年三十晚

食自己小菜 - 叉燒炒蛋是也!!

今年一如以往老媽又與一眾親戚們上祈福新村遊樂, 難得老媽新年放假唔駛照顧兩隻大小不良, 去玩下, 我一條友留係香港度歲又幾閒呀!!! 年三十, 一朝早, 老媽同姐姐帶住兩隻大小不良坐旅遊巴出發北上祈福新村!!! 晨早流流年三十就已經得返我一條友濟港!! 可憐我很~~~

年三十, 公司有得早放工, 不過上次聖誕個時我已經早放左, 今日只可以留守係office, 不過, 都唔打緊, 屋企冇人冇飯食, 咁早放都係一條友返歸, 而且夜晚又約左友伴行花市, 晏d放工都唔打緊啦!!!

放工見冇咩野做係公司做多陣自己野, 做到7:30p.m左右就走去茶餐廳食我既年三十晚飯, 好在, 夜晚茶餐廳都仲有好多人去食飯, 未至於我呢d單身寡佬顯得更加冷清!!! 年三十晚, 一條友食飯, 都係對自己好d, 唔好叫d碟頭懶佬飯(即係就咁用匙羹爬入口就o.k - such as: 栗米肉粒飯, 魚香茄子飯...), 所以就叫左個小菜 - 叉燒炒蛋, 總算係一個小菜類, 夾下餸食下都過癮d呀!!!

超多人呀~~~迫呀, 迫呀!!

嘻, 等友伴係屋企食完飯, 就一齊去行行花市! 正統大型花市 - 維園, 花墟個d一定係超多人, 要出去, 肯定得個迫字, 所以我地就去左個小花市! 其實都係純粹係食下d氣氛姐, 大與小都係咁上下!!! 話雖如此, 可能真係經濟好左, 小花市都要起勢迫, 人流都唔少野!! 不過, 正如頭先所講小花市就真係小花市, 買既貨品種類果然係同大花市d質素差好多, 因為差不多十檔有九檔都係買d吹氣公仔!!! 話分回頭, 最重要既係今年有人陪行花市, 佢地賣咩, 真係話之佢啦...哈....哈!!!

行完花市之後都12點幾, 搭車歸家! 12點幾既旺角街頭依然人頭湧湧!!! ~~~