午夜場

之前, 有一段時間"無記"播過『創世紀』, 掀起一陣話題及熱潮, 當時冇人不捱更抵夜去睇12:15a.m o個場電視劇, 『創世紀』之後都有播過一輪好好睇既舊戲例如『尋秦記』, 『刑事偵緝檔案』, 仲有『難兄難弟』添, o個排真係個個返工都黑晒眼圈, 就算同d朋友仔出黎食飯都係講緊, 午夜場個套劇, 反而正場8:30p.m & 9:30p.m個場就冇咩人講。



過左一度氣之後, 無記冇啦啦就整d乜鬼"翡翠首映", 搵返d爛鬼倉底貨出黎, 咩『追魂交易』, 『心慌心郁逐個捉』, 真係爛過唔爛呀!!! 我諗無記咁安排都係等之前d人成日捱夜睇電視有個休息既機會掛!! 岩岩星期二上去牛屋企食消夜(因為打完tennis之後, 順便上佢屋企拎朱古力), 睇到電視原來之前個『倩女幽魂』已經做完左, 家陣播緊『棟篤神探』, 呢套戲最正當然係莫探員(黃子華), 尤其是呢d合家歡劇, 估唔到大結局居然係個悲劇收場, 大家家陣可以捱眼訓再重溫啦!!!!