做冬 x 3

上星期四, 五, 六, 連續3晚同左不同的人做冬!!!

首先星期四晚, 同左自己一班G仔同學仔食飯, 當晚我地成班人去左旺角一間cafe食野, 其實, 開頭見凍凍地諗住去打邊爐, 不過, 班長Mandy話去打邊爐咁悶, 不如去Cafe食飯呀, 又有得玩又有得食!! 所以我地最後就俾佢帶左去Cafe度做冬!! 哈, 做冬都係中國人既活動, 去左Cafe食西餐好似, 怪怪的, 不過, 成班人一齊玩UNO, 又玩七級豬, 又幾得意, 幾好玩既!!

但係, 我發現左一件好得意既事, 就係原來唔係人人都識玩七級豬, UNO, 甚至乎連"呯x嘩"都唔識玩!! Anyway, 今年係第一年同呢班朋友仔做冬, 希望大家以後再有多d活動, 聯誼下大家既感情!!!

xxxxxxxxxxxxxxxxxx


到左星期五, 就到左我自己屋企做冬啦, 今年媽媽係魚米家訂左一個6-7人既盤菜, 放工之後, 等埋友伴就一齊去朗豪坊既魚米家分店黎個盤菜返屋企, 唔係講笑, 6-7人既盤菜拎起上黎都唔輕, 而且佢另外送一盒魚腐, 米線, 仲有腐皮&羅白, 拎起上黎都幾甘下架!!!

今次除左自己屋企人之外, 仲有好耐冇見既老鄰居, 老鄰居其實已經移居加拿大, 今次返黎係為左處理一d私人事, 老媽見佢一場返到黎香港就順道請佢上黎一齊食飯做冬!! 講返到個盤菜, 望上去以為係好好餸有好多材料, 不過呢個只係佢既表面, 因為最豐富個d就面頭個d食物, 原來入面個d材料真係流到爆, 除左面頭個d野食之外, 入面主要都俾芋頭, 蓮, 馬蹄充斥住, 根本就冇其他野好食!!! 失敗!!

我諗如果大家想食盤菜, 大家都係食下d正宗盤菜好d!!!

xxxxxxxxxxxxxxxxxxx

星期六, 上左牛牛屋企做冬!! 其實話說星期五個時, 牛牛打俾我話佢屋企星期六做冬, 問我去唔去, 哈, 有人請食飯, 仲要有牛媽媽落廚, 一定有好多好餸, 當然一口認承話去啦!!

果然, 有牛媽媽做大廚肯定有好多好餸食呀, 有我好耐冇食過既自家製羊腩煲仲有豆鼓蒸鱔, 仲有其他好餸!!! 嘩, 好好食呀, 感謝牛媽媽既款待!! 黎緊新年我就會上黎拜年架啦!!! 到時再見啦!!