lunch + dinner = $150

我大佬&同事(仲係ive的同學仔)阿權黎緊下星期會走人, 一個走返出去做私人公司, 另一個就投去另一政府部門的懷抱。 今日office同事就同佢兩位人兄攪左個farewell lunch, 呢d"例行公事"都係去酒樓飲茶啦, 夾夾埋埋都有成4抬人, 位位都要夾左$50大洋先。

夜晚放工, 官塘呢班同事們就約左班已離職的舊同事去酒樓食飯作gathering之意, 雖然, 我都唔識d舊同事, 不過, 一班人食飯, 當識多個朋友都好, 所以就去左, 今次就位位$100先, 多除少補。 我地今晚係官塘工廠區入面其中一間酒樓食飯, 放工之後我地一行7人就先行去左酒樓先, 因為呢間酒樓係包2抬麻雀打, 所以我幾位同事就先去打麻雀, 我同另外2個唔多打麻雀的人就坐係大抬度玩鋤大d, 唔知今日係我今日手風好呢, 成日都拎到d好牌, 仲衰佢地唔玩錢, 唔係應該可以起碼贏返一百幾十蚊返黎。

等到8:00p.m左右終於人齊, total 13人, 呢間酒樓又幾抵食, 一圍菜有乳豬, 有翅, 有大斑都係$1000唔駛(未計加一個d), 個經理話, 呢頭係工廠區夜晚係靜d, 所以就辛苦d都要有呢d餐, 吸引下d人黎食, 佢話冇得賺架!!! 我地成班人"痴痴呆呆坐埋一抬", 係度傾計, 講笑都幾開心, 雖然我同佢地唔多熟, 但係都幾好玩, 有d人應該離開左呢度起碼有年幾2年, 最難得係佢地仲keep到可以咁friend。 食到10:00p.m左右埋單散水。