太陽出來了- 一陣咁大巴

呢幾日終於出返d太陽, 所以預左今日無論如何, 點都要去曬太陽。

今朝起身, 睇到個天好猛太陽, very good!!! 終於可以去做返個『光合作用』, 下午, 去左屋企附近個泳池, 一去到一如所料, 都幾多人下, 當然啦!!! 上二, 三個禮拜都成日落雨, 係今個week先出返太陽, 大家都湧晒出黎, 有大有小。 不過, 游左一陣水, 曬多陣太陽, 差不多3:30p.m左右, 個天又開始陰暗, 我聽收音機(我曬太陽時鍾意聽收音機!!)話雷暴警告已經生效, 有冇攪錯~~~ 成個禮拜都冇事, 係今日先黎落, 好彩, 我都係時候走人, 唯有等下星期再曬過啦!!!