雜

今日開始返學, 今日上堂個時居然俾我撞到一位我以為佢已經跳出左建築界既T.I同學仔, 原來佢家陣轉返入黎做, 家陣仲要同我同一間機構度做, 不過, 大家唔同center, 其實我係度睇到佢都嚇左一跳, 因為佢之前做個份工, 完全同建築係冇關係, 以為佢離開呢個範疇, 點知一個屈尾十就入返呢行。 放左學之後, 同佢傾左兩句, 問佢因咩事返黎讀書, 仲要讀BS(Building Surveying), 佢就簡單一句話:『點都要拎返個degree既~~』, 之後, 佢就同佢d同學仔傾計。

岩岩收到電話, 新莊打電話黎話今年con day即將舉行(本月29號), 叫我地呢d老鬼返去多多支持!!! 又同佢傾左兩句, 佢話今年佢地支莊13人, 5男8女, 哈, 我諗到時o'camp佢地實死硬!! 因為得個5個男丁搬搬抬抬!!! 仲有, 問左佢今年新莊叫咩名:『築個家』, 我個年個莊名叫咩呢? 死火, 好似唔記得左添!!! 係唔係叫"樑竹"呢!!(好娘~~~), 今年打黎既新莊係男丁, 原本都想同佢傾多兩句, 不過, 聽佢把聲好似興趣唔多大, 就同佢講byebye!! (上年新莊係位姐姐仔打黎, 同佢起碼傾左15min), 我都係鍾意撩女仔傾計多d~~~hehe~~