RSS Feed (xml)
其他既合掌屋!!今晚我地住既地方就係因為"最美麗的第七天"而被帶起熱潮既白川鄉(其實呢套電視戲我一集都冇睇過), 我地由頭先個遊樂場到白川鄉呢個地方, 車程都要成兩個半鐘呀!! 真係辛苦領隊Henry!! 睇返d資料, 原來白川鄉係9年前已經被列入為係世界文化遺產 - 其原因係因為佢地仲保留住一d獨特既住屋 - 合掌屋, 合掌屋的屋頂本身係由厚厚既木材同埋稻草舖砌成A字型, 目的係要將冬天落既雪左右兩邊卸出去, 而且唔係就咁薄薄舖一層就算啦, 而係厚厚咁舖左起起碼四, 五層既木材同稻草先可以頂得住冬天落個d雪同埋先唔會入風!!
白川鄉全景!! 如果冬天落住雪, 成個景會仲靚!!!我地首先去到我地今次住既地方 - 大田屋度放低行李先!!! 屋主話趁依家天未黑可以先上山頂睇一睇成個白川鄉個全相先, 其實所謂既山頂, 揸車只需要10min時間就到, 嘩, 係山頂望返落去又真係幾靚下, 但係如果換轉係冬天個時睇, 應該會仲仲仲更加靚, 因為所以合掌屋既屋頂都會被舖上厚厚的雪!!
呢間就係我地住既合掌屋啦, 叫"大田屋"
玄關是也~~
走廊是也~~
我們的睡房是也, 又係4個人一間房呀!! 哈!!
睇完靚景, 我地就返去合掌屋度執下行李(呢個基本上已經成為左我地每日既指定動作, 因為每日唔多唔少都會買下d手信!!), 差不多6:30p.m我地就食飯, 今晚既一餐應該係咁多餐之中最豐富既一餐, 因為大家都不斷咁添飯, 平均大家都食左兩碗飯, 因為d餸實在太靚同埋太好味啦!! 所以大家都不其然添多少少飯!!
個爐係堅野黎架!!!入面係燒緊柴架!!食飽飽, 我地就坐左係個廳度影下相, 因為係個廳中間吊住左個爐灶, 起先我以為係個裝飾, 只係裝假狗, 不過近d望真d, 入面真係有火燒緊, 係堅野黎個喎, 所以佢地會將鍋麵豉湯放係個爐側旁, 一來方便我地, 二來可以保溫!! 而且個爐灶上面個起左個架, 架上面仲放左好多野, 呢d就真係善用空間!!! 食飽之後返房, 原來主人家已經趁我地食飯既時候已經為我地舖好晒d床舖, 真的萬二分感謝!! 由於我地既間房係冇電視機供應(得頭先個食飯廳有!!), 加上周圍都係冇舖頭俾我地shopping, 再再加上第二朝我地又要早起身(6:00a.m呀!!!), 係冇咩活動既情況下, 大家都提早訓覺!!!
(待續)
4 comments:
下....民宿主人無係你地食緊飯果時同你地傾計咩??
我次次住民宿,個主人都係食緊飯果陣起勢咁同D賓客傾計架喎,次次食飯都食成粒幾兩粒鐘,熱情到我都唔好意思話返房.
日本警視廳現正追輯一名香港男性旅客,該名男性旅客涉及日本中部平湯溫泉一宗阿婆係溫泉被及懷疑被非禮案有關,急慾會晤知情人仕
Macy: 係啦, 之前都聽你講過d民宿主人會係食飯個時出黎同你吹水, 住左咁多間都唔多見佢地出黎!!
可能見我地語言不通, 加上四條友係度噪住晒, 嚇親佢掛!! 我地四個入面得一個識(少少)日文, 有時, 佢講左一大輪野, 我地都只係識得講:"係....係....係"同埋點頭!! 查實有時都唔知佢講乜野!! 我諗d民宿主人以為我地係低低地, 唔敢"野"我地都唔定!!!
阿榮: 係呀, 係呀, 我浸左幾日溫泉, 成日係附近見到個好q似你既肥仔出現, 妖, 肥仔, 你係唔係又跟埋我一齊去日本呀!!
頂你肥仔, 你自己衰就好啦, 唔好整臭香港呀!! 其實d婆婆已經係退左休, 你又何必呢!! 你都係返屋企自己BT d碟睇啦! 唉~~~
Post a Comment