RSS Feed (xml)
有位老街坊-伍太, 之前佢已經移民左去加拿大, 不過, 岩岩近排因為d私事返黎香港住兩, 三個月, 返左黎之後, 老媽逢星期日朝早都會同伍太飲茶傾下計。話說上星期日, 11點幾我仲訓緊覺 突然聽到伍太把聲係個廳出現!! 一開房門就見到伍太, 伍太第一句就講:『強仔, 好耐冇見羅!!』之後就用雙手拍拍我個膊頭就再講:『 e, 真係肥左喎!!!』, 黎到呢個位, 好明顯我覺得應該係老媽同佢飲茶個時, 係度話:『唉, 我個仔肥仔左!!』, 如果唔係人地點會用到"真係"呢兩個助語詞!!!見佢咁講一講, 我當堂反醒一下自己!! 係呀, 我知我係肥仔呀!!不過, 唔得! 唔可以再咁落去, 我要變鋼條, 好快貶下眼就到夏天, 我係時候瘦身先!!
我有planning:
1.) 聽小安講跑步有用, 不過, 跑步前只可以食個包or米粉, 跑完之後, 就咩都唔好食, 要馬上返屋企, 沖涼, 訓覺, 仲要係立即訓個隻, 如果唔係你就會肚餓!!!(佢話訓左就唔覺餓<--不過我係驚餓醒!!)
2.) 平日, 我都係放左學先返屋企食飯, 太夜食飯都會易肥, 家陣要效法牛牛先!! 佢平日如果要返學的話, 通常都係返學前, 食個包就上堂, 放學之後咩都唔食!!
3.) Jessica話, 唔好食公仔麵, 要食就食米粉, 咁我咪要同我至愛d公仔麵拜拜, 咁supermarket我都唔駛行啦, 因為次次行親都係去睇下公仔麵減價未!!
唔知我遲d會唔會瘦到有厭食症呢!!! Hehe!!!
12 comments:
根據我既經驗(今次終於唔係老吹喇!),跑步要at least跑半個鐘先有效架,聽人講,頭15 mins係等個爸D warm up,跟住果15 mins先係break & burn架!!
你都唔算好肥,只係唔夠標準姐,加油呀~~~
macy: 你突然間厚道左喎!!! 我鍾意你講個句:"你都唔算好肥,只係唔夠標準姐", 難得...
嘩..原來跑完15min之後先可以break & burn架!!
其實減肥係一項長期革命...加油啦...我都要減減先..冇糖同冇油呀..
kitman: 冇糖同冇油呀!! 咁我駛唔駛當自己係一隻牲畜咁, 只可以食菜, 其他咩都唔食~~
咁有時都要做返D善事積下陰德既~~~~
你係食得太多豬啦..咁咪變都佢地哩..食少的呀..喂, 我阿哥叫我同佢係大埔跑去馬鞍山呀, 有冇興趣??
我平時由馬鞍山市中心跑去沙田畫舫來回都跑到死下死下，大埔跑去馬鞍山？Miss Cheng妳定得順架喇?
kitman: no la!! 家陣一切所有活動+運動都停止啦!! 我呢兩個月都會閉關!! 基本上, 除左岩岩之前約左既活動之外, 我其他時間都唔會出現...
跑步個d野, 都係等我交晒功課先做...
大埔跑去馬鞍山 @@"
我比較中意踩單車~ @@"
馬鞍山踩出大埔~ kaka~
吳生你唔係肥....係向東南西北方向發展~
簡單d講...係四方果~ＸＤ
你依家肥腫難分咁其實都ok呀,無謂搞咁多野啦,費時你越搞越衰,唔好話我依家無提你
fay: 踩單車會腳粗個喎!! 我已經係小許黎根腳~~~再落去, 我怕出街要著喇叭褲出街先得喎!!!
四方果....我要做青蘋果味!!!
阿榮: 你咁樣做人就唔得啦!! 做人要居安思危, 下下都安於現狀係好危險!!! 你呢d人咪正一係董建華思想羅....以為家陣o.k冇事就唔去做定d野去預防~~死得啦!!
不過, 講真個句, 唔覺我好肥, 都係因為小弟係著衫方面既掩飾工作做足, 查實, 好多位已經唔多掂!! 我諗做晒功課之後, 就會近夏天, 可以多游水, 到時你游水個時call埋我~~~
Post a Comment