RSS Feed (xml)
琴日放工, 走左上去隔離APM的書局逛一逛, 其實上去目的主要是知道有兩本新書出左, 所以就上去昅一昅, 一本是阿德的《標童話集》, 而另一本是小克的《偽科學鑑證》, 如果大家有買東touch睇的話, 基本上都知佢兩位人兄都常常係都東touch度連載佢地短篇漫畫, 依家出版社幫佢地係東touch連載的漫畫結集成一本書, 現價88大元, 不過, 就有85折, 即係$74.5, 不過, 我到最後都係冇買到, 都係慳d駛先得, 因為黎緊8月好似好多活動玩&黎緊又要交學費(too bad!!!) 。
講開點解我會識呢兩個藝術家的漫畫呢? 我呢d潮人為左跟貼潮流尖端, 個個星期都會買東touch解構下現時"興"d咩, 有咩hit緊....但係當我俾左錢拎到本東touch個時, 往往就先會翻到最後個幾頁先睹佢地兩位的連載漫畫, 雖然不是有什麼的連續故事, 但係佢地單單一個故事, 永遠都令人會心微笑。 如果大家有錢都買返呢兩本野睇下放係屋企, 得閒拎出黎睇下笑下都好呀!!!!
4 comments:
真係好無聊,好白痴,好抵死~~~~
如果我發左既話,我送一打俾你又點話!
送一打俾我, 有鬼用咩, 你估個d係西餅呀...
係呀, 呢兩本野真係好鬼冇聊&低能, 我最鍾意係阿德《標童話集》入面的"佳佳&安安"的單元, 好好笑~~~ 得閒行行下街見冇聊, 咪入書局睇下呢兩本書羅, 笑兩下, 咪走人羅..wahhah, 免費娛樂...
我上星期都係書展買左本好笑書呀，＜魚肉燒賣＞，好香港式的笑話家，個人DRY DRY 地時睇，都好掂呀！
really, 有本咁既野, 之前好似望過下, 轉頭去書局望望先....
Post a Comment