水長流/漏

今日返到屋企, 打開屋企信箱時, 見到一封由房委會俾我屋企的信, 於是馬上打開, 信中提及有人投訴我屋企的冷氣機有滴水問題。 於是一入屋, 就即刻問阿媽發生咩事, 佢就同我講, 話今日下午, 有管理員上黎話有人投訴話我地屋企有冷氣機滴水(因為屋企o個兩隻靚妹係度, 天氣悶熱, 下午好多時都開冷氣), check一check, 原來係兩間房的冷氣機滴水, 於是, 我就打開工具箱, 拎d"架生"出黎, 立即變身"小小冷氣機師傅", 首先, 處理左阿媽間房的冷氣機, 攪左一大輪, 終於, 暫時解決左滴水問題, 因為條冷凝水的水喉彎曲左令水未能去到去水位置。 之後, 就攪自己間房啦!!! 好簡單, 都係條喉插得唔夠入, 塞入d就o.k, 就係咁, 一返到屋企, 就攪到開飯, 都攪左成粒鐘, 出到成身汗!!!

到夜晚食飽飯之後, 再開番阿媽部冷氣機試下, 睇下仲有冇滴水啦!!! 撞鬼呀!!! 又滴水, 頭先攪到成身身水身汗, 點知都係咁。 冇辦法, 今晚, 唯有開廳個部冷氣機, 打d冷氣入去間房, 滴水部冷氣機今晚要停用一晚, 等我聽日再攪過.....

p.s: 今日, 情況嚴重少少左, 除左喉嚨唔舒服之外, 個鼻同部冷氣機一樣, 漏水....