RSS Feed (xml)
小不良是也~~~話說小不良平日係飲好少既水, 所以身體水份就相對都比較少, 需則知道平日痾便便, 係需要水份既幫助, 排便先會暢通!! 由於缺乏水份既關係, 小不良佢既便便都相對地硬 & 乾!! 聽老媽講呢幾日小不良已經冇排毒, 家陣成日都放屁屁, 咁就証明佢應該有好多既廢物囤積係體內!! 所以今晚老媽就捉住小不良進行"清腸大行動"~~~
老媽一手就捉住小不良, 將佢大腿一開, 好明顯係佢個"門口"已經隱約見到便便既存在, 可能舊便便真係太硬, 再加上幾日冇排毒, 要佢一下子將舊超大既便便釋放出黎都唔係一件易事!! 我只係見到佢喊住口係到大叫:『唔好呀..........唔好呀......冇呀......冇呀!!!!』就知佢係幾咁辛苦, 唔講真係以為佢係去生仔!!! 大家唔好以為, 我係側邊就可以袖手旁觀, 老媽叫我拎起張紙巾, 提起我無比既勇氣, 伸手去幫佢係門口既囤積物挖出黎, 大家試想想, 一個小如一亳子既門口, 要排放半條冰條咁大既便便, 係何其令人慘不忍睹!!!
唉!!! 我呢個做舅父既都算唔話得, 係食飯之後, 仲要攪埋d咁既野!!! 幸好, 晚餐d飯餸一早落晒格, 唔係佢排毒時, 我都一齊排~~~
4 comments:
舅舅好偉大. 你已經可以當daddy啦!
有冇聽五月天呀??好棒的,對嗎??
Jessica: 咁又冇可能, "了"下屎姐!! 做爸爸既話, 何止"了"屎咁簡單呀, 屎有得你食呀!! 好大責任架...
五月天, 未聽呀, 未入落i-pod度, 今晚入..
嘩~ 人地話阿爸阿媽好偉大, 我話你呢個舅父仔先唔話得呀!比個叻你呀~
dipsy 豬: 嘩.....嘩.....嘩....少見少見,, 你終於肯上黎留言啦....好感動呀!!!
我地呢d, 出黎見慣大場面, 呢d屎屎尿尿, 都見慣見熟...遲d你有bb, 我都可以幫你了架, $100"了"一次, 直至清晒為止, 話晒呢d係厭性工作, 係呢個價!!
Post a Comment