RSS Feed (xml)
今日返左學校繼續我份dissertation, 因為下星期一要交另一份中期report, 所以呢幾日都頭痕, 攪到自己做咩都冇乜mood。 係CC(Computer Center)做左一陣, 突然間收Lingling電話, 佢劈頭第一句就話:『你死左呀!!! 近排唔見你蒲頭!!』。唉!!! 自從聖誕節之後, 已經好耐都冇見過d朋友, 更加冇出去玩啦!! 每日放工唔係返學校就係留係office埋頭苦幹做份dissertation(雖然, 進度係以0.000幾個%增長, 慢得很), 我呢d姿事份子平日得閒無事就打電話約人, 再唔係就打電話同人傾下計問下近況(我認我係八卦!!!), 呢排真係將自己"ban"埋一兩邊, 不問世事。
同Linging傾左兩句(其實都有半粒鐘有多)之後, 又接到奶奶電話, 又係問我係唔係死左, 近排唔多見我蹤影!! 仲有早兩日都同左牛牛傾左都有半粒鐘電話, 真係好想出去玩, 但見到份野就...頭痛到爆, 難得d朋友關心, 真係幾開心!!
2 comments:
你keep住寫blog又唔覺你人間蒸發喎，反而睇慣你個blog，如果有一排你唔寫既話就真係要報失喇。
camus: 多謝你, 好鬼死鍾意你用個句:『睇慣左你個blog』!!(查實呢度都冇咩人黎睇!!!wahahha~~~), 所以你要多多支持(留言)~~(其他人都係呀!!)
想講既其實係呢排都冇咩活動, 所以個人都比較乏味~~悶~~
Post a Comment