RSS Feed (xml)
唔好以為佢怕羞面紅, 查實係天氣乾燥, 佢皮膚爆拆至真~~去完黃金就返屋企, 一入屋, 全屋黑晒(當時9:30p.m左右), 如無意外都係老媽係時候迫大小不良訓覺, 因為大不良朝朝都要成7:15a.m左右起身(仲早過我), 因為朝早又要同佢換校服又要紮辮, 攪完佢又要攪小不良, 所以唔早d訓, 兩隻野第2日實唔願起身。 過左一陣聽聲, 大不良就應該訓著左, 老媽見小不良仲未訓得著, 於是就抱埋佢出黎, 事關老媽平日有追開亞記既"義無反顧", 聽佢講今個星期大結局, 幾大都要追。
小不良佢兩三下手勢就由小sofa跳左上去大sofa, 大sofa坐著者, 正是老媽~~
之後, 老媽就坐定定睇電視, 坐唔定既小不良就成晚係度走黎走去, 冇時停~~
玩到冇野好玩既小不良, 就開始玩埋佢如廁既道具~~ 最終, 照頭笠(唔駛驚, 佢個頭仲細, 未塞得住個口)
10:30p.m電視劇做完, 老媽捉埋小不良一齊入房訓, 我終於可以獨佔部電視機啦!!!
15 comments:
WAHAHAHAHAHAH~
傳說中的痰罐呀~~XD
做頭盔好正呢~~~~
痰罐俠出場~~ XDDDD
幾時拎出來比我玩~XD
哈哈哈哈~~~
fay: 我重新講多次, 佢唔係玩具, 點拎出黎俾你玩呀...仲有, 佢都唔跟我既, 我冇可能同佢單獨共處既~~
唔拎得架咩 =口=
你一定有臭狐... 所以唔跟你~
佢真有臭狐架,我都聞到~~~!!你無理由聞唔到架!?!
re:同意Gary有臭狐的人
我同佢好似jar車咁
"要保持最少2米的距離"
所以...少聞少聞
fay: 小不良唔跟我, 同我有冇臭狐係冇關係, 唔跟我佢, 係因為佢跟老媽多過跟我~~
仲有, 另一大問題係我根本就冇臭狐, 我好潔身自愛架!! 我對自己個body好有信心~~
仲有, 仲有, jar車個句:係"2秒"距離, 唔係2米呀!!!
同意Gary有臭狐的人: 你一定係個d唯恐天下不亂, 出黎攪攪震, 係度妖言惑眾既人~~ 我知啦!!! 你一定係"長毛"個班人黎既~~
我真金不怕洪爐火, 搵日約出黎, 我俾你聞過夠, 睇下我係唔係真係有臭, 臭.....
你唔俾有人一秒行一米架咩!?!人地腳長唔得呀??
你對自己個"爸~dee~"有信心同有無臭狐亦都係無關係架喎!!
我無搞搞震呀......你唔好搵人黎拉我呀!!!我好驚呀~~~~(超,搵人拉我丫笨!?!)
路過的人: 我對自己個"爸~dee~"有信心既意思係, 冇人話比我更清楚我自己個"爸~dee~", 我知我係冇臭, 臭.....既~~~
妖~~~ 你識唔識字姐~~
我話好似~~ 好似=/=係
我係jar車就2秒姐~
你同我係人....2米~~ 比少左啦~ .\/.
唔驚你的人: 呢位朋友, 你內心係唔係好似有兩把聲音出現呢!! 一把聲就叫你做呢樣, 另一把聲就叫你做第二樣, 我諗你都係睇下醫生好喎, 你個d應該叫"幻聽"。
據我所知, 呢d係"思覺失調"既病徵, 不過, 初期既病患者都仲有得醫, 你快d去啦!! 我係度祝你早日康復~~~
fay: 2米, 咁以後我地就算約出黎玩, 我要同你講野既話, 都係要打電話俾你呀, 冇理由係條街度, 大大聲咁叫個喎!!!
小學生作文常見的一句評語
離題萬丈 xD 我不再作討論啦~
拿拿聲諗下點拎只B來玩~ XD
fay: 呢d叫可持續發展呀~~~
Post a Comment