RSS Feed (xml)
早兩日睇新聞得知劉翔於瑞士洛桑以12秒88破世界紀錄的成績完成男子110米跨欄。 能贏取田徑短跑這種需要極大爆炸力的運動項目, 對於天生身型及體能不及於黑人的亞洲人來說, 絕對是一個鼓舞及驕傲。 曾看過報章上的一些報導說, 由於亞洲人的體格天生與外國相比是有一定性的距離, 故此於一些需要力量形的運動上如: 田徑短跑, 游泳等項目, 都很難見到有亞洲人的存在; 反之, 由於亞洲人的身段靈活多變, 於一些需要講求技巧的運動上卻能取得相當的成績如: 羽毛球, 兵兵球等。 所以, 劉翔他於賽後接受訪問時說：「誰說黃皮膚不能跑在黑人前面？我就跑給他們看。」, 呢一句說話可以講係超級型爆呀!!!! 因為証明他可以帶領亞洲人衝破那"不可能"的理論。
睇完劉翔的新聞後, 令我回想起細個o個時都曾經想過自己可以做一個運動員, 由小學四, 五年級開始已經當學校的田徑隊員, 到中學時期亦常於校內的陸運會上取得不俗的成績, 可恨的是, 由於中學時代學校並沒有什麼田徑隊, 所以就更加沒有什麼器材及導師給予訓練, 所以距離原先的目標亦越來越遠, 尤其是當睇見新聞或報紙報導講有些中學會為自己的學生提供器材及定時的集訓時, 總是用羨慕的
眼神, 再問自己點解自己學校冇d咁既野, 不過, 唔係你就唔係你, 冇辦法啦!!!依家d獎牌都已經擺左係一兩邊, 但係見講開田徑, 岩岩就搵返舊時中學d獎牌出黎睇下, 數一數原來自己都有成廿幾面大大小小的獎牌, 不過, 要數最"巴閉"的當然是於中學時有一年取得陸運會上的全場總冠軍的獎盃啦!!! 當時都幾威下架~~ 當時的全場總冠軍係係全個陸運會閉幕時, 所有同學都企晒係看台, 再由校長當住全校的同學仔面前頒獎架!!!
8 comments:
我諗你真係老喇~~~你而家就好似公園D阿伯咁,只能係度想當年.......heehee~~
老人家係鍾意想當年架啦!
無辦法,通常D老人家對年輕時代既感覺成日好似都記憶猶新咁,事實証明亦是......大家要接受Gary變成Gary叔/Gary伯的事實喇!
Gary同Thomas既戰績真係幾令人佩服既，但Gary你都有衰過下既時候，就係我地在校生涯只舉辦過一次既水運會，當其時我見到身為運動健將既你都游得咁辛苦就知游水呢項運動真係唔少野，而上年先學識游水既我(各位唔好笑)，完全透徹咁體驗到果種辛苦係點樣樣。
年輕人, 我呢d只不過叫記性好姐, 又或者咁講, 我要有呢d經歷先有得『想當年』, 你又有冇呀!!! 唔係亞視又點會得閒冇事整套『當年今日』出黎呀, 仲要有人黎做sponser個隻喎....haha
Thomas, 我同你都係黃社之光, 我地可以話係包辦晒男子d長短跑....wahahha, 講開唔知你記唔記得,有一年, 我地reply個年, 有個新生(後尾去左選亞視港男, 唔記得叫咩名), 叫我地一齊去左參加公開賽。
又唔可以用麻木呢個字既, 做人要謙虛d, 只不過, 學校搵唔到其他人頒, 我地咪要左佢羅....wahahah
camus: 水運會呢d野, 失禮晒, 都唔好提羅!!! o個時輕視左, 冇咩點練水~~ 衰左
家陣唔會架啦, 依家閒閒地唔停都游到4個直池。
你終於學識游水啦, 係啦, 男人老狗, 有名你叫狗喎, 狗都識游, 人點會學唔識呀...下次一齊去曬太陽兼游水...
見到你哋三個係到話當年,d感覺都得意..haha!
jaemi: 似唔似d老人家, 坐係張圓抬斟緊d功夫茶係度傾計..等閒就"能"下雀/////
Post a Comment