RSS Feed (xml)
早在新年前, 一班G仔同學上左Kim屋企打邊爐, 作為今07 intake G仔第一次舉行既集體大活動, 感謝阿Kim借出屋企俾我地攪攪震, 仲有Kim媽媽既熱情款待, Kim媽媽真客氣, 當時新年都未到就早早派利是俾我地, 都係感謝萬分, 除此之外, Kim媽媽仲特別為我地煲左一煱足料既紅豆沙俾我地打邊爐後作為甜品享用!!
雖然, 聖誕已過, 不過, 難得一大班人當然順理成章搵d野黎攪下, 於是有人提議交換禮物!! 提議不俗, 我最鍾意有禮物收, 而且, 份禮物只係限$50-80呢個range!!
今次俾我抽到一份好得意, 但係對我黎講, 真係可以話係完全冇用既禮物 - "偽薯仔室內電話一個", 外形又真係幾意, 好趣怪, 聲又唔錯(當時抽中左之後, 即場係主人家屋企試過機!!), 但無奈既一件事, 我屋企本身都冇駁到固網電話既! 我屋企個個人都係唔怕生腦癌既一族, 個個都係用手提電話傾計!! 各位如果邊位有興趣, 可以留言, 我可以將個電話俾佢~~ 橫掂, 我放係屋企都冇用!!
今次打邊爐既意義重大, 起碼初步將我地兩班唔同既人作初步聯誼接觸, 因為未來黎兩年, 我地一班人都要互相扶持, 互相交流, 去做到同一個目標:『考牌成功』, 希望, 之後再有多d呢d活動, 等大家再可以熟稔d, 玩得開心d啦!!
4 comments:
個電話擺係公司用囉,型到爆呀~~~
唔怕老實同你講, 依個"偽薯仔室內電話一個"根本就唔係家居電話, 樓上macy講得岩, 依個係"公司電話"黎架, 威爆~
你試想像一下, 你係個死氣沈沈既office度, 無啦啦有個紅礑礑既"薯條"喺樹玲玲聲起勢甘嚮, 已經好型. 之後你再拎起個"薯條"拍埋塊面, 一面認真咁對住個紅礑礑既物體講番句: "你好,依度係屋x署..." wahahaha, 型到爆呀~~~ d呀sir見到實睇好你呀. wahahaha~
macy: 我公司個電話要同隔離個同事share架, 個條電話線又冇分插!! 冇得用呀~~
alan: 你就係個電話既始作俑者, 既然你講到係公司用可以威成咁, 我都唔想阻你發達, 一場朋友益你, 送返俾你用..wahhahahah~~~
Post a Comment