RSS Feed (xml)
前日唔知發生左d咩事(可能仲係鬼節既關係), 無端端有二位平時都冇咩聯絡既朋友仔, 突然間分別黎邀約搵食飯!! 其實, 有時對呢d飯局都會覺得有少少唔自在, 因為平日大家甚少聯絡, 如果突然間約出黎, 仲要講約出黎食飯個原因係"因為想見下面, update下大家既近況!!" 嘩, 一聽到呢d原因, 都知一定係有d事, 可能我自己心邪, 唔好話見面食飯呀, 連msn, icq & e-mail都甚少聯絡, 如果唔係有d事想搵你幫手, 真係未必會搵食飯!! 當然啦, 早幾年岩岩出黎做事既時候, 更加遇到不少呢d情況啦, 因為不少有朋友會去做傳銷或者保險之類既工作!!果然, 我呢d神機妙算, 一下子就俾我貼中左, 其中一位就話黎緊會結婚, 話到時擺酒叫我地抽空出席, 唉, 呢位人兄之前做同事個時都已經唔多講兩句, 而且仲要係唔同team!! 當然你結婚係一件喜事, 我亦都好高興你邀請我分享你既喜悅, 只不過, 我諗我真係未熟到會去飲你個餐!!
另一位都係有事求助, 當然啦, 叫到幫手, 如果能力做到既, 都盡量幫啦!
我覺得朋友之間, 得閒個時可以打電話大家傾兩句, keep住聯絡, 再唔係msn or icq say個hi都冇所謂, 如果只係有事先黎搵朋友幫手, 咁就唔係太好啦!! 所以呢, 朋友, 我等車 or 坐車返屋企個時, 就會打電話俾你地傾下計, 同你地聯絡下感情!!
6 comments:
好心你份人就唔好咁小器,人地請你飲你咪去囉,做番一舊水好夠,你去到話唔定頭盆係麻薯拼盤,然後黎個紅燒麻署燴魚翅,飲野只有一款維他奶無得揀,你只須一舊水就可以享用到呢d美食,一場同事又可以戥佢開心,何樂而不為呢
咁我咁耐無同你聯絡,一同你聯絡就約定你9月搵日食飯慶你生日,你話我呢D朋友係咪幾咁好呢!?!你而家先知我好,都仲未遲架~~~呵呵呵!!!
阿榮: wahahhaha, 去飲之餘仲要俾一百蚊人情, 係你呢d仆x先諗到, but i buy you, i like your idea~~~ 我話知佢俾咩我知, 再唔係, 我飲汽水飲夠$100為止....
macy: 你真係太好啦, 好到呢....我都唔知講用咩黎形容...好啦, 好啦, 我好感動, 唔好再講啦, 總之識到你, 我真係, 真係, 想....喊呀....
(咪低能啦, 你 ~~~ wahahahhahah!!!)
大佬, 今次依兩個飯局都真係連累左你, 真係唔好意思。但請信我, 我真係真係估唔到原本兩位朋友會係咁既原因先約出黎食飯架。
另外, 你話朋友要得閒無事打電話吹下水先至friend云云。但我都冇幾何同你打電話吹水喎, 我而家先至知到原來我一直都唔係你既朋友之列... 唉, 明架啦~
alan: 倫爺, 又唔好話咩連累, 講到咁誇張, 你都唔知咩事既!! 食餐飯又有幾閒姐!! 當見下面, 聚下舊姐!!!
仲有, 我真係唔係好明點解你成日都係度開口埋口都質疑我地係唔係朋友, 其實都講左好多次, 呢d野在於心, 我講過我當你係朋友, 呢個係事實!
不過, 既然你係覺得我唔當你係朋友, 係度耍緊你既, 咁你我得閒就同我say hi & bye!!
Post a Comment