RSS Feed (xml)
話說自己條老牛都已經去到溶溶爛爛既地步, 爛其實都唔係一個咩問題, 仲衰就係爛係d敏感位置(褲襠位是也), 爛係呢d位都唔緊要, 大不了叫老媽補一補照著是也, 但係我家老牛, 尤如一塊裂左既玻璃一樣, 裂左補返之後, 其他地方又會相繼出現裂紋, 撞鬼!!! 成日坐底都唔敢開張大脾坐, 走光是少, 影響形象是大!!!
上星期出完site見冇野做, 小安又好似冇野攪, 於是硬拉埋佢陪我走去Levi's買條新老牛, 我同佢係個衣架上面睇下呢條, 望下o個條, 睇左十幾條, 發現條條老牛好似都係咁上下, 冇咩分別, 又再望真d個價錢牌, 有d就成千銀既老牛同d幾舊水既老牛既款式其實分別唔大, 甚至乎千幾銀個d老牛仲要好似好有型咁幫你整爛dd, 整幾個窿窿出黎, 嘩..呢d褲拎返屋企, 話俾老媽知實俾佢鵝死, 千幾銀買條爛褲返黎, 想死呀, 就算係都唔緊要, 最怕買左返去, 老媽一個唔為意, 同我補返晒d窿窿就死得啦!!!
基於以上原因, 試褲個時都係搵d冇窿窿既老牛試, 試左2,3條就攪掂左, 不過, 又要改褲兼叫佢tranfer返公司附近間Levi's shop拎, 終於攪到今日先有得攞, 等左咁耐終於有得拎, 太好啦有新褲著。 黎緊聖誕有新褲著......good晒!!!! 今個月好似駛左好多錢~~~
13 comments:
下次我配隱形眼鏡叫埋你去啦~~^o^
等你感受下…我洗錢既快樂，你咪唔駛洗囉~~呵呵。
喜歡看著你洗錢既人: 又好喎...有人講過, 將痛苦同人share就會得返分一半, 而快樂同人share就會變double..
記住買眼鏡就搵我, 我都幾有眼光架...whahaha
眼鏡都隱左型 又何需要你的眼光.=.a
lol~ 我係路人甲~
Fay: e, fay你講一講再睇清楚"喜歡看著你洗錢既人"段留言, 先留意"隱形"眼鏡, "隱形"個兩個字....添...wahhahah
喜歡看著你洗錢既人: 唔好意思, 寫錯野添...不過, 買咩都好, 你都可以搵我...wahahhah
你又要換眼鏡了嗎=口=
陪我啦~ 我想換眼鏡...
但我唔買好貴果d....
名牌免問....
lol 我買開間死人藝視執Q左~~
頂~~~
眼鏡去頂好買啦..鍾意買野的人..
Fay: 你想換咩款眼鏡呀..."名牌免問"其實所謂既名牌眼鏡架都唔係好貴, 家陣d眼鏡貴在d鏡片之麻...
Jessica: 你又唔戴眼鏡, 你又知頂好....買...
不過, 我個副眼鏡都係係頂好買, wahhaha
頂好典好呀?
唔識頂好的人: 我話你知, 坊間流傳『識"頂好", 是潮人』, 咁你識唔識呀....!!!
唔識......『識"頂好",是潮人』都係你地呢D世俗人諗出黎既野,我唔係一個隨波逐流既人!!!
唔識頂好的人: 你呢d咩:『唔係一個隨波逐流既人!』, 根本就係x腐, 如果要搵種動物黎形容你, 呢種動物叫:『鴕鳥』
你要放眼世界先得架麻....得閒, 約我多d出街, 等我係咁e感染下你, 等你都變個潮人, o.k!!!
Post a Comment