差

原定應該聽日先可以上網check到sem 1既成績, 不過, 學校多數都係係前一晚已經send左個result去各位同學仔既e-mail account, 岩岩check左, 今個sem 雖然讀一科, 之前仲話過自己個presentation攞"A"(其中一份assignment), 不過, overall result居然得個"C", 撞鬼!!!! 不過, 都知咩事, 阿sir冇放水, 自己開頭又貼錯題, 背到滾瓜爛熟個條偏偏又冇出到, 之後, 要答個d都係靠自己吹返黎, 呢科係elective, 唯有同自己講:『選錯科~~~』。

不過係呢科subject個lecturer度學左少少生活智慧, 佢上堂曾經講過:『入黎大學得到既唔係知識, 你地畢左業之後, 世界唔會因為你地而改變, 改變既係你對世界既睇法, 仲有既你地得到既係自信, 當你拎到一個大學學士稱銜之後, 你出去講野個時都講得大聲d, 呢d就叫自信!!!』(係呀!! 我地上堂個時, 阿sir有時就係咁無聊講咩d無謂野~~~)

唔知點解根據過往成績記錄作非正式統計, 永遠都係一個學期好完之後(話晒上個sem都有1A+1B架麻!!!), 到下一個學期d成績就會有回落既情況, 如同呢幾日股市咁, 早前高開過兩萬點, 家陣就插水式回落萬九點, 尤如過山車般上落有時~~