RSS Feed (xml)
好耐冇同Jackie佢地成班人一齊食飯, 對上個次都已經係成個月之前既事, 所以就特登約出黎聚一聚! 今次出黎除左食下飯之外, 小狗順道又講埋佢已經有左BB, 由於小狗有BB既關係, 所以就特登約返係佢屋企附近食飯, 原先都係度煩緊大肚婆食d咩好, 如是就打電話去問下小狗, 開頭仲諗住佢會話食d清淡d既野, 點知小狗一開口就話, 不如去据扒 (!) 既然大肚婆話去据扒, 咁就唔駛煩!! 為左唔駛小狗周圍走, 所以係佢屋企附近食, 而佢屋企附近有得据扒既地方就得"花園餐廳", 哈, 所以我地成班人特登過對面去"花園餐廳"据扒, 不過, 去邊都冇所謂, 都係一班人食飯開開心心傾計!!
暫時聽小狗講, BB既預產期會係下年2月, 到時就有BB玩啦, whahahaha!! 另, 個日小貞貞陪小狗去左聽個d咩產前講座, 佢聽完之後同我地講返, 話d大肚婆到左生BB個時, 會連痾屎既力都會用埋, 所以呢, 係生BB既過程中, 個BB有機會會同d臭臭一齊"必"出黎!! 哎呀, 諗起個情況都好恐怖!!
另, 小狗提到依家d超聲波技術已經係可以4D scan個BB ( ! ) 4D喎!! 點4D法呢, 我真係好想知, 會唔會係好似個d戲院咁, 冇端端吹下風, 灑兩滴水出黎個隻呢!! 如果係既話又幾勁下!!
想同大家講一講, 大家如果有機會去花園餐廳食飯既話, 記住叫個什扒餐食, 因為真係好鬼大份, 好抵食, 什扒餐入面有豬扒, 雞扒, 雞全翼, 火腿, 煙肉, 另外仲可以跟飯, 意粉 or 薯菜!! 超多野, 我自己就冇叫到, 不過阿康叫左, 一睇到佢個什扒餐上枱個時個種澎湃+震撼既感覺, 真係好勁!!
6 comments:
我阿嫂都超左4D,BABY果樣已經可以睇見. 好利害呀!
佢好似上年先結婚, 咁快生bb..
GARY 幫我同小狗講聲恭喜恭喜, 叫佢保重身體, 生個肥肥白白既BB啦 ~~~
Gary 你咁快幫小狗宣佈有狗bb件事呀~等人家自己黎嗎!不過我都好替佢開心
我記得你上次講過唔知咩叫4D scan,雖然我仲未有經驗,但我上網搵過啦!原來就4D scan 似拍緊video，一格格快速播放，影像 清晰，連B打緊呵欠、點笑點郁，媽咪熒光幕睇得一清二楚
jessica: 車, 人地幸福, 所以咪生BB羅, 有咩問題姐!! 我地有BB玩, 幾好呀..
牛牛: o.k 我代你同小狗講恭喜呀!!
ling ling: 車, 冇所謂啦, 正所謂"好事傳千里", 多d人知冇壞既!! 遲d終於有BB玩啦, 我都好開心, hehe!!!
你果然係疊埋心水諗住一結婚就生仔, 家陣就咁快搵定d素描個d資料!!! 咁你都快d生快件俾我地玩下啦..
Post a Comment