RSS Feed (xml)
早兩日行街, 落左機舖打機, 過下手癮, 打完機, 見到隔離舖頭係個d大型既貼紙舖, 見冇野做, 行左入去轉個圈, 嘩!! 時而世易, 家陣d貼紙機真係勁得好厲害!! 伸個頭入去d機度望下, 入面d佈置有d咩大光燈, 又有sofa坐, 有d仲有好多個佈景background布簾俾你自己換, 諗到既都有, 你諗唔到既都有!! 好神奇呀!! 仲有, d貼紙機都唔平個喎, 起碼都要$50一次, 最貴個部機, 好似都要成$70!!
追溯返對上一次去影貼紙相都已經係好耐世紀既事, 中學年代都有同d同學仔去玩下, 記得即使去到讀poly既時候都有成班人柴娃娃去影過一, 二次!! 之後, 人都大啦, 唔通仲同d死靚仔靚妹一齊去迫咩, 不過又咁講, 依家拎返d貼紙相出黎睇返又真係幾攪笑!! 其實, 得閒如果行開街又冇咩野做, 影下呢d相(當然唔係講緊一個友走去影, 咁鬼無聊啦!!), 當做係一個記錄, 回憶都不失為一件好事!! 雖然依家d DC又細又方便, 不過, 貼紙相又同d真正既相又有少少分別既! 我地幾時去影呀!!
8 comments:
你同邊個講緊"我地"先……
成日行街既人: 咁如果你成日行街, 我地又咁岩撞到既話, 咪一齊去影返輯羅!! 哈!!
hey, maybe we can shot it in sept 1 wor..
jessica: 正有此意!! 仲有, 我部電話整返好啦!! 妳聽日考試就努力d啦, 縱然係open-book!!!
open note ar..hey i still can't to contact Thomas. thus i just send him MSN to inform him the sat night dinner.
call u trm..
jessica: 是但啦...佢都預左佢份生日禮物可能得返一件"佐單佬"tee一件就算架啦!!!wahahahha!!!
你咪扮野啦,有貼紙機果陣,你仲係'童'年!?!有貼紙機果時,你都係中學時代啦,仲童年回憶.....咪扮細個啦你!!!
要揭穿你扮細個的人: 車, 身為一個麻甩佬, 我根本就唔會視年齡為一個秘密!!所以根本唔存在什麼扮細個....this is the main point!!!
何況, 我呢d天生係童顏, 講出黎都有人信呀, 吹咩, whahahhaha!!!!
Post a Comment