RSS Feed (xml)
之前提及過, 黎緊的日本之旅, 將會以自駕形式四周圍玩, 雖然自己唔係揸車主力, 不過萬一有需要我出手既時候都要落場揸下!!! 所以趁琴日有空閒時間就搵左二舅父黎補補鐘!!
其實, 自從自己拎左個車牌之後都已經好少揸車!!（屈指一算, 揸車次數應該十隻手指都數得晒!!) 今日一朝早7:00a.m起身就梳洗兼食埋早餐先入去沙田搵舅父 (呢兩日都唔知咩事, 日日都要晨咁早起身!! 仲早過返工個隻喎!) 舅父話先係沙田既工廠區試返手車, 熟左手車先再出去西貢個邊行下, 佢知道我今次去日本既名古屋, 所以就特別選擇行下西貢個d山路, 因為佢話名古屋個邊都係d鄉郊d既地方, 山路比較多, 練下西貢個d路就岩晒~~
雖然要練到好熟, 就當然冇咩可能, 不過, 總算係行返下, 起碼坐返落存車度都唔駛怕!! 最重要係補鐘個日冇炒到車, whahahah~~~
4 comments:
過幾日出發啦囉..係咪好興奮呀...
小心的日本路呀..唔好2人去3人返呀..
成日叫我買手信, 都返我轉叫你買比我啦~~最多去柏斯買返比你呀..開心之旅啦..ENJOY~~
日本道路交通警告,由一般級別升為紅色警介級別,即時生效
(注:紅色警介級別,即係代表未來數日過後,日本道路會出現極唔尋常而且極為危險狀態)
奉勸道路使用者改為行路,以策安全
jessica: 唔係過幾日, 係聽日就出發啦!! yeah~~~ 手信, o.k!!! 妳有買野俾我, 我會記住, yeah, 手信, no problem....
去柏斯有手信之餘, 最好有埋好消息帶返黎啦!!!
阿榮: 你都傻架, 區區個十幾個"髮夾彎"邊樹難得到我呀!!
我荔枝角車神, 細至單輪單車, 大至巴士我都揸得掂, 你同我少擔心!! 你唔好成日走去機舖玩咩"頭文字D"甩弄尾就當自己係車神先得架!!!
肥仔, 做人踏實d啦!!
Post a Comment