210

• September 2005
• October 2005
• November 2005
• December 2005
• January 2006
• February 2006
• March 2006
• April 2006
• May 2006
• June 2006
• July 2006
• August 2006
• September 2006

都估唔到自己可以咁鬼得閒, 由上年九月開始打第一篇blog打到家陣, 不經不覺已經一週年, 經過我既粗略計算, 自己post左出黎既blog都已經有210篇(包括此篇blog), 咁即係話我隔日, or日日都會打一篇blog, 諗諗下都覺得自己幾過份, 邊樹可以有咁多野寫, 不過, 正所謂寫開有條路, 有時, 有d野發生左都想係個blog度同d朋友分享下。

其實, 我個blog既人流唔算好多, 可以話係幾少添, 平日都係得閒冇事自己click上黎。不過, 都有一批忠實既讀者, 在此亦多謝你地上黎&留言, 我係好鍾意你地係度留言架, 基本上你地留言的話, 我都一定會reply返。仲有透過呢個blog, 令我識到新朋友Macy, 一個來自火星但身高不足5尺既外星人, 先前仲原定大家可以返大陸玩但因意外而cancal左, 希望下次有機會再去。 縱然朋友之間少左聯絡, 但可透過blog讓身邊既朋友知道小弟近日既狀況, 有例子就係Emmy, 今年年頭見過佢之後都冇再見過佢(佢忙時, 我又忙), 但透過此地方都可以知道大家既狀況。 仲有, 有左呢個地方之後, 自己開始多左留意身邊既事物, 希望帶出一點點放係個blog度, 同大家分享一下, such as: Pink - I travel, so i am alive, 我睇完之後都會推介俾大家, 希望大家都可以睇到d靚野。 當然啦, 呢個blog亦都變左我d老友既聚腳地, 大家如果見到有咩岩topic就可以大家係留言版, 你一言我一句, 何其痛快。

最後, 希望有更多我既朋友上黎睇本人既blog, 就算唔係我既朋友都無任歡迎, 我都鍾意識新朋友既, 當然最好既就係多多留言啦~~~

升格

今日係office埋頭若幹做緊野既時候(呢排真係唔知點解突然多左好多野做), 有位姐姐仔行過黎同我講話想睇下我部電腦, 佢睇完之後就同我講, 我部機聽日會有人同我upgard去XP(其實全層樓都會upgard, 唔係淨係我一個), 同埋係部電腦度幫我加ram, wahahhahhaha, 今次發達啦, 我終於唔駛日日對住部爛鬼window98。

平日, 用公司某d programe既時候, 部白痴電腦就會話佢唔夠ram要熄咁其他d程式先, 真係有時俾佢吹到"bare"一聲, 今次既upgard可以話係令我人生又充滿返希望。 其實, 不嬲都唔明, 點解自己部機既cpu係"Patium 4"但係就走左去install window 98, 呢一種咁怪誕既行為真係令人費解.....不過, 終於雨過天晴.....

大作戰

之前講過幫Claria考牌, 上星期五就考Mock, 今次我既身份係幫手做影相佬 & date entry, 都好, 做d簡單既野唔駛用腦, 上年幫手計數計到頭都大晒。

星期五一朝早成班candidate就返office總部拎題目 & briefing, 而我呢d小嘍囉就負責standby, 當Claria拎到份question paper之後, 我就拎去影印 & scan落部腦度再send出去俾Claria個d advicer, 之後, 小菲&其他helper就已經一早係附近一間麥記霸左個地盤, 方便陣間Claria & Jacky過黎可以brief條題目俾大家一次, 等大家可以清楚各人要做d咩 & 搵d咩資料。

之後, Claria, Jacky, 我, Steven & Jenny就一齊車, 出發去做site inspection, 今次個site係西環既摩星嶺, 個project係要將呢座前身係Police 轉做一間rehibitation, 去到之後, 又係一座廢左8年既building, 不過年年題目都係做呢d野, 所有人都見怪不怪, 不過, 今次座building既condition就唔算係特別差, 而我, steven & jenny主要負責影site surrounding既相, 影完相都差不多12:30p.m, 我地就返旺角基地總部。

由於我係dataentry, 所以一開始係冇咩野做行行企企食飯兩味, 而我地呢3日無論係lunch定dinner都係叫外賣返黎食, jacky先前已經去探究過基地附近各間餐廳質素後, 搵到一間大會指定外賣供應商作無間供應(因為佢夠平靚正), 而呢幾日因為大家都困係基地入面做野做到天昏地暗, 大家簡直係與世隔絕, 所以每次"放飯"時候, Jacky都會用部notebook上now, 開返當日既一點新聞報導 or 六點半鐘新聞俾大家睇, 等大家仲可以同社會緊發生咩事, 哈, 哈。 唔係講笑呢幾日, 由朝早10點, stay係基地起碼有14個鐘, 晚晚都成點零兩點先收工, 第2朝又10點再返到基地做野, 自己做assignement都冇咁勤力。

考牌小知識: 等我再講多少少, 呢個試係考d咩啦!!!! 其實呢個試係由HKIS(香港測量師學會)係每年既11月舉行, 而學會會俾考生一個題目, 通常都會叫考生將一座building本身既用途更改, such as: 將個七層樓高既公屋轉做一個展覽中心, 而身為一個專業既building surveryor(考生)就要考慮多方面因素係3日2夜時間入面作出一個proposeal出黎, 再persent俾examiner聽。 更改一座大廈既用途當中要考慮的事係十分之多, such as: 佢本身既水渠, 走火通道, 電力供應, 內部間隔分佈, 而設計當中又要符合建築條例, 所以, 一個人做 or 諗咁多野, 仲要得個3日時間perpare係冇咩可能, 所以就出現左我地呢d helper既出現幫手。

同一屋簷下 - 生日camp (下)

食完生日雪糕之後, 又冇酒水繼續供應, 於是大家都坐左係個廳度開始傾計, 其實都唔知點解大家會冇啦啦坐左係個廳度吹水, 可能呢個係好自然既動作, 成班吹水王又坐埋一齊由頭先BBQ傾完, 到家陣都已經係2點幾3點又傾過, 7條友大家傾呀講呀, 又係再講返中學d野, 雖然呢d野雖然都已經講到爛晒, 但唔知點解每一次拎返出黎講, 大家都係可以咁興高彩烈, 大家講下傾下吹下笑下叫下, 堅兄突然彈左一句出黎話:『家陣已經5:45a.m』, 嘩!!!!! 不知不覺原來已經去到5:45a.m。


成班人做廳長


第2朝見到thomas縮成一舊~~~


我地既亂葬崗~~~

如果唔係堅講出黎, 真係唔知我地原來已經傾左咁耐, 一打開窗簾個天好似都開始光, 大家都係時候恰一恰, 由於兩間房都好似細&迫得濟, 於是就提議將房入面個兩張床褥抽出黎放係個廳度變成張大床, 成班人就咁做左一晚廳長(應該話除左牛牛&堅之外, 因為牛牛唔舒服, 所以佢都係入房訓會好d), 由於被單嚴重缺乏, 所以Thomas係未能分到被單。 到左第2朝, 可憐既thomas因為冇被用, 所以就凍到成個乞兒咁縮埋一舊, 而camus就因為要返主日學, 就係咁e休息左3個字左右就係6:00a.m既時候就自己搭車返出去先, 不過, 由於大家都太眼訓所以都冇人知佢走左。


呢張係牛牛難得精神奕奕既相

10:00a.m左右大家都起身刷牙洗面, 難得黎到大嶼山冇理由咁快走返出去架, 於是就提議去長沙個邊d餐廳食埋個lunch先散水, 其實今日既天氣難得好好, 太陽雖然烈日當下but又唔係太熱同埋又有d風, 但係耐何大家都冇perpare泳裝, 如果唔係大家一齊落沙灘曬下太陽就仲好, 仲perfect, 講下講下, 我好似真係冇同過jaemi & thomas去過沙灘, 船河都未試過, 我諗以後都好難有機會約到佢地去沙灘玩, 今次難得既機會都miss左, too bad。


我地既慢慢長路~~~


呢個就係目的地既餐廳, 雖然d野食真係好一般, 但係對住個海灘食野, 個人好似型左!!!

交左房之後, 就向我地lunch目的地出發, 由於, 我都未去過長沙個邊, 所以都係由jessica帶路, 由於佢上次係貝澳o個邊過去長沙, 所以佢就唔多知係塘福過去要幾耐, 開頭以為行一陣就到, 點知越行越耐(都行左成半粒鐘都有~~~), 大家都行得有d辛苦, 不過, 唔係講笑, 可能牛牛琴晚訓得最多既一個, 佢反而係冇咩事, 仲要係最精神奕奕一個, 當然啦, 佢d行李由頭到尾都係由堅一個人擔起晒。幾經辛苦, 我地終於行到呢個上長沙既地方, 係沙灘旁邊有一列餐廳, 我地隨便搵左一間餐廳食, 其實野就唔係特別好食, 不過, 坐係沙灘旁望住個海食野, 呢d享受唔係成日都有, 其實呢個沙灘好多都係鬼佬 一大家細黎, 成個感覺又好似upguard, 型左, haha~~~

後記: 其實原先我地諗住plan去露營, 點知之前個一個星期都一直落住雨, 唯有改去大嶼山camp啦, 今次都玩得總算開心, 希望下次再玩其他野~~~

生日e card

係我18號生日persent完返到屋企, 收到suki個電話, 當然佢就係同我講生日快樂啦, 同佢講下講下, 叫佢不如整個生日蛋糕送俾我(因為佢得閒冇事就鍾意整下曲奇餅呀, 蛋糕呀), 佢就話得冇問題, 之後就收左我線, 過左應該一個鐘之後, 佢就send左呢張birthday cake card過黎俾我, 哈, 佢話佢係網上面遂個element搵出黎再合埋佢先整到出黎, 難就唔難不過就費d時間, 哈, 多謝晒~~~

不過, 呢個birthday cake card應該唔計入生日禮物行列入面, 因為係我既生日禮物既定義入面, 最basic係有d實物拎得上手, 先可以定之為生日禮物。當然, 我都好多謝suki咁有心做呢張生日卡過本人。




之後, 佢仲做多左兩個version, 一個係許願前, 一個係許願後, 再再再一次多謝佢咁有心機整呢張card。

我的第四份生日禮物

呢個係正面~~~揭開剛才個頁就出現左呢個版面~~~

話說岩岩星期一(我正日生日), 我同madam(Anna)出site, 係車上面傾開計, Anna講講下講到話生日正日o個日如果去海洋公園係免費架, 我就俾左個好大反應佢, 話佢做咩唔早d講(講真個句, 我真係家陣先知), 佢就問我幾時生日, 我就好正經咁答佢話係今日, 點知, 佢就笑笑口拍一拍我再同我講, 咪玩啦!!! 之後, 佢就問我拎張身分證佢睇, 佢一睇之下就好驚訝咁話, 乜原來你真係今日生日架, 佢話今日不如佢請食tea, 我話唔駛啦, 因為我要返學校要攪埋今晚persentation d野, 我就同佢講, 不如你畫張生日卡俾我(因為佢好鍾意睇漫畫書(少女個隻), 所以佢都畫得一手得意既Q版公仔。

就係第2日返到office, 係我抬面, 真係收到一張生日卡, haha, 真係得意, 雖然唔係咩禮物, 不過, Anna親手畫張生日卡都好特別, 所以就視之為禮物之四。

p.s:呢張生日卡特別在係用CD個D套入住, 所以張生日卡既設計係圓形。

我的第三份生日禮物

其實呢頂帽係jessica係camp個晚我吹完個雪糕蛋糕之後送的, 所以我特別視為第三份生日禮物, 當然佢公司係做此品牌的, 所以佢就順理成章就送返此品牌的禮物予本人, 多謝晒!!!!

同一屋簷下 - 生日camp (中)

我地就排隊去搭巴士入去, 上左巴士之後, jessica問要幾耐先到, thomas答大約7, 8個字左右啦, 點知jessica 『O』晒咀咁話:『o下, 我上次搭的士都係3個字左右』, 大姐, 你都識講啦, 你個架係的士, 呢間係巴士, 邊樹有得比架!!! 就係咁我地就"登"左成大半粒鐘巴士就到左塘福, 係呢段時間, 我見牛牛長期伏係堅度, 睇黎佢個情況好似唔多樂觀。

見到麻!!! 病牛食緊排包~~~

拎左鎖匙之後, 有人帶我地去開門, 見間屋都幾靚入面都尚算o.k, 聽之前租屋o個位sales話間屋本身係有d公司包左俾佢地d staff玩, 不過, 岩岩contract完左, 所以就放返出黎俾人租。 大家一入到屋就放低晒所有行裝, 之後個個都 左係部電視機前面, 好似成世都未睇過電視咁。 入到黎時間都差不多5:30p.m左右, 大家休息左一陣, 就開始預備今晚BBQ d野食, jessica就用d錫紙包住d金菇呀, 銀鱈魚呀, 而jaemi就幫手包粟米, 我地呢d粗人都係做d搬搬抬抬暫時唔駛出手住, 就係呢個時候, 牛牛終於都頂唔順, 話要入房休息下, 就係咁佢就一入不起, 成晚BBQ時段佢都係房訓覺冇起過身。6:15p.m左右我地就浩浩蕩蕩咁出去set場, 開頭我地租屋個時以為有個BBQ爐係我地門口俾我地燒(我地租地下個層), 點知去到既時候佢就話冇, 要行兩步過隔離有個小型BBQ場先有得燒, 不過是但啦, 家陣同佢嘈都冇意思, 何況都係兩步姐。

燒到後尾, 個個都停晒手, 就搭左個簡單爐具煎熟d雞翼, 唔駛拎住支叉慢慢燒

係thomas快手出火既情況下, 話咁快個爐就起好左有得燒野食, 好耐未試過咁少人燒野食(得6條友仔), 因為平時都係成村人少則十個, 多則起碼廿個, 要有兩個爐先容納到咁多人, 不過, 我不嬲都覺得多人有多人既玩法, 少人又有少人既樂趣, 尤其是今次全部都係真正自己人, 就算d比較敏感話題都可以放擔d講, 唔係齋吹水, 而係可以傾下大家既私人野, 大家傾落先知有d野唔講開都真係唔多知既事, 由6:30p.m開始邊燒邊傾計, 不知不覺, 就燒到成12:00a.m左右, 其實係BBQ既途中, 堅都有入去睇過牛牛情況係點, 仲買左個餐蛋麵過佢食, 不過, 佢食完之後又再訓過都係冇出到黎...

是日大贏家- 牛牛, 都唔知佢係唔係真病~~

執野d野就返入間屋度, 大家休息左一陣, 而牛牛都訓左差不多6個鐘, 開始有返少少精神起身出左黎, 枚后jessica又係bar場學識左一隻新game, 於是就教我地玩, 至於個game係點玩, 就唔係呢度講想知就留言or其他途徑問我啦!!! 玩落就越玩越開心, 之後, 枚后就提議不如買d酒上黎玩, 會玩得開心d, 於是佢就同thomas出左去買酒, 由於間士多收成點鐘而且仲要係我地間屋附近, 所以買起野上黎都好方便, 佢地一買就買左3支藍妹, 枚后所言非虛, 大家酒過三巡真係玩得放d, 阿牛都有份玩, 由於佢唔舒服既關係, 如果佢輸左就由堅黎頂酒, 不過, 總結返最後, 阿牛係唯一一個一舖都未輸過既人, 都唔知佢真病定假病。



3支酒話咁快就飲晒, 見大家都興高采烈, 我就提議買多幾支上黎再玩過, 點知我同camus出到之後所有士多都已經收晒舖, 冇計, 咁就返去啦, 返去既途中係遠處見到間屋熄晒燈, 都估到呢班友仔咩樹, 總算佢地有心, 無買到生日蛋糕, 都有返個生日雪糕俾我, 就係咁係17號既夜晚, 佢地就提前慶祝我既生日, wahhahahahahah~~~

(再待續~~)

同一屋簷下 - 生日camp (上)

今日係入camp大日子, 因為知道星期六&日都會去玩, 冇時間做星期一份present, 所以琴晚留左係office度做份powerpoint攪到成10點先走。 係出發之前我都仲係屋企做緊個powerpoint, 好彩係出發之前岩岩好攪掂姐, 咁就可以安心咁樣開開心心去玩, 唔駛心掛掛。

今日約左jessica佢地3:30p.m係荔景MTR度等, 去到個時, 見到牛牛一險倦容同我講, 琴晚佢同堅, 阿達, winnie & 輝仔去庸記食飯, 食完之後, 佢地個個除左堅&輝仔之外個個都上嘔下瀉, 原本阿達下午都有上牛牛屋企一齊出發, 點知佢真係頂唔順, 於是就返左屋企睇醫生, 所以今次就黎唔到camp。 而牛牛佢個樣都唔多掂, 面青口唇白咁但係佢話佢帶左藥應該冇問題, 好兄弟有義氣。 而今朝camus又打電話俾我話, melody唔舒服黎唔到, 所以原定有9個人去既大嶼山兩日一夜渡假團就有少左2個人, 又正正因為咁, 係各方面既機緣巧合下, 造就左今次真正出席既呢班人 - 《Gary, Jessica, Cow, 堅, Camus, Thomas & Jaemi》全部都係流住純正『禮記』既血。

因為第一個夜晚, 我地諗住入去BBQ, 所以我地首個目的地就係先去東涌既supermarket買野先, 我地兵分兩喎, 我, jessica & jaemi就去買BBQ野食, 而牛牛, 堅 & thomas就去買乾貨, 係唔係唔見左camus兄呢, 因為佢係話放工之後要去interview見工, 所以就晏少少先到, 我地去買住野先。 由於得七個人既關係, 所以買野食個時都忍住手, 唔好係又拎唔係又拎, 免得到時眼寬肚窄, 最後浪費食物就唔好啦!!! 攪掂晒之後, 牛牛就怕自己唔食得BBQ d野, 所以佢都特登去麵包舖買左個排包以防不時之需。 就係casher排緊隊其間, 居然俾我地撞到另一批流住『禮記』既同學仔 - Square, 原來佢係同佢自己個班既『禮記』人又係入大嶼山玩兩日, 不過佢地就係貝澳個邊, 我地就係塘福個邊, 兩個地方。

買完野, 就去搭車入渡假屋, 就係呢個時候有人大叫左一聲奶媽呀, 我開頭都不以為已, 望真d真係奶奶, 原來佢今日約左個住係東涌既fd上去佢屋企玩, 咁岩又撞到我地, 今日真係超Lucky一口氣撞到咁多『禮記』d人。 原本諗住搭的士入去去渡假屋, 點知個的士站爆晒咁制, 大嶼山的士total得40架左右, 要等都唔知企到幾時, 咁我地就決定搭巴士入去渡假屋。

(待續~~)

我的第二份生日禮物

星期三o個晚, 約左Charia傾黎緊下星五, 六, 日, 考mock既事宜。今日lunch個時jessica話決定左我生日去大嶼山玩兩日, 問我今晚得唔得閒, 同佢一齊去信和book渡假屋住, 橫掂今晚約左Charia係旺角基地總部傾野, 就o.k冇所謂啦。

放工, 我就搭架旺角小巴由官塘摌落去旺角, 睇Jessica仲未放工, 就自己去信和行個圈先。到左6:45p.m左右, jessica放工過到黎, 同佢行左兩三間格過價, 最後就book左一間係塘福既渡假屋住$650, 兩房, 都唔算係貴, o.k, 睇相見d野都幾新淨下。

之後, 我就馬上上去Charia既基地度, 聽佢brief下, 我有咩duty要做, 係考mock個日, 我係負責做影相(因為要幫座building影d外圍既相), 之後就做d data entry既野, 都好, 簡簡單單唔駛煩。 傾完之後9:00p.m左右, 原本Charia話一齊食dinner, 不過, 我見下星期一份present都未攪掂都係返屋企先。

先前jessica問我今年生日想要d咩, 我話未諗到, 佢提議不如換左我部相機去, 佢話我部機reload d野都慢慢地, 不如索性換左佢, 呢部casio大大話話都已經有成3, 4年歷史, 都應該係時候換, 其實早兩日之前都已經同jessica行過百老匯, 其實都係諗住要casio, panasonic or canon, 不過當時又未決定到, jessica話我自已諗掂就自己買左先, 到時再cliam返錢, 又係同上一年一樣要自己買自已份生日禮物。 家陣又身處旺角, 又醒起聽日會同ling佢地食飯, 想有新相機用, 於是就自己落左去百老匯睇下, 最後我都係要canon800is, 雖然部機個樣係有少少笨, 但係影相出黎既效果好得(因為自己舊個部機, 影夜景d noice好勁), 就係咁, 未到生日正日已經有第二份生日禮物, whahahhahah。

第一餐生日飯

星期四原先係約左ling佢地係行街睇姐妹衫(係, 唔知點解又係關我事), 阿ling話難得今晚約齊人, 咪話順便慶祝埋我生日。

放工5:15p.m一個箭步就先去左新世界百貨o個邊, 係百貨公司入面有一間專係賣晚裝or ball既衫, 都有d姐妹衫, 首先係Ling同小狗到左先, 佢地就埋頭苦幹咁起勢搵衫(係小狗自己結婚之前, 佢會幫佢表姐係11月個時做姐妹, 所以佢就順手搵埋姐妹衫), 之後jackie, 貞, 陸陸續續咁黎到, 幾個女人就係度不斷咁係個更衣室走黎走去, 出出入入, 我同william就坐左係一兩邊就望住佢地行黎行去, 女人原來買衫or試衫係咁樂此不彼, 由5:00p.m, 試到差不多到7:00p.m(係講緊係同一間舖頭入面喎), 之後都試唔岩, 於是就走人。

今晚, 我地去左重慶大廈食咖哩, 哈, 除左睇王家衛套"重慶森林"之外, 基本上我真係未入過去重慶大廈入面, 今次係我第一次入去重慶大廈, 真係好緊張, 一踏入去大廈入面, 真係好似變左另一個世界, 所有面孔都係黑黑的, 小狗就更加好似驚會俾人捉左去咁, 沿途捉實奶媽隻手。 今次食飯, 我地去左3樓一間叫『新德里餐廳』度食, 開頭我仲諗住係重慶食咖哩會係好好好特別(要用手食呀...個d野), 不過, 其實都係同其他印度餐廳冇咩分別。 係呢度食野其實一d都唔貴, 我地最後埋單都好似係位位$60左右, 不過, 我地都算係叫左好多野十幾廿款都應該有。

p.s: 有少少貼士俾大家, 阿ling話上operice睇到, 如果你埋單講時同佢講你係openrice member, 你埋單係有discount架!!(係呀就咁用口同佢講就得, 唔駛show埋member card or 問你card no.) 當然我地都有用呢個方法, 真係有discount架, wahahaha!!!

寫給自己童年的信

又在一次冇意之間經過一個Blogger, 呢個Blogger 的名字叫More than one 意即是集多人一起去寫一個部落, 當中會出一個題目, 只要你睇到個topic有趣,你都可以參與一份兒, 在那裡沒有甚麼規則, 其中一個topic - 寫給自己童年的信, 此題蠻有趣, 本想自己都作一篇作響應, 耐何近日私事繁多, 未能抽身參與, 故先在此介紹予大家, 你有興趣都可以寫一篇架 ~~~

做靚女真係著數d

日本仔真係好鬼無聊, 咁都玩一餐~~~

場景一：在電玩遊樂場內玩夾娃娃機，要求店員破例直接打開機子拿出她想要的娃娃給她。
場景二：拿著一張抽獎券去抽獎，但要求能玩到抽中為止........
場景三：晚上７點時到餐廳用餐，但向店員要求點用「只有中午時段才供應的套餐」

...去片



所以話呢, 呢個世界係冇平等呢樣野, 如果有人同你講有呢回事的話, 好明顯佢係度呃緊你, 唔信, 你試下叫TVB拍返d相類似既節目, 之後再似下叫欣兒去做返同一樣野, 我好肯定欣兒佢死硬~~~~

入實驗室"禁"緊急制

今晚上堂, 原先上星期已經分左組而且講左我地係第一組做present, 但係今日阿sir先俾d refernance & 其他inforamation得地, 上堂個時自己同dteam member商討過發覺時間緊迫, 可能未必有足夠既時間去做perparation, 於是就走去問阿sir可唔可以順延一個week先做presentation啦, 唔知阿sir上堂之前係唔係食左『威哥』佢意志異常堅定企到硬晒, 無論我地點講佢死都唔肯俾多一個week時間我地做present, 仲要話個present唔係好重要, 最主要係個report姐, 但係個問題係佢話今次個course work係佔40%, 而考試就佔60%, 嘩!!!大拿拿佔成40%喎, 一個唔覺意個assignment抄左, 我仲得了既, 於是就同佢講啦, 我睇佢d藥力仲係未退得晒,依然都係咁硬淨, 就係咁, 我諗呢幾晚睇黎都係要通頂做好份presentation, 因為星期六&日已經約左班fd去慶祝小弟生日, 呢幾日都攪唔掂, 就真係死硬。

p.s: 原來今日係911, 果然不幸既事係會係今日發生。

誓師大會

之前應承左幫Claria &佢個partner黎緊9月&11月幫佢考牌(實際係考D咩上年都幫個另一位師兄個時講過), 於是今晚就約齊成班helper進行一個簡單而隆重既誓師大會(其實都係大家一齊食個便飯姐, 正確d講, 應該係佢請我地呢班食飯先岩), 今晚我地首先6:30p.m約左係旺角中旅社集合之後再上我地既總基地參觀兼簡要地briefing一次(佢地係旺角某一商業大度租左一間細細既office黎做總基地)。

咁今日下午四點鐘, 我見冇咩野做, 時間尚早未到集合時間, 咪諗住係房度恰一恰啦, 點知咁就賴野, 一扎醒望一望個鐘----->"6:30p.m", 唔係呀, 於是第一件事唔係去換衫, 梳頭出門口, 我呢d醒目梗係打電話同當事人講話有d事遲少少到啦, 點知打極Claria個電話都唔通, 如是就馬上打俾小菲啦, 好彩小菲個電話通姐, 同佢講聲話遲少少到。 就係咁, 就馬上梳洗出門口, 由屋企包埋gel頭換衫then出到旺角到埋總部都係做左9個字時間, 我都話我呢d係講efficiency既啦~~~~

上到去當然全部人都到齊, 我睇佢地都應該已經briefing完, 咁我就私底下再問下Claria有d咩幫到手, 到左8:00p.m左右, 我地就一齊去食晚飯, 佢地今晚係泉章居book左位, 雖然係book左位, 不過晚市都係依舊超多人, 我地都要等到成8:45p.m先有得俾我地入座。

其實有部份helper係佢個partner搵返黎, 至於另一部份(即係我呢d)就係Claria搵, 咁Claria除左搵我之外, 仲有搵埋讀higher diploma既同學仔, 小菲, Amy & 阿超, 我地都係同一班既, 所以大家食飯個時都有講有笑, 不過, 就正正因為咁, 而令到我地好似攪左一個小圈子出黎(我地幾個經常性圍起上黎傾計, 漠視左其他人既存在)。 因為到時真係考mork&真正o個時, 唔會因為咁而影響工作啦。 食到10:00p.m大家就散水, 各自歸家。

好朋友系列: Jaemi

Jaemi又係我中學既其一位同學仔, 用咩黎形容佢呢, 應該咁講我諗用虔誠既教徒黎形容佢就最貼切不過, 當然唔係話佢成口都係馬太福音呀, 創世紀呀(唔係電視劇呀!!!), 得閒無事就同你講下五餅二魚故仔, 只不過自中學以黎, 佢好似已經開始返教會, 約佢出去玩的話佢都會以教會為先(要睇下教會有冇function), 雖然佢好少向我地說教, 不過, 我知佢對教會既事係絕對係百分百既投入, 正因如此, 所以平時都比較難約到佢出去玩。 可能佢係一個教徒關係, 對於我呢d"魔鬼"佢都好似好少同我接觸(講笑!!!)傾下計, 講下心事, 所以有時同佢d話題都比較顯淺, 唔係話表面, 只不過就好少講到d太深入既野, 不過呢方面既野可以交俾Jessica。

講真個句, 係咁多個女仔入面, 唔知點解, Jaemi唔係好似女仔咁, 佢成個骨架都有d係男仔格, 係中學時代, 唔講佢係正常女仔的話, 其實佢真有d似 TB(Tom Boy), 佢d打扮都幾鬼男性化, 不過, 自畢業, 出黎做野之後, 呢個殘酷既社會就將佢潛在體內深深深深處既女性荷爾蒙迫返晒出黎, 終於開始似返個女仔, haha, 仲有起碼家陣有阿譚要佢, 咁就証明佢真係一個real woman, whhahahha

其實, 正如頭先所講, 可能中學畢業之後, 佢一方面忙工作, 兩來佢又忙教會事項, 所以平時活動出席既次數都可以話係唔多, 我知佢同我地呢班fd出黎玩既時候, 有時可能會格格不入, 講真有時我真係好似見到佢一個人呆呆的坐係度, 冇咩聲出, 不過, 每次既活動佢都十分願意盡量抽空出席, 希望日後, 大家多d出黎玩, 可以更加投入or溶入大家玩樂方式。

Jaemi既出現, 永遠都覺得會令我諗起Jessica, 因為佢地兩個係中學時代永遠都係『孖公仔』咁出現, 而佢兩個既出現又令我諗起Thomas, 由於某d關係既情況下, 佢地三個可以話係用『鐵三角』黎形容, 劇我所知當年中學時代好興寫信仔, 就係將寫完個d信就會將佢摺到心型呀, 三角形個d呢!!! 佢地三條友成日係度互相寫信交換架, 當年已經好奇心比較大既我,已經好想知佢地成日寫d咩既呢, 奈何, 當時同佢地熟既程度只屬一般, 所以都唔好意思問出口。 仲有, Jessica講過, 平日就算佢地兩個好耐冇見, 如果一旦見返面既話都可以傾好多好多野, 佢同Jamei可以話係一對真正既好姐妹。

Jaemi可以話係一個長期病患者, 係中學時代已經成日見佢話胃痛, 又話要食胃藥, 又要飲牛奶。 到左出黎做野之後, 可能workload大, 令到佢個胃既情況更加惡化, 成個人瘦得好厲害, 人稱『火柴人』就係佢個類, 之後, 佢就去左做一次bodycheck, 發現原來佢個胃有d唔知咩菌既存在(佢講過不過唔記得), 所以會令到佢個胃成日都唔舒服, 既然已經搵到咩原因令佢變成咁的話, 希望佢打後既日子佢要好好保重身子啦!!! 唔駛成條柴咁啦, 仲有樣野想話過你知, 我一見到d火柴人, 不其然就有個衝動想過去"啪"斷佢地d手手腳腳, 所以Jaemi為左你既生命安全著想, 你都係肥d好...唔係, 有一日我怕我自己控制唔到自己, 到時......... wahahahha~~~~

之前都講過同Jessica, 牛牛, 堅都一齊去過唔少地方旅行, 就連Camus & 蘇生都試過一齊去澳門, 中山等, 係我地過往既各類"合家歡"長短線旅程中, 包括, 中山, 澳門, 深圳, 廣州等, Jaemi佢都好似缺席左不少, 嚴格d黎講, 應該係一次都冇一齊去過, 據我所知佢缺席原因大多數都係同佢本身返教會d時間撞期or有其他事令佢join唔到, 不過正正就係咁, 令到我成日都覺得成班friend一齊玩都未試過可以齊齊整整咁去玩一次, 永遠都好似有個缺口, 黎緊小弟生日各位都已經一早confirmed話去返兩日一夜玩返餐, 希望今次可以真真正正咁齊人。

黎到呢度, 我可以以此作為一個分水嶺先(Section 1), 其實前文曾提過既Jessica, 牛, 堅, Camus, Thomas & 本文既Jaemi佢地全部都係我中學之中其中一批最好朋友之一, 亦都係我生命中不可缺少既其中一部份, 對上個二十幾年黎佢地俾左我不少既歡樂回憶, 打後更希望大家繼續加深大家彼此友誼, 繼續我地一個月一大相聚(大活動就等我, jessica or牛牛去攪), 二個星期一小相聚(呢d就自己各自約啦!!!), 生日又聚, 大時大節-新年, 聖誕, 端午, 清明, 重陽, 國慶, 回憶又聚一聚, 得閒無事聚一聚既精神, whahahaha。

p.s: Jaemi, 之前有叫過你得閒上黎我呢度睇下&留言, 點知你話我個blog講d野唔夠深度, 聽完之後有d唔開心, 我仲記住你個句說話架!!! 不過, 雖然知你忙, 但都希望你係度好似jessica佢地咁, 係度留返少少既留言呀!!!!

(下次預告: 特別加開 - 神秘嘉賓)

婚宴

黎緊12月, 將會係我既好朋友小狗既結婚大日子, 我同佢由中學相識到依家, 我同另外幾位朋友當然係被邀請做姐妹啦, 哈, 哈, 係唔係好奇怪我會係做姐妹呢, 其實, 小狗玩開個批既中學同學, 基本上完全係全女班的, 但係唔知點解偏偏就夾著我呢個男生。 自中學畢業之後, 每次既約會都會有我呢個男生既出現, 哈, 每每同人地講起上黎都覺得幾威下...wahhahahha...成個馬扶咁....wahahhahah

琴日, 阿Ling同我講佢放工之後同小貞貞會去睇姐妹衫, 問我有冇興趣一齊去, 我呢d八卦人士梗係要去睇下啦, 於是一放工就標出office門口, 我地首站先到太子既金都商場逛一逛先, 其實呢個金都商場, 我成日搭巴士呀, 或者行聯合中心都成日經過, 但係就永遠都冇行過入去, 都唔知入面係什麼家伙, 什麼格局, 今日同Ling &小貞貞行完一轉之後, 終於知道是什麼一回事, 不嬲都知入面係買d結婚野, 不過, 係估唔到林林總總既野都有, 例如, 我見有間舖頭係專賣d閃閃下既高跟鞋, 原來個d鞋跟位都有得特別款式, 今次真係大開眼界。

原來, 女仔choice d姐妹衫都幾煩下, 由要睇款, 又要睇顏色, 又要改短, 又怕肥得劑, 又怕個"zone"托唔起, 我地由6:00p.m睇到10:00p.m, 當然中間有段時間去左食野啦, 我地由金都行到朗豪坊再行到家樂再再行埋去新之城, 大大話話都起碼廿幾三十間, 不過, 睇黎睇去都好似睇唔上眼, 仲有主角新娘話最好就全部姐妹都係米白色就最好。 當然啦, 行左咁耐到最後都係冇咩總結。 要下次等埋主角新娘及其餘既姐妹一齊出席再choice過。

不過, 我發覺原來結婚都真係幾多野攪, 就單單係選著咩衫就已經諗到頭爆。 仲有咩, 酒席呀, 婚紗相呀, 就連去咩地方渡蜜月都要煩一餐, 當然啦, 同自己心愛既人一齊攪雖然係煩, 但係應該都係開心既。 未來黎緊個兩, 三年都應該將會有好多朋友仔結婚, 幾時又輪到你地呢!!!

時間、金錢、體力

上星期五, 為simon兄farewell而同佢&其他同事一齊去食dinner, 食完之後, 就去左旺角一間bar度飲野。 飲完野之後自己就搭的士返屋企, 係的士上聽到一個某電台節目, 當中講到一d關於去旅行既理論, 主持人提到做人有時真係好煩, 係讀書既時候, 你有體力, 有時間但係就冇錢, 去唔到旅行。 到左你出黎做野之後, 你就有錢, 有體力, 但就偏偏冇時間, 因為你要博殺, 要上位, 仲有係呢段時間, 你有好多野好難作出放棄, 例如你唔會貿貿然quit左份工走去旅行(大多數都唔會), 可能仲要面對手停口停既問題。 好啦!! 到左你事業有d成績, 又有d錢, 但係就冇左少年人既體力or魄力, 同埋個種探險既心。

聽完之後都有d同感, 其實每個人係做每一個決定都會有個opportunity cost(機會成本), 你要放棄一樣先可以得到第二樣, 不過, 在我角度, 係錢, 時間, 體力, 呢三樣野入面, 只有一樣野, 冇左既話都可以再搵返的, 呢一樣就係錢, 其餘o個兩樣, 過左去就係過左去, 冇左就係冇左。 所以, 我不嬲都對d岩岩畢業個d朋友仔講, 無論中學畢業也好, 大學畢業也好, 就算自己成係身冇分文, 點都要借d錢去旅行, 因為呢段時間係你人生入面算係最無顧慮既時候, 其實, 並畢左業之後並唔需要真係咁急去搵工, 不過, 當然到頭來都係冇人聽我講, 個個都係驚死俾人搵晒d工, 一考完試就返工。

大家如果趁仲有本錢, 家陣應該真係去多d需要體能上support既旅程, 你既視野&眼界先會得以擴闊, 唔會單單困死係一個死胡同入面。

免費的午餐

琴晚, 達達打電話俾我話聽佢日既遊船河有人脫腳, 問我如果唔駛錢去唔去, 我呢d咁精打細算既年青才幹, 更係話去啦, 就係咁, 冇啦啦就有餐免費餐食啦。其實之前達達都問過我去唔去, 不過, 我話冇錢所以就唔去拒絕左佢, 點知佢琴日仲主動打黎, 仲要係唔駛我俾錢邀請我去, 我成日都話機會係你面前, 只要你好好把握, 機會隨時都可以掌握係你手, wahahhaha.......

今日約左牛8:30a.m係旺角等, 琴晚都醒目怕自己唔知醒, 已經一早教定鬧鐘。點知, 今朝一起身, 望一望個鐘已經8:00a.m, 頂, 我唔係教左7:30a.m架咩, 望清楚個鐘真係攪左7:30a.m, 不過, 教完之後就冇將個制撥去alarm個邊, 所以就冇響到。 於是就拿拿臨, 刷牙洗面執架生(毛巾, 太陽油等), 仲煮埋個麵食添, 用左15min時間就出到門口, 出到旺角就真係岩岩好8:30a.m, 好在今日係星期日&時間尚早, 交通暢順冇塞車, 話咁快就到。今朝, 牛約埋珍妮花&志勤食早餐, 我去到個時佢地都仲係係度食緊, 早知就唔駛咁急啦!!

9:00a.m就去左小巴站搭紅van入西貢碼頭, 話咁快30min就入到去西貢碼頭。 今日原來都有幾多人去大部份係達達d同事, 跟住就係朋友跟朋友去個d(即係我呢類), 今日我見佢地買左好幾打既啤酒(又喜力, 又嘉士伯, 又伯威, 又ICE, 呢度夾埋都起碼7,8打), 今日係遊船河, 係一d健康既活動, 所以今日全程我都係滴酒不沾。

今日全程船唯一既遺憾就係玩唔到wakeboard, 嚴格d黎講我係連快艇都冇上過, 因為太多人輪, 又同其他人又唔係好熟, 所以就玩唔到, 不過, 算啦橫掂今次係唔駛錢黎, 冇得玩, 只能夠同自己講, 我係唔駛俾錢架, 咪讓人地俾左錢既人玩先羅, 都開始覺得自己幾識自我安慰, haha, 所以都係自己係甲板上面搵個位曬太陽, 不過, 講開曬太陽今日個天都冇咩陽光出現過。

到左下午, 見到牛同珍妮花想游埋岸, 我同志勤(當時係甲板曬緊太陽)見係時候落一落水過一過冷河, 就沖左落水同佢地一齊游過去, 點知原來珍妮花同志勤同唔係好識游水, 尤其是珍妮花, 雖然佢係攬住個水泡, 不過見佢踢極水都好似唔多郁咁, 成個人係水中心停濟不前, 於是我就拖住佢個水泡游上岸, 哎呀, 牛竟然唔理佢個fd自己一早就游左上岸, 仲要話做咩咁慢架, 唔係講笑一上岸對腳軟晒, 要休息返夠本先返上船。 之後, 返上船個情況一樣, 不過珍妮花今次醒, 佢自己知自己事, 游得唔快所以佢係不動聲色既情況下, 唔等我地佢自己慢慢游左出去一大段先, 不過以佢蟻"欄"既速度, 我話咁快就過左佢頭, 今次我決定先返上船拎個浮床, 先過去"救"佢(剛才我係冇水泡架), 我一來再一回都仲係快過珍妮花, 我就叫佢拉住個浮床拖佢返去啦, 拖拖下, feel到突然間重左既, 原來志勤係唔聲唔聲之下就捉住左個浮床, 冇計, 就順手拖埋佢返去。 上到船, 牛又試係度講:『我上左船之後就望左好耐, 望到你拖住佢地兩個返黎』, 頂, 見到又唔幫手.....

今日達達好似好亢奮, 成日撩人飲酒, 今日佢好似shortgun左3個啤酒, 有一罐係志勤幫佢頂。 今日玩到5:30p.m已經返碼頭, 之後就各散東西, 歸家去....

Morning Call

見唔見到有舊黑雲係上面(右上角)~~~

今日一朝早9:00a.m就俾大小不良噪醒左, 晨早流流大不良就入左我房問我起身未, 之後小不良就隨尾入埋黎我間房, 係呢個情況之下俾佢兩隻野攪一攪邊樹有可能訓得返, 橫掂起左身就順手開部電腦先啦, 一開電腦, 阿榮就send左個msn問我今朝去唔去沙灘游水, 我見都起左身, 原本都定左下午去泳池曬太陽, 咁就拿拿聲起身執野, 再煮個福麵食完就出門口啦, 去到旺角都已經10:45a.m, 係旺角搭小巴落西貢。

今日即興落沙灘, 其實阿榮之前係約左佢個fd, 仲有Sammy, 係今朝咁岩係msn見到我蒲頭就順便call埋我。 係入西貢途中, 我見到好似落左小小雨, 不過都係灑完一陣就冇。 我地今日去三聖灣游水, 我地係中途既白沙灣落車, Sammy已經係碼頭度等緊我地, 之後我地要再搭$10駁船先過到去三聖灣。 其實, 我入西貢的話多數都係落半月灣居多, 三聖灣都係第一次黎, 呢個灘d水都幾清, 不過, 個沙灘就細左少少(size應該係半月灣既一半左右)但係就相對冇半月灣咁多人, 今朝去到, 成個灘都係得小貓三, 四隻(仲以為會有d美少女出現, 失望~~)

之後, 曬左一陣太陽之後, 突然風起雲湧, 落起大雨黎(真係落狗屎個隻), 仲要行雷添, 咁我地唯有執起晒d野, 搵個地方避避雨先啦, 點知越等d雨就越大, 之後阿榮個fd就話不如沖身換衫走人(咁個天都係咁冇計啦),點知我地個個一沖完身, 換完衫之後, 個天就停晒雨, 不突止仲要有個猛烈太陽出黎, 都仲不突止, 仲要有大批大批既美少女係碼頭個邊入緊黎。

頂, 不過衫都換完, 身又沖左, 又廢事再攪一輪, 所以都係決定走人, 我地一上返隻駁船之後, o個位揸船既婆婆就笑笑口問我地做咩咁早走呀, 仲話我地落雨o個時就入黎玩, 出太陽你地就走, 唉!!! 鬼唔知咩, 今次真係連阿婆都笑我地。 失禮呀~~~