日上三竿

連續由前晚(星期五)開始, 食完兩個Farewell dinner, 再去睇波, 琴日去完游水, 再打邊爐, 一連去左5個活動, 終於可以返屋企休息下。

今日屋企冇晒人, 家姐帶左兩隻魔怪返屋企, 媽又入左阿姨屋企, 加上琴晚係屋企訓到睇左一陣巴西vs法國, 今日訓到成下午點幾先起身, 我都好耐未試過咁晏起身羅!!! 天氣好好, 原本都想出去曬下太陽, 但係發覺琴日去沙灘個陣時見太陽唔係咁猛, 所以就廢事搽太陽油, 點知就係咁就"賴"野, 有d地方紅左(即係曬傷左!!!!), 所以, 今日都係留係屋企, 休養下。

偷得浮生半日閒, 真係好.....