RSS Feed (xml)
琴日, 放左工, 同小安走左去office附近一間日本料理度食Tea, 我就因為轉頭會返office做功課, 所以就唔食咁飽, 費時陣間飽得濟訓左覺, 所以我就叫左個餃子蟹子沙律, 小安見我咁細食, 所以佢都係叫個雞翼蟹子沙律食就算(查實佢轉頭就返屋企食晚飯, 費時食咁飽就真!!!)
食飽走人就自然要埋單架啦, 我地一個Tea$20連埋加一就$22, 兩個即係$44啦!!! 我就俾左張一百紙埋單啦, 個侍應就好快咁找返錢俾我, 最後我拎淨個$1係個盤上面(當時, 個盤上面得返個$5 & $1), 諗住當俾貼士啦 ! 點知位侍應居然將個$1塞入我隻手度, 之後, 就講左一句:『 我地已經加左一, 唔駛俾貼士~~~~』, 當時, 我同小安個表情都"O"晒咀!!! 究竟佢係不屑我個$1, 定係真係咁好服務呢!!!
8 comments:
你要相信世界上有好人架...
你返左大陸食tea @o@?!
安: 我都信呢個世界有好人, 不過, 個侍應個樣好鬼異.....我覺得佢有d奸!!!
fay: 返大陸食既話, 分分鐘佢可能會係我手上拎返o個$5出黎添呀!!!
咪傻 大陸食野唔洗小費
如果你比過~ 係你有問題 XD
fay: 係咩, 我上兩次上去都唔係我俾錢先,
我係之後先夾返(因為冇人仔)....
其實我都唔係好明......明明加左一,點解D人仲要俾tips!?!
因為對方服務好而額外再俾,呢個我好理解,但有時服務一般,D消費者都照俾.香港人似乎係習慣左俾tips,而唔係按表現/值唔值得而去俾~~~
好少俾tips的人: 嘩!!! 你呢個話題可以拎去星期日維園個城市論壇黎一齊探討下喎!!!
Post a Comment