Lonely Planet

如果係backpack人士對這個名字應該絕不陌生, 話說前日去拎牛王o個時, 見有時間就貢左去書局睇下書啦, 行下望下, 突然俾我見到Lonely Planet出左中文版, 立即走去望兩眼, 發覺入面d內容同英文版一樣都係密麻麻咁, 雖然係中文版, 不過就係簡體字。

家陣Lonely Planet暫時只係推出左《澳大利亞》, 《德國》同埋《歐洲》。 睇左一陣之後, 就反轉睇下幾錢啦, 嘩!!! $100唔駛就買到, 平成英文version三分一有多(因為平時英文version既Lonely Planet售價around$270-$300左右) , 超抵.....

返到office就上網search下相關資料啦, 原來8月o個時已經出版左, 只不過, 當時只係係中國國內北京、上海、廣東等地方出售, 而又有太多人賣所以, 當時未可以運到黎香港賣。 依家, 香港既書局已經有得賣, 如果有興趣, 而又就快會去以上個三個國家既朋友, 可以買本返屋企睇下, 橫掂都係$90左右之麻!!!

相關新聞: 都市話題﹕Lonely Planet中文版售價低英文版逾半

Lonely Planet offical web-site:
http://www.lonelyplanet.com/

Lonely Planet offical chinese web-site: http://www.lonelyplanet.com.cn/

牛王

話說自己條老牛都已經去到溶溶爛爛既地步, 爛其實都唔係一個咩問題, 仲衰就係爛係d敏感位置(褲襠位是也), 爛係呢d位都唔緊要, 大不了叫老媽補一補照著是也, 但係我家老牛, 尤如一塊裂左既玻璃一樣, 裂左補返之後, 其他地方又會相繼出現裂紋, 撞鬼!!! 成日坐底都唔敢開張大脾坐, 走光是少, 影響形象是大!!!

上星期出完site見冇野做, 小安又好似冇野攪, 於是硬拉埋佢陪我走去Levi's買條新老牛, 我同佢係個衣架上面睇下呢條, 望下o個條, 睇左十幾條, 發現條條老牛好似都係咁上下, 冇咩分別, 又再望真d個價錢牌, 有d就成千銀既老牛同d幾舊水既老牛既款式其實分別唔大, 甚至乎千幾銀個d老牛仲要好似好有型咁幫你整爛dd, 整幾個窿窿出黎, 嘩..呢d褲拎返屋企, 話俾老媽知實俾佢鵝死, 千幾銀買條爛褲返黎, 想死呀, 就算係都唔緊要, 最怕買左返去, 老媽一個唔為意, 同我補返晒d窿窿就死得啦!!!

基於以上原因, 試褲個時都係搵d冇窿窿既老牛試, 試左2,3條就攪掂左, 不過, 又要改褲兼叫佢tranfer返公司附近間Levi's shop拎, 終於攪到今日先有得攞, 等左咁耐終於有得拎, 太好啦有新褲著。 黎緊聖誕有新褲著......good晒!!!! 今個月好似駛左好多錢~~~

收帖

琴日係小貞貞既生日, 正日當然就唔輪到我地同佢慶祝啦, 所以就留到今日先幫佢慶生。 下星期日就係小狗既結婚大日子, 上次提過我件$1,900~既老西, 今日隨道出去拎埋, 今次就冇上次咁壯觀有四位女仕陪伴在則, 今日得Jackie一位女仕旁住, 不過, 今次都係拎衫都唔駛咁大陣仗成幫人去, 所以都冇所謂啦!!!

今日約左Jackie 4:00p.m係TST MTR等, 撞鬼佢又遲到, 等到4:25p.m先到, 之後就去返playload拎衫, 順便再試下岩唔岩, 試過之後當然good fit啦!!! 由於佢地話要我襯返佢地, 所以入面個件要著粉紅色恤衫(因為佢地d姐妹衫都係粉色系列), 所以我就去左G2000買埋件恤衫, 係啦, 點解我唔係Playload買埋呢??? 因為playload一件恤衫都要成3舊水, 我家陣去G2000都只不過係佢既一半價錢就買到, 而且Jackie又有G2000 VIP, 所以就係G2000攪掂佢。

呢張就係小狗張請帖~~~(佢話佢手中文字差, 所以張帖寫英文)

之後, 今晚約左小貞貞佢地入九龍城食日本放題, 呢間餐廳裝修就唔係好得架啦, 不過, 佢d放題又o.k喎, 尤其是佢d魚生剌生真係野野都厚切, 我諗我地6個人都起碼食2隻既剌生船既份量既魚生, 我諗我地食魚生已經食飽左一大半, 去到最後我再點d爐端燒既墨魚丸, 我係點菜紙度寫左個3字, 開頭以為佢會俾3粒我啦, 點知原來個unit係"串", 唔係"粒", 仲要一串要成3粒咁多(之先都有點過, 不過就冇為意), 3X3等個9, 死!!! 我除左叫左呢一款墨魚丸爐端燒之外, 好似另外仲點多左兩, 三樣野(都係爐端燒), 而每一樣我都係點左3 or5左右, x街, 陣間咪有好多野食黎, 當時查實我地已經食飽晒(因為d魚生真係勁厚), 我地6個人, 除左我係男仔之外, 其他都係女仔, 最後, 我地都清左一大半, 都不得不贊大家厲害。

食完之後, 就一大伙人走左去九龍城廣場買玩新郎既道具, 攪掂之後, 大家就散水。

行行重行行

今朝起身, 一望出房門就見到有隻野飛奔閃過, 哈, 原來小不良已經唔駛再四腳爬爬, 曉得用兩隻腳自己四圍走, 聽老媽講原來小不良係岩岩今個星期初先學識雙腳行路, 不過, 可能呢排我都留係office or返左學校, 太夜返屋企, 返黎個時佢地都訓晒覺, 所以先唔知姐。

今日, 見小不良行路個時, 左搖右擺成個醉酒佬咁, 行個時兩隻手仔又要撐開, 我諗佢主要係想好似行平衡木咁balance返自己。起身打開房門之後, 佢話咁快就入左黎我間房度, 攪左兩攪見冇野玩, 佢自己就走返出個廳度~~~

月事

正所謂月事就係個個月都會黎一次, 風雨不改, 黎反而冇事, 唔黎先有d擔心, 今個月我遲左, 仲要遲左四日, 正所謂有d野唔解決, 個心始終都係唔係咁安樂。 講既當然係去剪頭髮啦!!! 頭髮呢家野一個月恤一次乃正常不過既事, 因為d頭髮生長到咁上下長度, 如果要gel頭的話乃係一件十分困難既事, 因為分分鐘你會gel到一舊屎or成個雀巢築左係個頭上面都唔定, 如果係咁出街成日, 成個人都會周身唔自在, 硬係會凝住成條街d人會用d奇特既眼光望住你----個頭, 所以平時都keep住一個月去一次salon修一修個頭。

早兩晚困左係office做完份垃圾dissertation proposal, 因為阿sir話呢份野唔係咁重要, 只不過要交俾department睇, 所以就是但執d野俾佢就算, 不過, 都攪左兩, 三晚。 用腦過度後果就係頭痛, 所以決定今晚放一晚假黎個"腦輕鬆", 加上下星期日小狗結婚, 都係要執得靚仔少少(因為佢話係擺酒當晚, 佢會分派我同佢d女同事同一抬食飯, hehe), 基於以上理由, 今晚節目就係去恤個靚髮, 臨放工前同macy傾開msn, 佢話好耐冇打過機, 而佢又得知我去剪髮, 就問我有冇興趣剪完頭再去打機, 橫掂今晚都預左係"腦輕鬆", 就陪佢玩下。

7:30p.m剪完頭, 我地就去左食雲南米線, 由於是夜主打題目係"打機", 所以都係快快手食完就閃, 對上個次同佢打機已經係成個月前既事, 今次同佢再打Time Crisis 4又再進步左, 我真係好少見女仔曉打機之餘又勁(阿牛打winning都有一手, haha!!!), 佢打呢隻槍game係可以唔駛continue既情況下打到Stage 2既尾段(成隻game得3個Stage)。

打到9:45p.m左右, 因為佢要趕住返屋企(因為有人幫佢整電腦)就一齊搭702走人, 今晚兩條友用左$$17打左個零鐘, 仲抵過去漫畫cafe睇書!!!(d漫畫cafe通常都係$9/hr)~~~

嫌錢鯹

琴日, 放左工, 同小安走左去office附近一間日本料理度食Tea, 我就因為轉頭會返office做功課, 所以就唔食咁飽, 費時陣間飽得濟訓左覺, 所以我就叫左個餃子蟹子沙律, 小安見我咁細食, 所以佢都係叫個雞翼蟹子沙律食就算(查實佢轉頭就返屋企食晚飯, 費時食咁飽就真!!!)

食飽走人就自然要埋單架啦, 我地一個Tea$20連埋加一就$22, 兩個即係$44啦!!! 我就俾左張一百紙埋單啦, 個侍應就好快咁找返錢俾我, 最後我拎淨個$1係個盤上面(當時, 個盤上面得返個$5 & $1), 諗住當俾貼士啦 ! 點知位侍應居然將個$1塞入我隻手度, 之後, 就講左一句:『 我地已經加左一, 唔駛俾貼士~~~~』, 當時, 我同小安個表情都"O"晒咀!!! 究竟佢係不屑我個$1, 定係真係咁好服務呢!!!

人間交差點

上星期, 牛牛突然打俾我話要問我一個心理測驗, 仲話呢個心理測驗係佢同堅一齊"發明"出黎, 但係當時我打緊籃球話唔得閒, 佢就話等佢放左學就再打俾我。 返到屋企沖克涼之後, 牛牛真係再打俾我, 死都要問我個心理測驗!!! 好! 我就將個心理測驗同大家玩下~~~


Step 1: 首先你要先諗一位你心目中你認為重要既人!!! (該人仕不得是血緣關係者such as: 爸爸, 媽媽~~)

Step 2: 你同你o個位重要人去左一間餐廳度食飯, 而你地坐既位置係相當接近門口既位置, 而你地食飽飽之後, 就諗住食霸王餐, 於是一食飽, 你地就一個箭步就"標"左出門口, 突然間你個另一半趺低左。

問題黎啦!!!呢個時候>>>你會.....
1.) 返轉頭扶佢起身!! 但係記住, 你一返去扶佢, 你就一定會俾人捉住!!!
2.) 繼續咁走, 唔理佢!!!

好啦!!!黎到呢度, 等我講下牛牛點解會冇啦啦"發明"到呢個心理測驗呢!!! 話說, 有日佢同堅去左一間餐廳食飯, 食完之後, 佢地出去櫃抬埋單時, 居然冇人理佢地, 堅就同牛牛講, 查實我地家陣走左都冇人理個喎(當然, 佢地最後都有俾錢啦!!!), 出左餐廳門口之後, 堅就唔小心趺左一趺, 之後, 堅就問左頭上面個實況問題俾牛牛, 點知牛牛第一時間答佢:『我當然係走啦!!!! 走得一個得一個呀麻!!!!』<-----佢兩條友都幾無聊下, 哈, 哈~~~ 就係咁牛牛就四圍去問人呢個"實況問題", 而當晚我同佢都就呢個問題都討論左一陣子(我地仲無聊~~~), 仲要將"另一半"換轉左另一個既話, 又會出現咩情況呢!!! 最後發現, 當你換不同既人落左個"另一半"度既時候, 係會出現唔同既情況, 應該話你就算返去扶佢的話, 你都會有不同既原因。 好!!! 講到呢度為止, 無聊完畢!!!!

Macy send左個真既心理測驗web-site俾我, 都o.k既, 大家又不妨玩下:
http://www.whobirdyou.com/whobirdyou/thought.asp

注意力失調症

我開始懷疑自己有注意力失調症, 成日做做下一樣野就走左去做其他野, 永遠唔會做晒一樣野先做另一樣野, 開左十幾樣火頭, 但係就冇一樣野係完成到, 你睇我家陣明明係學校做緊功課嫁麻, 又會冇啦啦上黎打blog都有既, 我係唔係有病呢!!!

(打完呢篇野, 繼續做功課!!! wahahhahaha~~~~)

送舊迎新

其實之前自己著開個對籃球鞋, 已經爛左一段時間, 在此其間, 如果同人打波的話, 都係著住一對閒時用黎行山or跑步既New Balance出去, 撞鬼!! 明明係係跑步用既鞋, 就走去用黎打籃球, 呢d就叫錯配羅!!!

所以就的起心肝, 要換對新鞋, 同事Simon之前都好鍾意上去外國d web-site訂波鞋, 因為就算連埋船費, 其實都係平過係香港波鞋街買一對, 不過, 唯一既缺點就係要等(我呢對鞋都等左3個星期), 同埋有時就算你睇中你鍾意既款但有機會冇你既size~~我就自己上網睇下有邊對岩啦, 之後就麻煩Simon兄幫我訂, 上星期就送到香港(佢幫我拎左先), 今日放工之後就去接佢放工順道拎對新鞋~~

岩岩上左HK Nike個web-site check到自己對鞋係香港買, 要成$879-, 家陣我只需$432-就買到, 平成半呀....whahahaha, 好抵呀!!!

p.s: 1.) 如果大家都想訂d平波鞋可以去www.eastbay.com, 之後再click入Outlet個icon, 再click你要d咩(such as: men or women...)
2.) 在此再一次唔該晒Simon幫我訂呢對咁靚既波鞋!!!

姐妹日

今日, 約左姐妹團一齊開會, 當然係商討一下小狗結婚當日朝早玩新朗哥既遊戲啦, 其二就係叫佢地順便陪我去買返套老西, 話晒身邊第一個好朋友結婚喎, 都應該出少少力買返套靚仔少少既西裝見下人。

今日下午約左2:00p.m係尖咀既Italian Tomato度等, 2:00p.m準時到達, 見其他人未到就先上去坐底先順便搵定位, 坐底冇耐, 電話就不斷咁響, 先黎個Lingling, 佢話旺角有波鞋開倉想出去望一望, 遲少少到; 之後, 就到Jackie, 佢就話岩岩先上巴士, 係公司黎緊(佢office係官塘)好快就到, 如果唔塞車既話; 仲有小貞貞佢就同佢個肥佬食埋lunch先出黎; 最後, 奶奶佢就一早放左工, 不過, 我頭先miss左佢call, 佢就自己係尖咀行緊街, 轉頭就到。 撞鬼, 我準時到o個時, 佢班友仔就齊齊遲到, 早知頭先唔駛趕住出門口啦!!! 哎呀, 平時我遲少少o個時, 佢地就起勢咁打爆我電話為止~~~家陣就.....

3:00p.m左右, 大家都終於到齊, 由於大家都未食Lunch, 所以就一路食住野一路傾, 由於今晚小狗(準新娘)約左姐妹團同埋班兄弟食多次飯, 主要都係再講多次結婚當日既rundown, 所以我地傾到5:00p.m左右就到Ocean Centre買西裝去, 佢地話playload d款好睇d young d, 仲有家陣45%off, 所以就去左呢間度買。

我今次買呢套野都係為左襯佢呢班姐妹, 所以我都冇咩點出過意見就由得佢地幫我配, 仲有, 1個男人有四位女仕伴住去買衫都幾威下, 哈, 哈!!! 係咁e, 試穿左兩, 三件西裝褸之後, 就入去dressing room 換套full dressing出黎俾佢地睇下, 其實都已經選定左邊套, 不過, 係著埋出黎俾佢地過下目姐。 到俾錢個時, 原來件西裝褸+西褲折左都要成$1, 900-(因為開頭都係預左$1,500-1,600左右), 聽到個時真係眼都凸埋, 當然啦, 話就話眼都凸姐, 我當時個樣依然keep住冇咩野既表情, 仲要好自然咁拎張Visa出黎, 唔係出醜人前就唔係幾好啦! 不過當時個心真係"拿"住"拿"住痛, 但係其實用完今次, 之後自己都仲用得著, 都o.k既(係要咁樣搵個藉口安慰下自己先得!!!)

之後, 我地5條友屎忽痕話搭渡海小輪過海(今晚食飯地點係北角), 岩岩Jackie男友打電話黎, 就順便問下佢如果我地搭完船再轉的士去北角會唔會塞車, 佢就一句塞埋黎就話:『你班友係尖咀, 做咩唔直接搭地鐵!!!』, 我地冇理到呢d世俗人既眼光, 於是照繼續行去搭小輪過中環個新碼頭, wahahhaha~~~

今晚, 小狗係酒樓book左一圍抬食飯, 連埋兄弟+姐妹都有10幾人, 其實話就話想大家食多次飯等d兄弟同班姐妹聯絡下d感情, 不過, 成晚同佢地真係冇咩交流, 應該話都唔係特別想同佢地有d咩交流先真, haha~~~食完埋單, 兄弟有下場走先, 我地到出左酒樓之後, 阿ling同我講左一句:『唔知點解, 班兄弟d樣到依家都仲係唔係好接受到!!!』哈...好彩我地都係忍一日姐!!!

P.S: 今日同姐妹傾緊遊戲途中, 收到Carrie電話, 問我係唔係poly, 佢話有睇開我個blog, 知我呢排都會返poly做功課, 而佢咁岩又返開去同人影畢業相所以就順道call我!! 哈, 多謝Carrie, 原來妳都有黎呢度睇, 得閒就留個字呀!!!

下年到我(如果一切順利的話)

呢班就係我D同事~~~wahahhahaha, 咁樣影畢業相, 型爆~~~

岩岩星期日, 舊section同事Anthory約左成班同事一齊返polyu影畢業相, 其實, 應該咁講, 佢係我既是同事亦是師兄, 因為佢同我都係讀同一科(Building Surveying), 不過, 佢就早我一年讀。

Anthory約左12:30p.m係圖書館門口等, 今日遲左起身, 於是急急腳出門口, 返到去都已經12:50p.m, 以為自己係最遲一個啦, 點知, 原來大把人未到, 我已經算係最早o個幾個, 早知唔駛咁急趕返去啦!!!

影畢業相都不外乎四周圍影下行下企下笑下, 由於全城polyu畢業生都係呢段時間返campus影下相, 所以都有不少女生(include畢業生, 佢既朋友, 親戚....)打扮得靚靚咁同人影相, 就係正正因為咁, 今次我地成班友仔返到polyu既主要目的好似昅女多過似同Anthory影畢業相多, 我地成日都拎左Anthory部相機四圍去影其他女仔既相, 我諗相機入面起碼有成1/4係女仔相, haha, 成班都係變態佬咁!! 應該話佢地簡直已經係將Polyu變左做金魚缸一般看待~~~

影完之後, Anthory係Polyu 酒樓book左抬飲杯茶食個包, 大家食飽飽之後就散水。 其他人就散水, 可憐既我同阿倫要留係學校既CC(Computer Center)繼續我地份persent, 唔係講笑, 一攪就由下午3:30p.m攪到夜晚12:15a.m先走人, 阿倫仲要攪到成點幾先返屋企添。 不過, 今次persent阿倫個case studies係今次persent孭重飛, 雖然得2日時間都俾佢攪得掂, 勁呀!!!

10, 9, 8.....zzzzzzz

經過琴日30幾粒鐘冇覺訓既情況下, 俾人話我面青青, 仲有人話我個樣好殘, 成個人都呆呆滯滯咁, 唔係講笑, 我琴日差dd就可以練到出原神出竅~~~

所以一放工就馬上"立"野走並以極高既速度直標返屋企, 搭車途中故之言又訓左一陣啦。 因為知自己實在太眼訓既關係, 所以打算晚飯都唔走就仆去訓覺, 但係又驚自己會訓訓下因為肚餓而餓醒, 阻礙成個charge電流程, 所以特登走去7仔買返set$7/10粒燒賣頂下肚。

一返到屋企, 立即淨身換衫, 6:45p.m就攤左係張床度, 仲快過火箭升空, 唔駛倒數10秒已經訓著左。 其實訓到11:00p.m左右都醒左一醒, 原本都諗住恰多陣就起一起身食少少野, 點知一恰又訓返著, 再起身個時就已經今朝既7:45a.m, total訓左成13粒鐘, 仲要先前除左個10粒燒賣&再之前既lunch之外就咩都冇食, 家陣總算上返d電, 似返個人。

現在時間係六點四十五分

家陣係二零零六年十一月十五日星期三既清晨六點四十五分, 我唔係早起身冇野做係度打blog, 我係由琴日開始到依家24小時冇訓過覺, 轉頭仲要返工, 咁即係要捱多最少5個鐘先等到lunch可以訓一陣, 之後放工返屋企先有得真真正正訓, 今日應該都幾難捱!!!

點解會冇得訓? 咪就係之前提過o個份秘撈羅, 岩岩先take晒所有貨, 之後仲要double check, 攪下攪下都已經成6點幾, 返到屋企黎, 岩岩沖完涼都成6:45a.m, 望一望個鐘, 得返o個一鐘頭去訓覺, 咁不如唔好訓, 呢d情況真係訓時容易起身難, 咁不如上黎打返篇blog仲好!!!

講返琴晚既情況先, 一早約好左7:00p.m到舖頭搵manager, 當然除左我之外仲會有其他人黎做part-time啦, 我去到個時都已經見到有兩個人企左係度聽緊briefing, 之後再等齊人之後, 再由manager帶住成班人遊下間舖, 等陣間storetake個流程更加順利!!! 之後都再講多少少野, 就話佢預計12:00a.m左右就攪得掂, 當時我心諗唔係呀, 12:00a.m就攪得掂, 咁我咪得好少好少錢。首先開始就先take左個倉入埋d貨, 之後跟手就take出面舖頭拎左出黎既貨, 唔係講笑, 細細一間舖頭take起上黎都幾多野!!!!

p.s: 安娜我有沖涼返工架!!!

大閘蟹宴

上星期六, 一朝早就過左對面海sign contract(秘撈o個份呢!!!), 晨早流流10:00a.m就過左去上環, 攪掂晒d野都已經11:00a.m左右, 一心諗住過開黎就順道上去"九記"食個牛腩伊先走人啦!!! 點知上到去仲離遠望見間舖仲未開門, 開頭仲以為佢執左添, 行近睇清楚先知道原來佢12:30p.m先開門做生意, 仲有成個鐘又費事等, 就過左對面"勝香園"食返個茄底餐蛋麵, 其實本人就唔太"好"蕃茄, 不過, 一場黎到又冇理由食個普通餐蛋麵。

食飽飽, 就返左Polyu做功課, 因為岩岩o個個星期一個present係當時黎講仲係"零"output(家陣當然已經解決左啦!!!), 攪到差不多4:00p.m就走人, 因為夜晚約左Jessica佢地上阿達屋企食大閘蟹。 不過, 上阿達屋企之前就要先到深水土步拎蟹先, 仲有, 要買食送入去, 因為得大閘蟹大家一定唔夠飽, 所以, 我同Jessica就順道買多幾樣食送返去。 買完食送就去拎蟹, 今次我地9個人, 但係就訂左15隻蟹, 因為有d人會食2隻。

上到去阿達屋企都已經6:00p.m, 今次大閘蟹宴有Jessica大顯廚藝, 一個人炮製左幾味食送 - 金菇牛肉卷, 蜜糖雞翼, 金菇豆杯, 一大窩既時菜鮮蝦雲吞, 另外仲有阿文既得意之作白汁煙肉意粉, 真係未食蟹都已經飽左一大半。

可能岩岩星期一個份present仲未攪掂, 而且岩岩俾supervisor"雞姦"完, 有呢個"創傷後遺症", 成個人都冇咩mood, 食完之後, 就呆坐左係個廳度睇車仔vs屈福特。由於功課尚未完工, 所以都唔敢玩到咁夜, 所以1:00a.m左右, 自己同jessica都走先, 留返阿牛, 堅, 傑佬, Andy係度打牌。

p.s: 呢排真係虛左, 平時有活動, 出街一定會拎部DC出去影下野, 今次居然唔記得左。

雞姦

好似好耐冇update下個blog~~~又係時候寫返d野!!!!

呢排唔知點解異常忙碌, d野好似排到密一密, 自從幫Chiara考完牌之後, 個人都係虛虛地, 成個人都係浮下浮下。上星期完成左大作戰之後, 因為星期五要見supervisor, 所以星期四放左工之後, 留左係office做下research, 做下功課俾阿sir, 唔係到時見面個時俾人問到口啞啞就唔係幾好啦!!! 可能個人已經虛虛地, 自己對眼又細, 又要對住個電腦睇d雞腸(journal), 睇睇下野居然係坐左係度office訓著左, 仲要係成係"熟睡"個隻, 我好似feel到自己訓個時, 以為自己真係係自己屋企張床咁!!!

到左第二日, 終於見左supervisor, 點知俾佢插到個屎忽開晒花, 再嚴重d講, 我好似俾佢雞姦完咁體無完膚 我個topic俾佢講到一棟都冇, 家陣唯有日日再去睇journal, 重新再定位啦!!! 雖然講就係咁講姐, 不過除左份dissertation之外, 仲有其他assignment要做, 岩岩今晚先做完個present, 下星期又話要交report。 唉, 點解d時間過得咁快!!!!

有野做

我係最common個類人~~~

上星期講過話有份秘撈做, 琴日HR個邊覆返電話俾我, 話14號晚開工, 原先話今個星期五要返training, 不過, 我話唔得, 佢就叫我今個星期六上去office sign contract, 仲要帶埋id & bankbook copy, 真係煩, 做part-time之麻, 都要sign contract, 不過算啦!!! 見係有錢收就是但啦!!! 唔係真係廢事彩你....

得左!!!!

攪左3日既大Project終於攪掂, 今日Chiara就要去做presentation, 今年得15min做presnetation(以往都係有20min做present), 今年突然間少左時間, 換言之, Q&A個邊就會多返d時間。 今次真係考功力, 平時唔讀書既話隨時都俾人問到口啞啞~~~

Presentation係分上下午兩段時間, 而Chiara就係上午presnt, 雖然知佢應該Lunch前都已經考完, 不過, 都費時打擾佢, 等佢休息下。今日同小菲玩左成日msn, 佢突然同我講, 話『過左關』, 我仲以為佢返工打機過左關添, 點知佢再補充多一句係話:『Chiara pass左啦!!!』, 再隔多幾分鐘之後, Chiara就打電話俾我同我報喜, 太好啦!!! 掂左!!! 哈, 哈, 呢三日都總算冇白費到, 雖然唔係幫到d咩手, 出左少少綿力, 但見証到Chiara成功, good晒!!!!

在此再一次, 恭喜Chiara成功過左APC第一關, 邁向profressional。

大作戰升級版 - 3天亡命生涯

呢個就係今年個site啦!!!(後面個座教堂)

今年又幫人考牌, 先前就考mock今次就黎真, 岩岩既星期一至三, 一連3日, 由於今次係黎真, 不容有失, 所以我都特登請左兩日假, full day幫手做helper。

第一日朝早, 晨早流流就過左去對面海中環o個間M記等Chiara(因為考生朝早要先到HKIS既headquarter拎試題兼聽briefing), 我地成村helper就standby, 等佢一拎完試題就落黎同我地briefing, 講解下今次題目要求係d咩。

9:30a.m左右Chiara就出現, 今年條題目係想將一間"Church"轉做"Local Culture Centre", 個client既意願係想推動本土文化。講解一番之後, 我就同Stephen先行出發去做site inspection, 今次個site係天后, 我地搭地鐵話咁快就去到。影呀影, 係又影唔係又影, 由於今次黎真, internal既野, only得考生可以入去影, 我同stepen只可以影surounding d野, 影下行下都攪到12:30p.m先走人。之後, 就返基地開始做野。

岩岩講個d都只不過係序幕, 之後個幾日都係返到日接日, 夜接夜, 不眠不休咁做, 基地尤如黑洞般, 入左去都唔駛旨意走返出黎。

之前, 講開我請左2日假, 本身因為諗住因為Chiara個ideal schedule係第2晚已經出晒board, 第3日應該係冇野做, 點知工程有誤點延遲左。 所以第3日個時我要返一返office先, 同Anna交代一下, 寬大既Anna俾我出去繼續幫手, 同Anna講完之後, 佢好Q咁同我講左一句:『咁你返黎要勤力返d啦!!!』, 哈, 哈....好! 好! 好! 一定, 一定, 我會聽話~~~~

最後, 希望Chiara可以考牌成功, 一矢中的, 一索得男~~~~

我的第八份生日禮物: 10 x 10 x 10

原裝就係咁既樣~~~

琴日睇戲另一個主要目的就係"領取"我第八份既生日禮物, 話說Macy早前去完泰國旅行, 順道買左份生日禮物俾我, 但遲遲未有相約出黎, 所以就拖到家陣先有, 我開頭問佢份禮物有幾大架, 等我睇下駛唔駛拎個大d既袋or背囊出街裝住佢, 佢就形容呢份野係10x10x10(cm)咁大~~~

拆開就可以"一野二用"~~~

佢話仲話呢份禮物係可以"一野兩用", 其實佢係想講"一物二用", 不過, 佢一時間諗極都諗唔到"一x二用"個x字係應該配個咩字入去, 所以就求其塞個字入去就算, haha!!! 佢所謂既一物二用, 最主要就係可個主體一分為二, 佢話大o個個可以當筆筒用, 細o個個可以放電話用, 咁都俾你諗到, 好野, 好野。

在此多謝Macy專程係泰國買呢份"一野二用"既禮物俾我, 多晒~~~~

上半場 + 下半場

8月o個時同Macy睇左上半集既"死亡筆記", 好頭好尾, 當然要睇埋下半集啦, 約好左今日放工之後就去睇, 原先諗住去IFC睇, 不過, 因為買飛方面出左少少問題, 所以就轉戰旺角"朗豪坊"UA睇。 不過, 因為自己份assignment要見阿差仔(my subject tutor), 所以就同Macy講叫佢自己行住街先, 我要遲少少先到。

之前講過因為persent問題, 攪左一大餐, 差仔岩岩今個星期三終於reply(其實已經係成個星期前send mail, 佢家陣先reply) 左個mail話approve我地個安排, 於是就馬上約佢星期五見個面, 睇下佢對條persentation question有咩comment啦, 再用e-mail同佢make appointment, 佢reply mail話o.k冇問題!!! 今晚放工, 7:30p.m準時返到去poly, 去到差仔個office, 竟然唔見左佢, 等左一陣, 見佢間房仲有另一個差仔, 就問佢知唔知佢個麻煩同胞去左邊, 佢話今日下午差仔已經唔見左人, 仲有就係有另一team人都搵過差仔, 都係搵唔到。 之後, 等到8:00p.m就留低張memo俾差仔, 話佢知得地黎過。 妖!!! 又係你, 我唔係針對差仔, 但係點解你獲獲都攪攪震, 你點解唔可以俾我開開心心過埋呢一年。

差仔唔係度, 我就拿拿林走人啦, 因為今晚睇戲係9:35p.m個場。 於是就打俾Macy, 佢話佢就快餓暈, 叫我快d, 話咁快就落左去旺角, 原先就諗住去食日本野, 不過, 我想食個間太多人, 如果要等位先食, 一黎怕唔夠時間, 二黎Macy應該已經餓死街頭, 我由見到佢之後再行去間日本料理個短短5min路程, 佢應該已經講超過10次『好肚餓呀, 我就快餓死啦!!!!』

佢話食咩都唔緊要, 最緊要快d有野落肚, 佢提議不如去食魚蛋粉, 就係咁今次我地就去左食魚蛋粉, 食完之後, 佢就介紹去雅蘭中心食雪糕, 呢間舖咩味都有, such as: 飯, 咖哩, 蛋達, 木槺蛋糕, 雪梨, 木瓜燕窩, 基本上你諗唔到既味佢都會有, Macy話我地今晚未食飯, 不如要個飯味, 之後, 另一隻味就要藍紅莓味, 食落都o.k喎....之後行多陣就去戲院。



呢次下半集我覺得俾我想像中好睇, 起碼比第一集好睇, 不過, 都係個句, 如果睇漫畫既話, 入面交代更加多野, 但係今次係電影入面都已經編排得好好, 2個幾鐘都唔算係有悶場。 不過, 電影版好似同漫畫版有些微出入, 因為漫畫入面既"L"最後應該係俾夜月神殺死, 而夜月神應該係冇事。其實, 整個電影版都拍得唔錯, 好流暢, 即使後半段, 係更改左個漫畫版, 但係出黎個效果相當不俗。

睇完都應該12:00a.m, Macy話佢平時好少出街去到咁夜, 開頭仲同我講搭巴士返屋企, 不過, 就唔知個巴十站係邊樹, 嚇得我呀!!!! 到最後當然都搵到個站啦!!!

p.s: Macy 金句:
1.) 食魚蛋粉個時, 想買野飲, 問佢要咩, 佢又岩岩唔記得左o個樣野叫咩名, 佢就咁樣形容我知『 個罐係綠色, 入面d飲料係黃色』- 最後, 佢記起個時話我知, 原來o個樣叫"忌廉"~~~

2.) 食飽之後, 仲有時間行多陣街, 佢突然問我:『9點35分減9點15分等於幾多???』(原來佢想知, 距離開場時間仲有幾耐!!!!), 其實, 直接問我仲有幾耐開場仲好~~~wahahha

姊弟戀 萬歲!

琴日, 過左對面海見完份秘撈, 於是就行返去中環個邊搭"東涌線"返屋企啦, 行行下, 見難得過左黎對面海, 又唔想咁早返屋企, 就去左係中環蘭桂芳對落個三聯書局逛一逛, 打下書釘, 俾我發現左一本繪本, 個內容好得意, 主要係講個作者本身係三十歲左右既女士, 本身乃係"戀父情義結", 一心結識及認為自己既結婚對象一定年歲要大過自己, 但係係一次機緣巧合下認識一位同比自己細6年既男生, 並發展到談婚論嫁階段。 當中既過程好得意, 加上d公仔畫得好得意, 其實本書又唔係好厚, 值得大家一睇......我都企左係書局睇左一陣, 都差不多睇晒(主要都係睇公仔個part)




故事內容:

• 受不了惡劣、霸道的沙豬主義，快試試新鮮、刺激的少男魔力！成功的女人懂得掌控小男人！
• 女大男小戀愛大揭秘！自由作家葉石香，首次曝光與幼齒老公的交往故事。
• 曾經堅持嫁給「大」男人的平庸思想，最後竟投入幼齒男懷抱……
• 什麼樣的致命吸引力，讓熟女棄械投降？什麼樣的勾人特質，顛覆熟女的八股思想？
• 如何與小男人邂逅？駕馭小男人的超猛秘技？如何對小男人逼婚……
• 想一嘗小男人美味的熟女們，千萬不可錯過的姊弟戀實錄。

★日本亞馬遜讀者五顆星評價！
★令天下女性心生同感、嘖嘖稱奇的「育夫」奇書。
★獨家揭露姊弟婚姻中笑淚交織的大小瑣事，讓你在笑到噴飯的同時，化解小男人不可靠的刻板印象、破除「老男人最美好」的落伍思想！
★作者親身體驗大方分享，以幽默的繪本方式，詮釋其華麗的男性經歷、嘔心瀝血的交往過程，傳授「好男人得靠自己培育」的前衛觀念！

秘撈2代

上星期六, 去完阿狗屋企, 同阿Ling佢地出去行街shopping, 阿Ling話有份秘撈做, 不過, 只係做一晚仲要係通頂, 問我做唔做, 我呢d搵錢至上, 梗係做啦 (各界朋友, 記住有咩part-time要人, 唔好怕羞隨時call我)

之後佢就send左份工既少少資料俾我睇, 原來呢份工係佢同事之前做過, 家陣又要人所以就問埋阿Ling, 阿Ling就問埋我。 其實呢份秘撈只係係實惠做盤點員, 因為家陣都將近年尾, 照理d舖頭都需要盤點, 所以就要請d part-time幫下手, 呢份工都有成$40/hr架, 不過, 聽阿Ling個同事講, 呢份野, 基本上都唔係好多野做, 又唔駛搬搬抬抬, good晒。

今日放左工就拿拿林去左實惠個office(係上環)填張form兼做個小小既interview(其實都係介紹下自己, 都冇咩特別)。 之後聽個in我個位HR講, 佢話通常如果係請你的話都會編返你去你屋企附近既"實惠"舖頭度做storetake, HR話通常都係舖頭收工前2小時已經入場take野, 咁即係10:00p.m (close)既話, 8:00p.m已經要進場。 不過, 佢就話8:00p.m開始take數, 不過就唔知會take幾耐, 快既零晨2,3點都攪掂, 佢話都有舖頭試過take到第二朝既6:00a.m, 叫我最好預左通頂。

我心諗今次我醒啦, 如果真係有得做, 一定唔會好似上次咁快快手攪掂晒d野, 我明白『時間就是金錢』呢個道理, 慢慢做, 賺多你幾個鐘都好呀, whahahahha!!!!