RSS Feed (xml)
其實今次呢個並唔係咩什麼特別嘉賓, 只不過好耐之前Jessica打電話黎同我投訴(係好耐既事, 大大半年有多), 話佢個篇blog是在云云眾多篇好朋友系列中, 篇幅較短, 故強烈要小弟加開一個specail俾佢, 我都明白, 因為佢個篇係好朋友系列既第一篇, 當時仲未摸透點先可以好深入咁寫一個朋友, 不過, 每寫一篇, 寫作既技巧都好左, 同時都好似勾起返好多回憶, 岩岩都睇返自己之前打個D好朋友系列既blog, 感覺良多!!!
講返Jessica, 前文冇提及的, 其實佢同我一樣, 主要係係呢班朋友仔活動入面既召集人兼聯絡主辦單位, 基本上, 佢所有大大少少既活動, 唔係佢的話, 就係我去負責籌備, 所以透過係呢d大大少少既活動上, 我同佢既關係都越黎越熟!!! 有幸既, 我同佢都係一齊讀part-time, 雖然唔同科, 不過, 有時放學之後, 原來大家都岩時間, 佢都會搵我一齊去食dinner, 傾下計!!!
在中學時代, Jessica曾經諗過中七畢業之後會出國留學, 我記得佢好似真係走去考toefl, 雖然唔記得佢最後出黎既成績係點, 但係當時都真係幾驚佢會去得成留學, 你知啦, 平時都係得我同佢先會攪活動(包括出黎食飯聚餐及慶祝各位生日), 如果佢真係走左, 一來, 咪得返我一個人攪, 我咪死硬, 再者, 當時, 我都未同jaemi同thomas好熟, 唔算係有太多野講, 到時出到黎, 佢又唔係度, 冇佢做一個中間人既角色(佢同jamei & thomas熟d), 到時大家出到黎出現冷場既話, 大家都可能都會好尷尬!!! (當然啦!! 依家就算冇左佢, 都唔會出現呢個情況, 因為大家都熟左好多同成長左好多!!)
其實, 講開攪活動, 佢真係幾有心架!! 時不時都提出去玩d新玩意, 或者去d新既地方食飯!! 係我最深刻個時, 我諗都係有一年既christmas, 我地成班人係馬鞍山一個酒店式既住宅book左一晚既房玩, o個一次我同Jessica都安排左大大小小既遊戲(又畫鬼腳交換禮物, 又分組煮飯仔比賽.......), 而且為左呢次既聖誕大節, 仲同佢特登走去IFC個間citysuper(當時係岩岩新開)訂party食物, 而且仲有佢精心炮製既Shabu Shabu (雖然我覺得唔係咁好食, hehe~~), 個次係我地咁多年黎玩得最開心既一晚!!! 講真如果冇左佢係度, 我自己一個人都攪唔到咁多花臣出黎, 大家都唔會玩得咁開心!!! 實在係感激不已~~
佢本身既身子有d毛病, 自從佢發現自己有呢個病之後, 曾經有一段時間, 唔知點解, touchwood講句, 我硬係覺得佢會係早死個隻, sorry, 純粹感覺, jessica, 我唔係咀咒你呀, 所以呢, 我一早就同佢講左, 咪鬼成日蒲, 自己身子差又唔多d做運動, 仲要成日蒲!!! No good ar!!! 早陣子, 佢走去學人跑馬拉松個時(10km), 我真係覺得佢應該係會跑跑下粹死個隻, 所以平時我都會問佢想我送咩花牌俾佢, 又或者花牌上面寫d咩字好!!!(講笑~~~) 平時做運動唔應該係得個講, 走去跑下步, 再唔係游下水都好, 最緊要就吸下陽光, 進行下光合作用, 持之以恆, 咁就成個人都會好好多!!!
早前同佢傾計個時提及過, 依家有一段情係佢前面出現, 雖然都未有什麼的真正著落, 佢對呢份情有一個好好既形容, 就係:『好想有被人照顧既感覺!!!』, 聽到呢到我既感覺特別強, 是的, 由中學時代開始, 唔知係性格關係定係俾我地任何一個人早出世既關係(佢係3月生日), 係我地朋友中最大既一個, 佢永遠都當著一個領導既角色, 如果有任何問題既時候佢都會做一個最終決定者!!! 都會以一個照顧人既角色出現!! 難得依家有段令妳有咁既感覺出現就應該好好把握, 明白, 一切都應順其自然, 但願一切如妳所願~~
佢計劃係未來既日子當中, 可能會作出一個好大膽既嘗試, 佢暫定會係30歲之前會去apply "Working Holiday VISA"其實, 呢個plaining都唔錯, 話晒可以擴闊自己既眼界, 而且係我朋友之中, 暫時都未有人參加得成, 當佢同我提及會join呢個Scheme既時候, 我係十分之贊成, 襯我地仲係後生呢段時間入面, 襯自己仲未有任何既擔子, 而屋企又容許妳可以放縱一下, 呢D係十分難得既機會, 時間眨眼就過, 下定決心就應該多多去放眼世界, 對自己既將來絕對有好大既幫助!!!
最後一句, 唔好飲咁多, 適可而止!!!
老規矩, jessica特登為妳再打多篇, 希望今次岩妳口味!!!你要多多留言呀!!!
(下期預告: Jackie)
4 comments:
近日,因家中有點事所沒有找你們出來,反而係你地找我. 我希望9月會完成家事,之後再出來吧!
我也忘記了我去考過toefl, 成績好似合格喔!去外國是我好想去實現的一個Dream,但我發現要在對的時間及對的人. 所以我去澳洲的計劃因家事而要再想想,因最重要的是家人吧!
之前,我感覺到什麼是真正的害怕及擔心,有好多不好的想法常常出現在腦內,真的好恐怖.
我其實也覺得自己不會長命的,所以我過著"活在當下"! 若果我真的比你們走先,只要同我講"一路好走"就可以了.(但Jaemi是2月出生的,比我早,ok!~~)
健康我會去照顧自己啦,現在我要去照顧更多人,所以冇得玩啦.
去等人去照顧我,可能要等一世吧或者下一世.
我相信,每一個人在不同時段都是別人的天使,做不同的角色,而我現在只要簡單的希望家人和我愛的人及朋友們擁有健康和快樂身體!
Gary, 今次沒有第一時間跟你講只時我不習慣在你們面前哭啦.所以選擇沉默!但我希望和我想會過去的.
謝謝你們, 不論現在或從前當過我的天使在我身邊的你們.
好感人的留言,係咪哩??
jessica: 終於等到你留言啦, 知你事忙都唔打擾你!!!
正路都會講多d野, 今次係bouns中既bouns:
其實你係咁多朋友入面最有心思一位, 記得早幾年既聖誕節, 除左安慣例大家都互相交換禮物之外, 你仲會特別為各位買多份小禮物, 有一年係logo公仔鎖匙扣, (我記得我o個個logo公仔係警長, wahahha) 大大話話呢個logo公仔都跟左我2,3年, 不過, 實在太唔愛錫, 用左3年左右, 佢就已經甩手甩腳, 之後就退役左!!! 之後又有一年係每人每位一隻唔同顏色既馬騮仔公仔!!! 但係之後, 每一年既聖誕節, 我除左交換禮物之外, 都對你個份小禮物好期待, 但奈何, 近呢幾年, 各朋友都事忙, 聖誕節一聚及交換禮物之情況都不復見, 就算有, 都係得返我, 你, cow & 堅!!! 我仲記得有一年christmas, 我去左泰國旅行, 返黎之後, 聽到你講個年聖誕節得返你, 牛, 堅 & 達達交換禮物, 好冷清, 好慘!!
哈...回應返你個留言先, 我好健康呀, 仲有d肥仔添...所以呢, 唔需要為我擔心, hehe!!
總之, 我地十幾年麻, 好多事, 心照不宣, 唔駛下下講到出面, 明既, 明既!!! 總之, 有事, 你啍個音出黎, 我地都會出黎幫你!!! 講到天使, 係呀, 我係有護翼既天使, 仲要係日夜裝兩用, 仲要仲要係特長加厚, 好多吸水珠珠, 有咩事, call我, 你有我手電架, o.k~~~
唔知仲有冇其他人係度留言呢, 請多多支持....
我想話...Camus既生日係1月架,比我同Jessica還要早...哈哈!
另外...真係要好多謝你哋兩個為我哋所有既聚會"費盡心思"..謝.謝.謝...!
以後既gathering,我都會盡量出席,珍惜每一次大家見面..溝通溝通既機會! 因為有好多嘢唔係必然~~~
ar j: 其實, 我當然知道你同camus都係早過jessica生日啦, 你都唔係唔知你地所有人每年既生日禮物都係經我手買返黎(有時連我自己個份都係自己買, 好可憐 T_T), 我又有咩可能唔知你地邊日生日呢!!
不過, 我咁講, 其實係你同camus平日係活動提議發表上甚少發言, 只不過, jessica係呢方面扮演一個比較重要既角色!! 提議大家去邊度食飯, 攪咩活動好!!
都係個句, 如果可以既話就到都盡量就到大家, 其實大家都出黎做野, 大家都係咁忙, 你地返教會, 我地就返學(我依家讀完), 所以如果o.k既, 都希望大家可以出到黎一聚, 何況都唔係算特別密, 一個月或兩個月一次!! 所以就應該更珍惜呢d機會, o.k既, 你咪話俾我地知, 你地幾時得閒, 我地咪就返時間, 最重要係大家明白&了解大家既情況~~
仲有, 我地琴晚係你走左之後, 商討過, 黎緊9月我地決定會去一次短旅行, 3日2夜!! 我, jessica, thomas, 牛 & 堅都冇問題都會去, 在此先誠意邀請你同阿譚一齊去, 因為我地完完全全, 真係一次都冇同你去過旅行, 所以今次既短程旅行, 真的真的真的希望你可以盡量參加, 現在係6月, 有成3個月時間俾你可以安排你既時間表~~~ 至於詳細情況, 你可以搵我 or jessica傾傾...
Post a Comment