RSS Feed (xml)
坐車要"登"左成粒鍾先入到去, 如果大家咁岩4個人, 不妨搭的士入去, 貴少少但舒服多多~~今年, 同d中學同學計起黎原來大大話話都識左成15年(大部份都係中一年個年已經識), 由細玩到, 所以今年就有個特別d既慶祝方式, 我地回歸十週年都要大事慶祝, 何況我地識左15年呢, 於是就舉行左我地好耐冇玩過既中學大旅行, 原先以為大家都出席到, 點知最後都係得返我地4個鐵膽出席(我, Jessica, 牛牛, 堅), 咁其他人唔得閒咁就唯有我地四個 玩埋佢地個份啦!!
舊時既中學旅行, 年年都係10月中左右先會舉行, 今年, 我地自組既中學旅行就提前至9月, he! 就係上星期六, 原先, 我地諗住去返山頂旅行, 不過有人有異議, 所以就改動去一個貼近大自然既地點 - 大澳是也!! 其實早係幾年前都已經同牛牛&堅, 加埋牛妹都一齊去過大澳, 今次既旅程只不過由Jessica代替左牛妹而已!!
原先我地相約係東涌地鐵站, 點知各人係不同既地鐵站遇到, 真係絃都冇咁準時呀!! 去到東涌站, 牛&堅又未食早餐, 所以佢地就去左東薈城食野, 我就同Jessica行下街, 原來依家東薈城成個商場都做到係一個Outlet大集會, 所有品牌都係個邊開左間Outlet Store, 而岩岩個邊又新開左一間大IT既Outlet, 入去打個轉, 只要你細心d慢慢搵, 其實都會搵到d正貨, 不過, 我呢d生活係貧窮線下既人, 都係鍾意window shopping就算!!
良朋好友坐係碼頭傾下計, 不亦樂乎~~~大澳, 原來係星期六入黎既話係冇咩人黎行, 對上個時, 可能岩岩係紅字假期, 多人到嘔!! 所以大家想入去大澳又唔想同人逼星期六係一個唔錯既選擇!! 大澳其實唔係好大, 開頭諗住快快行完就會出返黎再係Outlet Store再shopping過, 但係我地四個人, 行下坐下傾下計, 休休閒閒咁慢慢行, 時間又過得幾鬼快!! 原來有時, 一大班人, 同小貓三四隻既玩法, 又有d唔同, 今次大家都係度傾下計, 感覺良好!!
十幾年前的我們~~
2007年的我們~~~夜晚, 出到去九龍約埋其他人食飯, 今次, 去左一 間叫"金蘭花"食飯, 聽個名都知係食泰國菜啦, 係九龍城我諗都應該超過20間泰國餐廳, 我地8點去地, 嘩, 佢舖頭門口已經係大排長龍, 好鬼多人等位, 好彩, 我地已經有個專員已經一早到左等位, 真係辛苦晒達達!! 其實呢間野又冇話有咩特別招牌菜, 不過d食物質素勝在平均, 都算幾好食, 大家去開九龍城都可以一試!!!
金蘭花
地址: 九龍城龍崗道12號
電話: 2383-3076
菜式: 泰國菜
8 comments:
再之抱歉, 每次都因為工作關係未能出席大家的活動, 真的萬分不好意思!! 不過我見到你地食飯個張全家褔, 都覺得幾搞笑....點解camus呢排都成日唔出黎呀??
Wai Tai Thomas : 工作要緊, 唔緊要啦!! 係喎, 黎緊星期六就返大陸玩, 你好似第2日先join到我地, 大家呢排都係食飯多, 好少出去成班人一齊去玩, 希望今次玩得開心d啦, wahahhaha~~~
你若果要post中學的照片而有我分,一定要我睇過先呀...好唔想見到我果樣...還有..大澳的相明明有的好相家..做咩唔post ar??
But i suggest we would take photo in coming trip which is the same as the post ka..interesting and would be for you guys in wedding use.
嘩!!! Gary... 嗰張相我都好似有呀...
勁funny~~~ jessica.. 呢張相都ok呀... 大家都無咩點變.. 哈哈!
jessica: 哈!! 我就係要特登得閒冇事post d中學相出黎, 就要等你自我反省下點解你之前會係咁~~wahahahha!! 我用心良苦呀, 你都唔明!!
其實, 上次牛牛話上山頂個時, 我都諗過有機會既話, 大家可以都坐返係同一個遊樂場上面, 坐返同一個位置影相, 都幾得意...
ar j: 你地當然係有呢張啦, 當年, 我已經係負責攝影兼沖曬部, 每次我都有曬返晒d相俾你地架...係家陣轉左用DC就冇曬相啦!!
係啦!! 其實就咁望返落去張相度, 講真, jessica你好似....好似....冇咩點變到既, 死啦, 唔通係還原基本法, 你已經完左一個cycle, 家陣去返中學時代咁....你死啦....
Gary...u a shit guy...
jessica: Wahahahaah~~ yes, i am...thnak you...
Post a Comment