RSS Feed (xml)
星期四被邀請到一個超大型的佈道會 - 葛福臨佈道大會 , 如果大家留意近日既報紙或其他宣傳大概都知應該係邊個, 個張海報入面有一個同杜可風(香港的一名電影攝影師)好鬼似樣既老外做海報封面, 開頭個時, 我諗住, 嘩, 原來成日飲酒飲到天昏地暗(呢part係成日係報紙睇返黎!!!)既杜可風都係信教, 仲勁到可以出黎向人傳道!!! 好堅呀!! 之後到有人邀請我去參加個時, 仲send埋張poster俾我睇下, 個時, 我先真正closeup到個老外個樣, 再望清楚發現個位老外唔係杜可風, 原來係葛福臨牧師!! 哈!! 有時d老外真係個個樣都差不多!!!
Anyway, 講返個佈道會, 今次係係香港大球場舉行的, 整個佈道會會有4場, 由11月29號至12月2日, 我去的當晚是第一晚的報道會, 聽講, 除左香港大球場之外, 係元市朗大球場都會有佢既轉播(仲勁過歡樂滿東華!!), 當晚去聽佈道會人數都不少, 我諗應該都係差少少可以坐得晒成個香港大球場!!! 之前都曾經聽過佈道會(不過都已經係好耐世紀既事!!! 應該係大概中學左右既時候掛!!), 都是預期中那些說話!!!
聽完整個佈道會之後, 有人問我聽完有怎麼樣的感受, 在我而言, 可能覺得需要再經歷一些事情先可以領受這些!! 又或者我的眼界尚未開解!! 一切有待開發吧~~~~
8 comments:
Oh...Gary, 原來你都去咗第一場呀!我又係喎~~ 你肯去&嘗試去聽福音已經係一個好既開始啦~~ Pray for u always!
一直暗列你為我要傳福音的對象（首幾位），但始終都被你幾次有意無意的反應而令我打消念頭，原來上帝已經安排一個比我更有信心的人去撒種，而你仲肯動下身去聽佈道會，雖然你未信但學Jaemi話齌你育去聽已經係一個好開始。
你第時做左基督徒,咁咪可以一齊食飯前祈禱囉!?!
ar j: 我不嬲都冇話抗拒, 只係未接受姐, whahahah!!!
camus: 你講到似暗殺對象多d,wahahhah~~~
我對任何事包容性好大, 我唔會抗拒, 而且聽下冇壞既, 不過聽完之後係點就當作另一回事!!!
好耐無返教會既基督徒: 你食飯有祈禱既咩??? 點解次次同你食親都唔多見到既?? 你仲要告解點解我地次次都要一晚食兩餐!!
聽日就係你生日羅喎, 你幾時得閒呀, 今次輪到我請返你食生日飯啦!!
我呢D做事有效率架嘛,所以你咪見唔到囉~~~你上次請左我食生日飯啦,我都唔係一個貪心的人黎既!!
無返教會既基督徒: 你都叫手腳快, 你唔係諗住個頭向下搖一搖就叫做祈禱呀??? wahahah~~
上次, 都唔可以當係既, 上次係我出黎拎生日禮物呀麻?? 不過, 我未買生日禮物俾你喎...係唔係可好似你咁3個月後先俾你呀???
Post a Comment