端午節的一天

今日雖然係放假, 但係又係要晨早流流起身(真係唔知點解, 近排d假期 or 星期六, 日都冇覺好訓.....成日要早起身), 因為今朝朝早要去拜山, 你會問點解端午節去拜山? 其實係因為, 我阿公係端午節之後一日生日即生忌是也, 所以今日就成個家族去左"團拜"。今朝, 7:30a.m起身(仲早過平日返工~~~), 梳洗過後, 就先同阿媽落樓下食個早餐再出發。

去到荃灣地鐵站, 就先去join返兩位阿姨, 之後就浩浩蕩蕩咁坐小巴上去"圓玄學園"進發(其他家族成員就各自上去)。今日天雨濕濕的, 上到山頂就更加濕, 又濕又悶熱, 好辛苦下, 難得上到去, 當然又要摺下d"衣紙", d親戚摺下呢樣攪下o個樣, 都攪左一陣子(好話唔好聽, d親戚到老左之後, 我地呢d後生, 實唔識攪(衣紙, 香.......)咁多野!!! 到時都唔知點算!!), 最後, 拜得阿公, 老豆, 太婆都差不多成11:00a.m。

大家族難得出得黎, 就仔仔孫孫一齊食個lunch先, 舅父係尖咀的百樂酒店book左位食lunch buffet, 原來每位都係$64蚊, 當然啦, 一分錢一分貨, 野食就唔係好好多款, 一般啦, 最重要係搵到地方俾我地成18人有地方聚腳, 一班親戚, 又表哥表妹成班一齊係度傾下計, 交流下大家彼此生活情況。 食完之後都已經去到2:30p.m。由於今晚6:15p.m約左人出去食飯, 又唔想行街行足4鐘, 於是乎又去我最鍾意用黎hea時間的地方, 對!! 又係o個d漫畫cafe, 今次係尖咀去左一間, 今次係睇左一套家陣由劉德華拍緊, 由漫畫改編而成的電影叫『墨子攻略』的漫畫。 其雖然其畫功一般, 但內容十分緊湊(推介一下, 可以值得一看, 尤其是劉生都拍緊佢)。

今晚, 由Denise發起由本人代辦(簡單黎講, 係佢"點"我去約人先真!!!)發起今晚端午節飯局, 本人開頭諗住幾條友食下飯仔就算, 但係橫掂都係約, 就不如約多d人, 如是就攪左個『8th BRESS - 莊員飯局』, 其實係poly讀higher diploma年代, 入左自己department的socity攪活動, 從而認識一班由其他course的人, 好幸運亦因為係攪活動當中同佢地成為好朋友, 尤其是BRE雙辣- Cherry & Denise, 因為當時, 我同佢地兩位係O' camp當中負責做M.C之一職, 當年整整一個summy為大家帶來很多難忘回憶。



講番, 今晚的聚餐先, 今晚勁呀, 有Denise & Erneshu, 小菲 &佢男友, Harvey, Carrie, 阿耀, 阿龍, 一行9 人一齊去左Outback Steackhouse食dinner, 其實今晚, 只係欠Ronnie, Cherry & Jerry, 先算係整莊, 奈何佢地都岩岩有d事, 唔得閒黎唔到。 其實自從大家畢業之後, 大家都好少出黎食飯(當然啦, 我同cherry & denise就有自己約出黎), 今次可以話係畢業之後(都成3-4年啦!!)第一次約到咁多人出黎食飯的一次, 好難得!!!! 成晚, 大家都係講下彼此狀況, 閒聊一番, 不過, Denise & Carrie都仲有下一場, 於是, 大家8:30p.m左右就完結左今晚的相聚會。 希望下一次, 有機會真真正正約齊成班人一齊啦, 當然啦, 呢d野都係由我統籌啦, hehehehe!!!

填form

張"報稅表"寄左黎成個月, 都未有心情填, 不嬲都覺得填呢d野好鬼煩, 要"抄"一大輪資料, 又要拎部計數機出黎篤, 要加下呢樣減下呢樣, 如果結左婚仲煩, 又要睇下應該係合埋一齊計, 著數d, 定分開黎計會好d。 終於, 今晚都"的"起心肝, 幸好自己又冇咩物業, 又冇咩投資(都唔知係好事定唔好事!!!), 唔係好多野填, 話咁快就填起左。

講開填呢類資料性的表格, 我諗麻煩極都遠遠都不及中小學時的"學費減免"、"車船津貼", 以及大學時代的"關Load", 又要填呢樣, 又要填o個樣, 又要搵擔保人, 擔保人又唔可以同你有咩直接關係, 總之規矩一籮籮, 填錯又唔知係唔係要填過。 細個o個時, 一知道要填呢d野, 同阿媽一齊覺得如臨大敵般, 打醒十二分精神, 我地通常都會先打影印一份, 先於影印本上練習一次(試填一次), 之後, 才來個正式的, 當時成日都覺得如果萬一一個唔覺意填錯. 就好似會俾人捉去槍斃, 就係煩....

提提你, 你又填左報稅表未呀!!!

6分鐘- 450cc

今日係short week, 不過, 前一日認應承左阿媽話陪佢去保險箱拎返d野(聽佢講話間銀行要關閉, 所以要拎返d野走), 於是, 今日又係晨早流流俾人叫左起身, 同媽媽 & 兩個甥女一齊落樓下飲個早茶, 先再出去銀行。出到銀行, 好快手就攪掂, 之後就返左屋企。

下午, 又係落雨天, 又冇得曬太陽, 見冇野做無無聊聊咁, 不如做番d有益活動, 於是乎就走左出去旺角的紅十字會中心走去"放血"(捐血), 其實, 以自己黎同身邊的朋友比較的話, 據我所知我的捐血次數算係最多的一個, 連埋今次, 已經係第9次捐血啦!!! (當然啦, 如果同50次, 100次個d比, 我先得個10次都唔夠, 當然係蚊比同牛比啦!!!)

不過有少少慚愧的是, 原來, 我對上個次捐血已經係3年前的事, d人話男人可以3個月之後再去捐血, 我就足足隔左成3年先再返去捐。 之前都想再去捐, 不過, 就成日都搵唔到d合適時間去, 所以就一拖再拖, 拖到今日先去...

講開3年前o個次捐血, 都唔係好似今日咁, 特登走去捐血中心架!!! o個次, 都係咁岩出街做野, 見到個流動捐血站, 見自己又就快收工而手頭上工作又攪掂, 咪順勢去捐血羅...都係因為方便先去左捐, 如果唔係又唔知拖到幾時...

今日去到捐血中心, 就先填好表格, 再同護士見一見面, 之後再做個血紅素test, 就o.k可以開始捐血。當我捐完之後, 個護士就同我講：『先生, 捐完啦!!! 唔!!! 6分鐘捐完450 cc』, e, 我心諗乜家陣紅十字會有捐血比賽咩?? 睇下邊個最快泵爆(滿)包血就有得贏呀!!! 咁獎品係咩呀, 係唔係可以幫你縮短捐血限期, 即係人地要等3個月後先可以再捐, 你就可以2個月之後就已經可以去捐, 仲有, 捐完之後, 你可以俾其他人食多兩包餅(實際上已經係任食)

捐血其實一d都唔痛, 其實放咁d血出去, 自己唔會有咩損失, 而且又幫到人, 何樂而不為, 各位朋友唔好再俾藉口自己, 有時間就去捐下血。

"心交"同盟會

琴晚, 與同事們(simon, benny anthory, kenix, mei & alan)相約唱k去, 放工後, 就去左旺角Neway City join 佢地, 我地由6:30p.m唱到9:30p.m, 我諗呢次應該係最後一次同kenix出去玩, 因為黎緊6月佢就會飛去澳洲開始佢人生新體驗, 下次見佢應該係下年3月啦!!!(佢參加左holiday working visa會係澳洲stay接近一年左右, 真羨慕~~~ )。係Neway有k buffet食, 冇咩野好食都冇咩野食, 不過, 有樣野想講下, 話說, k buffet有樣燒墨魚丸食, 有人即場整啦, 我見個4眼仔(雖然我都係!!)整緊, 就排隊等佢整完有得拎啦, 我見佢慢條斯理咁整(真係好慢), 真係睇到有d火都黎, 差d想叫經理落去樓下旺角, 叫d賣小食鋪d阿姐上黎整仲好過, 成個過程, 我足足等左成10分鐘先拎得個3粒墨魚丸!!!

唱到9:30p.m要交房, 我又見時間尚早(係呀, 我係一個夜鬼!!!), 我就提議飲野傾下計, simon就提議不如返公司飲埋個支"芝華士"(其實係好耐之前, 唱k飲剩左支"芝華士", 拎左返office) 於是, 我就飛左入去seven買支綠茶, benny & anthory就返屋企, 唔去, 咁就得我, simon, kenix, mei & alan一行5人返office啦!!!

哈, 上到office, 大家擺好晒個架步, 大家就拎隻杯出黎啦, 開始時都係搵d野玩下, 到後期大家就開始玩true or dare, 不過就以 true為主, dare就唔係點玩, 我地就轉筆, 支筆就轉到邊個, o個個人要答人地問的問題。 其實之前, 我同kenix & simon已經時不時都傾下計, kenix係心交1號, simon就係心交2號, 我地3個人之間的事, 其實大致上我地3個互相都知道不少, 所以到最後, 就變成主要都係問阿mei & alan, 當中都問左不少問題(有不少仲係d敏感問題!!!)(大家講過, 呢頭講, 就呢頭散---要保守秘密), 呢晚之後大家互相都認識多了。

最後, 我地12:30a.m先係office走...

家和萬事興

平日, 小弟都比較抱著"不平則鳴"態度做事, 琴晚終於係屋企同家姐吵左"獲"甘, 只因見到媽子平日在家中之辛勞, 不得不出句公道說話(詳細的不多說啦!!!), 只知媽子常與我申訴。 難得, 岩岩我又係屋企, 就先黎一個"反擊戰", 替媽子先出一口氣, 取回一個公道。 耐何, 姐子生性火爆, 最後換來各人(only 我 & 她)大吵一場....

家陣, 諗番起琴晚就頭痛.....今次, 真係有排攪...

"林"友

話說琴日朝早有個eviction operation(意即將有關佔用該僭建物人仕, 驅逐出該單位, 以便下一步有關行動), 其實早係兩個星期前都已經知道有呢個operation, 不過, 之前都未做過, 唔知會有咩野發生。 一朝早, 大佬行埋黎我個位度同我講:『喂, Gary, 準備好d野, 我地去"林"友』, 我當堂啞晒口, 唔係咁誇張呀, 我地一行3人, 每人都拎住頂安全帽, 之後又鐵筆, 又鎚仔, 又鎖鏈(因為清左場之後, 就唔可以再俾人進入該單位),就坐車出發。 全程車大家都好緊張, 一來唔知該單位住客搬走左未(之前已經出左信, 通知佢地要搬走), 如果未搬走, 會唔會同我地對抗(容乜易, 好似電視新聞個d咁, 擺定晒d石油氣罐等我地上到去, 一鍋熟。)

通常, 呢d operation, 我地都會通常警方到場, 睇下需唔需要協助, 當我地到達現場時已經有警察係度等我地。 之後, 等埋大大佬, 我地3條友就"立"架生, 我地當街當行拎住d鐵筆呀, 大鎚呀, 個感覺好似先前有段政府廣告咁, 『先生, 唔好意思, 我趕時間上去爆格!!!』, 上到去, 大佬先睇下單位內有冇人, 冇人有反應, 就問大大佬點攪, 大大佬就話:『做野羅, 爆佢門』, 就係咁,我地3條友仔, 又用鐵筆, 又用大鎚, 仲要加埋大佬破門一腳, 攪掂, 衝門而入, 確定冇人, 就將大門的門鎖拆掉並加上鎖鏈, 成個過程無驚無險,攪掂..

之後就夜晚放工約左jessica, 牛 & ivan去拎身份証, 放工之後, 走去左尖咀join埋一齊去, 由於牛7:30pm-8:00pm係公司開會, 咁我同jessica & ivan就先行去尖東拎左先, 拎到張身份証, 望一望, 點解個人歪歪地架!!! 都冇計啦, 都要照收, 成個過程又係話咁快就攪掂。

之後去左山林道一間"大盛"食日本野, 呢間之前都有朋友介紹過, 但係仲未有機會去食, 次次去親山林道都見呢間野好多人排隊等位, 今次都唔例外, 我地留左名, 都要等成45min先有位, 野食o.k, 唔算貴, 叫晒成抬野食, 最後埋單都係每人$90..

花名

記得中學時代, 本人與其他同學仔都十分口多, 最鍾意幫人改花名, 以下乃中學時代同學們為各人起的花名:

同學篇: 菠蘿(沿用至今, hehe~~~), 野豬, 橡皮艇, 航空母艦, 鯨魚, gym堅, super, rolex(勞力士), 牛, 佐敦, 歪咀, 貝多芳, 抽筋, banana蕉, 林旗, 奶媽, 奶媽個仔, 高佬, 河童, 水上飄, 肥ju, 賴屎, 小狗, 男人(佢本身係女仔黎架), blood甩(我家陣都唔係好明呢個花名點解), 臭P, 鄧亞萍

老師篇: monkey, 村長, 魚網, 鄭和, 老黎, 黃老太, 大頭業, 六個"濃", 尖波(同佢身材冇關, 係d師兄傳落黎), 高廋平, 頭盔, 熊貓

中學時代, 咩都諗一餐, 當然唔係課本上的啦, 唔知你又有冇為其他人起咩特別的花名呢!!!

p.s:其他同學仔, 以上的名字, 有冇什麼遺漏呢...你地可以係留言度補充番...haha

好朋友系列: Jessica

其實在我Form 1 時就認識她到現在, 大大話話都已經有14年多~~~

Jessica給我的印象始於中學時代時開始, 當時的她已經能輕易與任何人都可以打開溝通的橋樑, 亦因此當時有很多人願意跟她交心, 與她分享, 而她亦樂於與你交談並同時作出建議或安慰說話, 絕對是一位極佳之聆聽者或給人作申訴之對象 (這可能與她的宗教信仰有著互相的關係罷!!!), 亦正因如此的性格, 同時從而造就她今天工作上的一個優勢, 樂於結交朋友, 不害羞, 敢言....等等///

自中學經歷人生大變, 她的身形急劇改變, 如果佢中學時的身形是一隻可以坐5-6人座位"橡皮艇"的話, 家陣佢應該係一隻單人座的小飛, 哈, 哈, 不得不佩服佢, 縱然當時未有什麼"廋身堂"等纖體公司, 但佢依然可以進行自我減磅, 滅脂行動, 人地早兩年先追睇"恩兒"減肥血淚史時, 我就已經早人地5年已經有幸見證...haha(講笑, 講笑)

出來社會工作後, 她就開始經常與酒作樂, 她身子健康狀況縱然 不佳, 但她依舊與她的朋友出去玩, 飲酒, 去蒲(現在她已節制多了!!!), 其他與她相熟的朋友們都好言相勸, 對她說應該少d出去浦&出去玩, 理應調理好身子, 朋友的關心她雖然知道, 但她持著一點應『及時行樂』的宗旨, 故此依然係『意見接受, 態度照舊』行事方式去耍樂。雖然依家佢成日都話:『酒唔係我朋友!!!』, 但都見佢有不少場合都經常飲酒....

"工作狂"黎形容佢都不失為過, 不過, 有時真係唔知係佢個工作效率低定係真係咁多野做呢, 成日都聽到佢話好忙。 曾經聽過她說, 有試過經常11:00p.m先收工, 不過, 在眾多朋友當中, 亦只有她的工作, 能令她可以見識得俾其他人多, 眼界亦擴闊不少, 雖然辛苦, 但她亦樂在其中...

性 本善, 亦是她的優點同時是她的缺點, 於一次出黎閒談中得知她深信於社會工作上, 個個都係好人(唔係教大家諗埋一邊), 只不過, 樹大有枯枝, 現今的工作環境中總有一些小人作硬, 放肆, 肆虐, 利用你, 或有機會俾個蕉皮你踩, 但她卻常常認為自己沒有利用價值, 而處於經常被動之位置。 希望佢識得保護自己多一點。

希望, 有機會再一次一齊去旅行...成班人去旅行真係好開心....

(下期預告: 阿牛)

補色計劃－－－失敗

琴晚, 發牙痕同阿媽講:『聽朝去飲茶羅!!!』, 就係咁, 今朝晨早流流(其實都成9:00a.m), 就落左樓下飲茶, 飲到10:30a.m左右, 之後就走左去百佳行左陣就返上樓啦!!!

原本諗住岩岩考完試, 今日走去曬太陽曬返夠本, 補返d健康膚色啦。 點知琴晚, 望到個天都知今日都係冇太陽曬, 算數!!! 冇太陽, 咪最多去游水, 好過冇, 哎呀!!! 點知佢落雨, 仲要越落越大個隻....

岩岩check過天文台, 好彩, 下星期六 & 日都好好太陽, 雖然, 天文台成日都唔係好準, 不過, 都總算係好消息....

The Lake House(荷里活) = 觸不到的戀人(韓片)

今晚係屋企無聊, 加上電視冇野睇, 就手痕痕"禁"左去"Now"的其中一個台, 該台專播新片的trailer(平時冇野睇我好鍾意睇下新戲d trailer), 岩岩一轉過去就睇到有一套係黎緊6月會上畫的電影叫『The Lake House』的trailer, 發現該電影的劇情, 背景, 人物設定都同『觸不到的戀人』一模一樣。 講開『觸不到的戀人』呢套戲, 其實我都幾鍾意呢套電影, 而我亦都係因為呢套電影先開始留意韓國電影, 反而好多人鍾意個套『我的野蠻女友』我就覺得一般姐!!!

『觸不到的戀人』的故事大綱:

剛搬來的星賢他為他自己的房屋取了一個義大利文的名字『Il Mare』，意思是『海』。整理房子的時在信箱發現了一封內容很奇怪的信，信上寫著“我是你搬來前的上一個房客，如果有收到我的信…請寄來…”而且這封信寄出的日期是在1999兩年後；而星賢現在的時間是在1997年，星賢就立刻回信給這莫名其妙的人：「我是這房屋的第一個房客，而且今年是1997年，你可能搞錯了，反正我會幫你注意。還有，你是怎麼知道這裡叫『Il Mare』？」
恩澍是個配音員，她發現了回信的內容之後，她就開始常常寫信到兩年以前的Il Mare……。
恩澍的男朋友去美國後已很少和恩澍聯絡，後來男友從美國回來，但卻已訂婚了，心碎的恩澍寫信給星賢，拜託星賢到當年恩澍和男友最後見面的那一天，去改變他們的命運；星賢覺得很痛苦，因為他已愛上了恩澍……。



講番『The Lake House』先, 呢套戲, 無論各方面都同『觸』片一樣, 但係係男女主角上就出現左少少問題, 佢地居然搵左係『Speed』(生死時速)的男女主角即Keanu Reeves(奇洛李維斯) & Sandra Bullock(珊迪娜布洛), 唔知點解, 搵佢兩個做, 雖然故事依舊, 但感覺好似上令到成套冇咁吸引。

岩岩係網上, 搵到d資料, 原來, 美國方面真係參照 『觸不到的戀人』的劇本拍的....

【明報專訊】韓星全智賢與李政宰合演的電影《觸不到的戀人》，不但曾在港大受影迷歡迎，連荷李活電影公司都看上這個愛情故事，找來曾是《生死時速》好拍檔 的奇洛李維斯（ Keanu Reeves）及珊迪娜布洛（ Sandra Bullock）合演，正式命名為 Lake House的新版，將於 6月中在美國上映。

新版中，女主角的職業由配音員變成醫生，但拍攝背景如海邊小屋及信箱就似乎照足原著，至於新版是否拍得一樣浪漫動人，則要拭目以待了。

連踩兩場

琴日, 一放工就"拿拿臨"走左去旺角join埋d同事上左去京士打波, 由6:00p.m打到去8:30p.m, non-stop咁打, 個feel好"得"呀, 好耐冇做過運動, 一做返成個人都精神晒, 不過, 就有輕微意外, 右眼眼角擦傷左少少..., 打完都8:30p.m左右, simon佢地成班就去食飯。 我就返屋企沖個涼食個飯去再趕下半場(上阿牛屋企打winning & 打牌)....

返到屋企都成10:00p.m, 快快手沖個涼跟手食埋個飯, 就出門口。大約11:00p.m就上到阿牛屋企, 已經有好多人, 有阿牛, 阿達, 阿恩, 阿文, 仲有ivan細佬, 佢地已經開波打緊winning。 一坐低, 嘩!!! 唔得, 一定係頭先打波打得勁得濟, 家陣肌肉個d乳酸"巴巴"聲咁"o支"出黎, 成身腰酸背痛, 嘩....嘩....嘩....成個老人家咁, 要用隻手撐住條腰, 頂頂先....

跟番上次規矩, 又係一場$20, 今次我地有6個人, 3個人一team, 最後我猜包剪搥, 就同阿恩 & ivan細佬一team, 一開始, 阿恩 & ivan細佬(即係我team)係威係勢咁, 係上半場快人地入左一球先, 就係呢個時候, 我當然係係得勢不曉人啦, 就話：『錢就係咁易黎, 望住個mon, "禁"幾個掣, 就有錢收, 唔怪得之d人買股票, 咁開心啦...whahahah』, 當我仲係好興奮, 好囂張之時, 阿恩 & ivan細佬居然俾人入返一球, 我真係啞晒口, 最後場波, 居然俾阿達佢地力追反勝2:1, 立即, 我俾阿達話返: 『錢就係咁易黎, 望住個mon, 咁就有錢袋入袋啦!!!』..........一口一llll

打到半途, ivan就係山長水又遠係北京返番黎, 個係岩岩落機就直接上去阿牛屋企, 佢一入門口, 就講左句:『嘩!!! 成個禮拜, 終於見到自己識概人.....』(佢係北京個時, 真係好鬼孤兒仔咁, 真係可憐!!!)

最後, 加入埋ivan, 我地惡鬥左好幾場, 最後大家互相都係冇贏冇輸(其實, 我個team一直都處於都輸緊情況, 不過, 經過一路力追, 先打返個和), 打到最後都已經成3:45a.m左右, 就各有各歸家.....

唉!!! 雖然, 第2日, 星期六返半日(今個week我係返long week), 但訓個幾粒鐘, 個人好呆呀....家陣塊面冇咩表情, 因為個腦已經唔好受控制....

成個月冇黎啦...!!!

哈....當然, 唔係講冇M到啦!!!

因為, 之前要做assignment兼perpare examination, 好耐都冇打過波 & 曬太陽, 大大話成3個禮拜有多。 難得岩岩打完風, 聽日, 就約左班同事打波。

對上o個次曬太陽都已經係成2個禮拜前的事羅!!! 之前曬的黑色皮膚, 都開始甩色羅, 又係時候補一補色先, 一於黎緊個星期六 & 日都去曬返夠本先, 曬太陽呢個活動簡直係一個平靚正又健康的活動(不過, 就成日俾阿媽話我咁曬法, 遲早會生皮膚癌, 冇計啦, 鬼叫上次唔覺意曬傷左"少少", 成個人紅當當咁返屋企咩~~~)

p.s: 岩岩阿牛打俾我, 話聽晚上佢屋企打winning & 打牌。 發達!!! exam完之後第一個活動....我就聽晚打完波, 就可以接住落去, ivan聽晚就搭夜機成零晨1:00先返。 咁我打完波, 返屋企換件衫沖個涼, 先再上去就岩岩好啦...仲有, 聽阿牛講, 阿潔(佢最細個妹)考完會考, 之後走去對卷, 話英文個份paper2, 好似得2條答錯.....其他都答岩晒....真係利害....一口一lll

不過, 我休息完呢個week, 應該係時候perpare o下份dissertation啦...又要開波...

dodolook

今日睇人地d blog有介紹一個叫dodolook的少女, 她有一個vblog(即係拍video放上網的blog--->影音日誌), 據知她是現在瘋魔萬千網友(同之前kellyjackie一樣~~~), 有dblog用到"暴紅"呢個term呢形容這一位小妮子(好誇張!!!!), 於是click入去睇一睇, 哈..佢o個d自拍MV雖然簡短, 但十分之有趣, 當然啦, 她的樣子可愛又是另一賣點,



大家冇野做都可以click入去睇下....

Vlog：http://www.im.tv/vlog/personal.asp?memid=228115
Official Site：http://www.mydodolook.com

外出

呢幾日, 先後有朋友都會離開香港, 有的出外旅遊, 有的出外工作更有的去作生活體驗。

首先, 上星期阿牛的公司被邀請參加一個免費7天旅行團去斯里蘭卡, 佢公司就派左佢做代表去(佢份工都幾好架, 上次又係工作關係可以有免費機票去到塞班島), 基本上斯里蘭卡呢個地方, 聽就聽得多, 實際係邊樹就真係唔多知, 不過, 就冇咩所謂啦, 最大前提係唔駛錢, 呢一個已經可以掩蓋晒所有野。 之前佢公司問佢去唔去個時, 佢仲打俾我問我意見去唔去好, 我當然話死都去啦....如果唔係有呢次機會, 我諗你自己成世都未必會join團去呀!!!(岩岩星期六佢返左, 佢話玩得開心, 咁咪好羅, 合乎晒"經濟原則"---->又食又拎.....), 過兩日如果出黎食飯就有相睇...great///

Ivan就因為轉新工, 岩岩星期一返工第一日, 已經俾公司委派佢返北京工作(之前都已經知架啦!!! 唔係突然要佢去的), 琴晚同佢msn, 得知佢的落腳地係朝陽, 佢話自己酒店附近黑麻麻, 放工冇野做就返酒店, 仲要做到成8:00先收工, 仲要一條友叫room service食飯, 聽佢講到好似好慘, 不過, 佢都係stay幾日, 星期五就返, 呢幾日好快就過啦.....其實, 趁後生出去見識下都好呀....後生係要捱下....架啦

早兩日, 同kenix MSN得知佢決定將會quit左份工, 去apply一個叫"working holiday visa", 可能有d朋友唔知呢個係咩黎等我簡單咁解釋下,呢個working visa, 其實係由入境處同其他3個國家的政府(澳洲, 愛爾蘭 & 新西蘭)合作舉辦的, 讓你可以係其他3個國家, 打工or 返學一年, 而冇需特別要求(當然都有d啦, 但要fulfill到呢幾requirment並唔難), 目的旨在給予年青人可以有個生活體驗, 增加自己視野的機會, 只要你年齡係介乎於18-30歲就可以申請。

其實呢個working visa係兩年前因為聽到一個電台節目(在此亦都推介下逢星期六朝早9-11, 叱吒903--西加航空, 好好聽架, 冇錢去旅行, 聽下人地講d經歷都不失為一個好好選擇)而認識, 當時都想去參加, 但奈何實際情況唔容許(因為當時開始左返part-time degree, 加上自己又未有儲蓄, 最後都係擱置左), 十分之羨慕kenix, 可以放低香港一切, 去開始人生另一新體驗, 雖然可能係比較辛苦, 但係所得到的, 並唔係平時坐係office所感受到, 最重要係世界之大, 可以走出去香港呢個小地方, 見識各地的人和事, 我想呢d感受非普通透過文字或相片就能了解, 真係估唔到身邊有朋友真係『向世界出發』。 仲有如果一個唔覺意俾佢攪掂件澳洲仔, 佢就發啦...到時, 真係本小利大呀!!!! 在此都希望佢到時出發可以一切順利.......

自己都希望係30年歲前, 玩一次"working holiday visa", 呢個係我4年大計....一於咁話....

讀書狂想曲 - 讀壞個腦

今日終於考完試, 掂晒, 一句講晒:『一切都係我掌握之中, wahahhaha!!!!』, 不枉我成個禮拜晚晚返學校溫書....晚晚係canteen捱兩餸飯, 晚晚都係o個幾味, 唔係魚香茄子就係生抄骨, 再唔係咖哩肉片就係....唉, 唔好講啦, 講起又諗起個陣味, 有少少反胃...(嘔...嘔...), 都話屋企飯係最好...

講開, 上星期成個禮拜都係度溫書, 琴晚, 溫到個人short short地突然係度諗, 我陣間溫完書, 走出圖書館之後, 如果俾架車撞倒 or 有咩意外死鬼左, 我會唔會好似個d『見鬼』電影系列咁, 變左隻"心事未了"的遊魂野鬼, 之後就不斷咁講:『俾我考埋個試先~~~~~~我讀左成個禮拜好辛苦呀...........』, 好明顯, 我個人真係讀書讀到冇野好諗....

仲有呀....琴晚訓覺發夢, 夢見自己, 係開考前一晚, 夜麻麻黑蚊蚊自己一條友去左試場, 係自己個位張抬度, 用左一支特製筆, 個支筆寫出黎個d字, 平常人係睇唔到架, 一定要配合我個副特製眼鏡先可以睇得出, 於是, 就係自己張抬度起勢咁抄d答應落張抬度, 之後, 自己就紮醒左, 超, 原來係發夢........讀書過度, 真係會神經衰弱......

係喎....ivan聽日就應該飛北京公幹, 祝萬事順境...

殺你一頸血

琴日係ling ling生日, 於是就約左成班今晚出黎食晚飯慶祝, 今晚除左為慶祝ling ling生日之外, 仲順便等小狗可以拎佢d婚紗相出黎俾大家睇下, 由於奶奶話小狗d婚紗相好重, 所以就最好係佢屋企附近食, 咁小狗就唔駛拎得咁辛苦, 最後, 就決定去北角的『鳳城酒家』食。

今日依舊返poly溫書, 到7:00p.m就係poly搭隧巴出發, 唔知『鳳城酒家』真係咁出名呀, 定係今日係母親節前夕關係呢?? 今晚係超多人, 我地已經係訂第2輪(即7:45p.m)抬入席架啦, 點知去到門口都仲要等成半粒鐘先有得坐, 都算啦, 唔緊要, 諗住坐低有得食啦, 點知, 叫個經理拎個menu黎o個時, 佢竟然話今晚係得d『母親節套餐』叫, 冇得"散叫"....唔係呀...咁流, 咁咪冇得食"大良抄鮮奶", 仲有好出名個d"金雞卷", 今晚都冇得食, too bad.....咁成班都坐低左, 又費時再去第2度食, 咁唯有叫個7-8人的"母親節套餐"食啦...另加一個"蝦多士"(都係出名架!!!)

d"食送"未上抬之前, 就睇小狗d婚紗相, 都唔錯影得好靚呀, 仲有小狗條小蠻腰, 我估冇22吋都有23吋....好鬼廋呀佢.......不過, d相就indoor多, 如果係『南生圍』影d效果應該仲靚, 有綠草, 藍天。

最後, 由於冇得散貴, 所以今晚呢餐就貴羅, 一定要食貴套餐, 所以埋單total$1, 840, 位位$240, (>>>肉痛<<<)

由於, 星期一朝早就exam, 聽晚個餐母親節晚餐, 都係要順延至星期一晚先食.....遲一晚食都好, 起碼唔駛出去酒樓食飯時俾人劏到一頸血......

法官, 我認罪

今晚, 返poly溫書, 同個friend溫書溫到成10:30 p.m先走, 係圖書館一路行就一路吹水, 點知一行出個圖書館門口, 就發出"bb.......bb"聲, 之後就俾個 librarian截停左, (呆左!!!)我同個friend互望左一下, 就發現原來我地掛住傾計, 我個friend就拎住d想借概書就咁行出圖書館, 冇去counter辦借書手續....所以當我地一行出去o個時, 圖書館門口個警報器咪立即"響"羅....

我個friend同個librarian解釋話岩岩傾緊計, 唔記得左去辦手續, 之後, 個librarian就帶埋我個friend去counter度啦, 開頭以為就咁辦返d借書手續就o.k啦, 點知佢話要見一見個副館長先....o下, 唔係咁大件事呀, 一時錯手左喎...咁都要見啦, 不過冇計啦, 當場斷正, 點都要見一見架啦...

副館長(一副慈長語氣):『同學因咩事, 拎住本書走左去呀!!!』
friend:『冇!! 岩岩傾緊計, 一時錯手唔記得左去借書。』
副館長:『o拿!!! 因為個警佈器響過, 都要寫返個report, take個record』

之後, 副館長就問左我個friend少少information(such as: student id, class, 咩原因唔記得借書......等等), 仲話個record會keep係library 3年.... , 副館長將有關information填左落一張form度, 之後, 就問我個friend...

副館長:『你睇下d 資料填得岩唔岩, 如果冇錯, 就簽返個名』
friend:『係...係...我認罪...我認罪...不過, 個record留3年之後, 會唔會幫我洗底架(講到真係好似留左案底咁)』
副館長(笑住口咁講):『冇事架...only keep係圖書館度take個reocrd姐, 3年之後就會清左佢架啦, 放心...冇事架...』
friend:『哦!!! 咁都好d...最緊要幫我洗底...乾乾淨淨...』

就係咁, 拎返d書去返counter辦過借書手續之後, 就走人啦.....

所思, 所想, 所感

如果你試過去花心思, 精神, 去做出一件事出來, 亦試過一個人就o個件事自己攪足一日, 之後滿以為o.k啦(應該係"自以為"), 係整個事件流程當中彼此多多少少夾雜了一些誤會...但之後有人同你講:『都冇人叫你咁做!!!』, 之後, 再將o個樣野完完整整俾返你......

嘩!!! o個下個心簡直跌入谷底.......再從而令自己覺得自己所做的事係多餘.....一早唔做咪冇事羅...你又冇事時, 我又冇事.....幾好呀.....

其實, 我寫blog的原意, 只不過係想寫下自己日常對周邊事物的感受罷....並唔係什麼用黎講人是非, 更不是用作貶低他人之意(如讀者覺得本人所說的話太過份 or 令人覺得不安, 甚至令有關人等受辱, 本人先在此道歉)....我並不是想開罵戰...亦不是要討什麼公道.......寫寫所想, 所思, 所感, 難道還要有什麼限制........當然同時明白, 我唔係什麼名嘴, 罵人唔駛本(我亦冇此本事), 都清楚明白有時要顧人感受, 本人都希望遵守此原則......以不傷及他人為己任......

話說到此, 希望唔會講多左or講錯左野...

考試準備中

唔覺唔覺又一個sem, 黎緊15-5-06, 將會進行半年一度的考試,
本blog將暫時不定期出文!!!
~特此通告~
(如果冇心機溫書, 就會寫下blog, wahhaha!!!)。

佛誕前夕

早陣子, 牛牛睇左我個blog知我冇飯食, 當日立即約左我今日上去佢屋企食飯....哈, 成日都上佢屋企食飯, 我已經係佢屋企的一份子了, 不過, 我之不過係佢屋企的妹仔.....我係佢屋企化名叫『春梅』, 不過, 係前排我o架身份已經upgrand左少少, 家陣我係"妹仔阿頭", 因為, 阿達家陣同我一樣久不久就一齊上去食飯, 佢都係妹仔一名, hahaha/////



今晚上到去食完飯, 睇埋火舞黃沙, 於是開始打台灣麻雀, 打左完4圈, 雖然唔係好識打, 但係今晚當旺冇輸錢, 薄利(岩岩好夠錢搭的士返屋企, 我同阿牛住得好近咋!!! 的士都係跳4,5次左右啦!!!), 由於, 第2日個個都唔駛返工, 今晚玩個夠本, 於是打完牌之後, 阿達就建議打"winning 10", $20蚊一鋪(係呀, 佢玩咩都不離錢 & 酒, 仲有係賭波合法化的影響啦!!!), 頭先打牌o個時, ivan就係梳化度訓著左, 我地就"了"醒佢, 2對2, 我, 達, ivan, 牛, 4條友......頭兩場, 岩岩好拍住阿達 & ivan(我地每次都猜包剪包搥一次分panter), 都可以贏波, +40(即係贏左$40蚊), 點知一拍住牛牛, 佢不在狀態, 所以都係輸波收場......

最後, 打到成差不多零晨4:30左右, 各自歸家......不過, 12鐘之後, 我地會再見, 因為約左第2日打羽毛球.......

得來全不費功夫

今晚, 返學聽阿sir放"水"俾貼士, 都係個句:『俾左等於冇俾!!!』, 算啦, 都係靠自己......除左阿sir俾貼士之外, 今晚仲順便派返d assignment, 唔錯, 唔錯, 個individual assignment有"B+"(飲恨, 仲諗住有得拎到"A"添), group個份就有"A", 不俗, 不俗, group個份都係多得alan出手, 先有'A"...辛苦晒....

今晚, 阿sir交帶晒d貼士, assignment, 又係度同我地吹水, 佢話:『讀完個building surveying, 就應該快快手走去考牌, 做返個profressional, 如果順利, 4年已經可以考埋個AP(Authorized Person)(認可人仕), 仲有, 最理想就係係BD做G仔(岩岩畢業, 專training去考牌, 不人工就好低)。』, 唉!! 我諗: 你估去"seven"買汽水咩, 你俾錢佢就實買俾你架啦....你估話咁易考呀....仲有你咁講, 咁我咪仲要留係BD多2年....唔好呀....我想出返去呀......再係入面我就快脫節架啦....

好朋友系列:

從網友 Macy的Blog上睇到此標題, 想借此一用, 其實, 早早已經想寫一些關於朋友的文章, 奈何就係未諗到個標題, 固此, 就久久未開筆(其實係懶至真!!!!)。 之前雖有篇blog都有提及我對朋友們的看法, 唯篇幅太短, 好似唔多夠喉....

如各友人想本人特別寫你先or萬萬不要寫你的話可在先此留言, 等我知道...////仲有, 仲有, 呢個系列, 會不定期刊登....密切留意....

飯呀.....!!!我要食飯呀...!!!

前文提到, 琴晚又食左個公仔麵當晚餐, 連續兩日共4餐(呢兩日起身o個時都差不多係食lunch的時候)都係食公仔麵, 我終於都頂唔順, 今日唔可以再食公仔麵, 於是岩岩就落左樓下間大快活, 買左個$25的焗豬排飯頂住先....cool, 我地身為中國人點可以冇啖飯落肚架......

家陣個人食完飯, 滿足晒....