RSS Feed (xml)
今晚放學如常搭火車落旺角轉701巴士返屋企(因為搭火車轉701巴士係免費架, 好過舊時搭102巴士仲要行餐死), 由旺角新世紀行落去旺角個條天橋個時, 離遠處突然間見到位好鬼細粒, 細粒到唔似係正常人size既人行係我前面(當時未見到樣), 心諗, 係我識咁多人之中係得Macy係呢d咁既size, 難道呢個世界仲有d低處未算低既事情出現, 就係度仲諗緊既時候, 以我身手咁矯健既後生仔, 一個箭步已經去到呢位袖珍人士後面, 見到佢一個側面, 就見度此袖珍少女眼戴紅色眼鏡框既, 係我記憶中Macy都係好似戴紅色, 行多近多兩步望清楚d, e, 真係佢黎(果然呢個世界上, 再冇人可以細粒過佢)。於是拎起手提打俾佢啦, 點知佢miss call冇聽到..原本都想行過去同佢打聲招呼, 不過, 見佢同d fd傾得興高采烈, 所以最後都係冇打擾佢, 就自己走左去搭巴士, 上左巴士之後, 先醒起佢好似都係搭701返屋企, 所以就打左個電話俾佢同佢打聲招呼。
返到屋企, 先前Macy話係泰國o個邊寄左張postcard俾我, 今日收到啦!!! Thx, 多晒!!!一拎起張postcard就見到佢寫左d野, 其中, 佢話佢係泰國曬到好黑, 返到黎香港可能會嚇親我, 唔知係唔係我衰格呢, 我一睇到呢句, 我就係度諗, 一個賓妹走黎同你講, 佢曬黑左, 你會俾咩反應佢呀...諗到呢度, 我就不其然笑左出黎(唔好意思, 我好鬼鍾意自娛---自我娛樂)~~~~~ but anyway, 多謝你張postcard, 仲要係好有心寫左段字, 唔係單單寄張card就算......
5 comments:
家下興tan skin,證明我係幾咁緊貼潮流,學野啦!!!
仲有,我今次唔係寫左好多張postcard咋,我好俾心機同好有誠意寫每一張card架,係咪好感動呢??不過,我估唔到你會釘爛我張咭咁衰!!!
E, Macy, 好耐冇見你用真名浦頭留言羅喎!!!
釘係個board係我重視你張postcard, 家陣有兩個choice:
一. 釘係個board度, 但係會有個好細好細好細個洞.不過, 就成日都可以見到~~~
二. 放埋一邊, 但係就一定唔會釘爛, 不過, 要機會永無再見天日~~~
俾你choice啦....
不過, 再一次多謝妳寄張postcard俾我,,,
唔釘都釘左,乜我仲有得揀咩!?!
我都係釘左白色邊邊姐...你想的話, 我可以補返佢架...whahhahah
爛左就係爛左,無論你點修補佢,你都改變唔到佢已經係爛左既事實~~~!
下次你唔會咁好彩,又有postcard收,又有禮物收!!!heehee~~~
Post a Comment