野食種類幾多, 尤其是d甜品, 上次去食個時係Dinner, 個時有個廚師專整甜品, 其中一個係即焗梳乎里, 咁可能係Lunch關係就所以今次就冇, 不過, 都依然有好多野食!!!
難得大家坐係度同枱食野, 少不免都係傾下計, 有大部份人都諗住會去返個畢業旅行, 有d仲係過兩日就出發, 有人去日本, 有人去台灣, 有人去沙巴, 應有盡有, 咁又係, 大家話晒忍左4年, 黎到呢一刻點都要去返個旅行散下心, relax下, 至於我, 唉, 冇計, 我係生活於貧窮線下既人, 搭飛機咁傷荷包既事我當係做唔出啦(冇能力做!!!), 所以都係諗住返大陸玩(仲要係"咩"背囊個隻), 唉!! 人家畢業旅行唔係歐洲就係美國, 我都算係最兜踎一個, 不過, 最緊要係有得去玩, 呢個先係主點, wahahahh!!
Todai
地址: 尖沙咀金巴利道1號美麗華商場地庫1001-3號舖
電話: 2375-9883
菜式: Buffle
9 comments:
wahahahahaha~ 終於晌你d大合照入面 見到我舊同事的出現XD..
去旅行唔好唔記得我~ .\/.
前幾日睇U-TRAVEL睇到有東歐BUS遊~ 岩唔岩@@"
恭喜晒啦~ 考完試 =v=
Fay: 多謝晒!!! 你個舊同事係阿龍阿麻, 我知~~
東歐Bus遊, 興趣有, 銀兩冇....T_T
你係唔係做我既贊助商呀!!!
你屋企打邊爐, 打麻雀得唔得架,,,我下星期就約人架啦!!!
我屋企 除左打車輪唔得之外 咩都得~XD
SOR...打麻雀...唔記得左冇麻雀的 XDDD
fay: 冇麻雀....班八婆會嘈個喎....wahahah~~~
無得搭飛機,又無酒店住既畢業旅行,真係灰啊~~~啊~~啊~!!!
=.= 乜返大陸冇飛機架咩.. 大陸冇酒店住?!
會唔會係你太孤陋寡聞... 你唔可以咁樣講我地d窮人架bor.. 我地窮得有骨氣~!!
呵呵~ gary同我去長洲畢業旅行~
Backpacker: 頂....家陣我已經要諗埋行程...仲咁多野講...想死呀你...
fay: 我好感動呀, 咁我地去長洲個時你係唔係會包起我架, 仲有, 我地會唔會去BBQ架, 如果係的話, 我可唔可以燒鵝肝呀...仲有仲有, 我想用部67" LCD HDTV打Wii呀...唔打Wii我打XBox or PS3都冇問題架....
我真係好有骨氣架....仲要係"lok lok"聲個隻添...
Post a Comment