RSS Feed (xml)
今日放左工, 原先諗住返學校做下份論文, 但係又諗諗下自己好似成個月未去恤髮, 家陣朝朝起身個頭成舊屎咁, 改變計劃都係走去攪攪個頭先!!放工執野走人, 係搭lift個時岩岩同小安一齊落樓, 佢問我放工去邊, 我當然就係答佢剪頭髮啦!! 點知佢就好語重心長咁同我講:『e, Gary!!! 你小心d喎, 冬天剪頭髮好容易會病個喎!!!』, 我就好快咁問返佢:『你試過冬天剪頭髮會病啦!!』, 佢又好自然(仲有係好認真!!)咁答我話試過, 我真係不其自然O左咀, 成個人都呆左一呆, 我都係第一次聽人講原來冬天剪頭髮係會好容易病!!
小安多謝關心, 剪完個頭之後, 依家暫時都仲未有咩發病既徵狀, haha!!!
10 comments:
Gary, 我屋企有你post個本書, 需唔需要我借俾你睇呀? 可以增進你d冷知識丫麻....
唔傷風咪代表你強壯囉！^o^
牛牛: 長期讀者, 但留言稀客, 少可見你蒲頭!! 本書斷估都唔係你買架啦!!
你有冇睇到我隔離about me個欄寫d咩呀!! 我呢d"淵博架麻, 有咩會唔識呀!!!
安: 我強壯!! 都幾架, 我一年最多都係病一兩次!! 不過, d人話反而唔多好, 小病唔發出黎, 積積埋埋一次過先黎晒, 仲死!! 我諗我應該會係個d晴天霹靂, 冇啦啦會生cancer d人黎~~~
啋啋啋，新年流流...
anna: 後生仔女, 百無禁忌~~~wahahahah
我覺得你似死於怪病多過生cancer~~~
macy: 怪病, 例如d咩呀, 係唔係個d自己已經有太多太多錢, 多到用十世都用唔晒, 之後人生無晒動力, 再之後, 就屈屈不歡而死!!
再唔係, 就一定係自己有太多靚女既女朋友, 因為應接不暇, 而體力透支而死呀!!!
我諗都應該咁架啦!!! 可能呢個就係我條命!! 真係好慘, 要咁樣死法~~~既然係咁, 我就唯有認命啦!!!
你諗得太多~~~諗大左!!!
macy:人生實在太美妙啦!!! 居然要我咁死法!!!
Post a Comment