RSS Feed (xml)
琴晚因為有d事, 要將整間房既櫃翻箱倒籠地要搵野, 無意間, 俾我發現到一張紙係中學時代既"風紀崗位表", (咁岩今年正值我同班中學同學仔相識15週年(由中一起計)就post d舊野出黎, 大家懷念下)!
嘩, 估唔到呢d咁咸豐年時代既野仲係度, 望一望, e, 曾幾何時, 我都威水過, 小弟曾經係學校身居"要職", 可以繼4位"風紀長"之後, 做到呢個"助理風紀長"post, wahhaha!! 不過, 依家諗諗下都唔係好明, 當時個位訓導主任因乜解究叫我做呢個位, 小弟係校內課外活動方面又唔係特別活躍, 成績更加唔係好個隻(中中庭庭啦!!! 未至於好差既~~)! 係! 小息個時可能見唔到我係走廊或者操場度走黎走去四圍玩, 不過我諗最主要原因都不外乎係課室埋頭苦幹地抄緊功課! 先唔得閒出去玩姐!!
"助理風紀長"個名就好似好威, 不過呢d都係表面風光, 一般既職責當時都係不外乎係條走廊度, 叫人唔好跑; 小息完結時, 又好似趕羊仔入返羊棚咁, 趕佢地返入課室(點解講到自己好似一隻牧羊狗咁既!!), 放學之後, 又要留係學校開"O.T.", 因為有d同學仔朝早返學遲到就要即日被罰留堂, 而我又係好似d牧羊狗咁睇實佢地, 家陣講返起我d生活又真係幾似d牧羊狗喎!!
p.s: 考眼力, 各中學同學仔, 俾機會你地自己睇下你自己守過d咩位~~
4 comments:
完全唔覺jaemi係prefect，可能因為佢係帶班風紀加上好多時都唔係好管我地，隻眼開隻眼蔽 XD
Camus: 肥仔, 你蒲頭啦, 前排你潛水喎!!!
其實好似我地呢d爛身爛世既人都做到風紀, jaemi呢d乖學生又點會冇得做呀~~~
嘩~ 咁都比你搵返d陳年舊野, 睇離係都興收埋d垃圾加喔~ 你當年就威啦~
不過唸唸下, 原來當年我地幾個都係風紀喔~
小豬豬: 我仲keep左好多舊野係屋企, 呢d唔係垃圾, 好有紀念價值架...駛唔駛我幫你搵返張你仲未有身孕既相呀~~
Post a Comment