《魔街理髮師》（Sweeney Todd: The Demon Barber of Fleet Street）

琴日同友伴去左Element既Grand Cinema睇戲, 第一次去呢間戲院睇戲, 聽友伴講原來呢間戲院既座位係特別設計 - "震動"影院座位, d座位用左一d特別物料, 如果電影音效發出一d超低音頻既時候, d座位就會產生震動!! 唔好以為講笑, 琴晚坐係度睇戲個時, 當有d強勁音響出黎既時候, 個seat位又真係曉震個喎!! 我覺得又唔錯喎, 如果去睇個d戰爭片, 肯定仲好feel呀!! 而且坐位寬闊, 其實真係幾好坐下架!!!

講返呢套電影先, 電影本身係由歌劇轉拍成電影, 故此成套片各主角都以唱歌形式黎代替對白, 情況就如"Chicago", "Moulin Rouge"等, 以唱歌形式表達!!! 如果喜歡聽歌劇既朋友仔不妨可以一睇!! 雖然話係三級片, 其實主要都係因為佢比較血腥左d, 不過, 所謂既血腥場面都只不過係殺人個幾幕場面, 並唔係甚麼恐怖, 令人睇完訓唔著個d畫面!!!

故事:

華納影片公司2008年矚目新作《魔街理髮師》（Sweeney Todd: The Demon Barber of Fleet Street），是鬼才導演添布頓與尊尼狄普再度攜手的詭異結晶，影片改編自史提芬辛咸的同名得獎驚慄音樂劇，講述由尊尼狄普飾演的Sweeney Todd，遭人陷害被關進獄中，飽受摧殘，其妻子及女兒更慘遭不幸。他出獄後誓報冤仇，成為詭異神秘的理髮師，假理髮之名，冷血剃殺仇人。

影片除了尊尼狄普外，還有添布頓一直合作的演出班底，包括飾尊尼狄普的復仇拍檔凱倫寶咸卡達，她將會泡製令人大吃一驚的神秘「肉批」、還有於<哈利波特>電影系列中飾演石內卜教授的阿倫力文，他飾演邪惡法官杜平，將Sweeney Todd親手送入牢獄，而提摩菲史樸則飾演杜平法官的同謀者，沙查巴朗高漢則飾演尊尼狄普的理髮師對手艾杜夫比里尼。

影片作曲作詞皆由史提芬辛咸一手包辦，《魔盜王》系列達里斯胡斯基負責攝影，憑《娛樂大亨》獲奧斯卡金像獎的丹提費拉迪任美術。其他強勁的幕後陣容包括《芝加哥》、 《藝伎回憶錄》兩屆最佳化妝金像獎得主歌蓮艾潔、及《魔戒》金像獎造型彼德奧雲。