RSS Feed (xml)
部腦都跟左我5年有多啦, 但係佢老人家(以電腦年齡黎計)近排佢既身子唔多掂, 已經開始去到我忍冇可忍既地步。首先, 係早一陣子(其實都成年前已經開始)佢已經係我同d fd玩icq or msn既時候, 會不定時地hang機或者自我restart(對於時不時同我玩msn or icq既朋友都應該已經習慣左, 我傾傾下會突然消失左 or 冇啦啦會彈出黎)。 依家, 開個d window/real player都會hang機, 什至乎去youtube睇野都廢事, 因為都係怕佢hang。 點解咁怕佢hang機, 因為呢個老野一開機就要做成不少於10分鐘時間俾佢warm up, 呢個情況近排更有惡化之現象, 一開機就淨係聽到佢好似俾人強姦咁既尖叫聲, 之後就當然都開唔到機啦! 於是就要連按10-20次機殼上的restart掣先有機會開得著部機, 係呀, 我真係試過按過30次都開唔到機, 最終個晚我放棄左, 走左去訓覺。
所以琴日, 我終於的起心肝拎左部腦去牛屋企, 等一個係HKU修讀機械工程學的畢業生同我修理佢, 所以呢幾晚, 大家係msn or icq都見我唔到架啦!!!
6 comments:
死仔,你架死人電腦攪左我一日都只係 install 番個 win xp jar. 架電腦裡面仲要肺積塵(已幫你清潔左),我私人幫你裝多一條ram, 等你架腦行得順d同覆我msn都快d.
你架電腦好快會好番架啦,因為牛媽媽問仲乜攪咁多架電腦係佢屋企喎.看來我都係要加把勁幫你攪點佢至得啦.
你終於都捨得拎個仔去整啦!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
堅: 哈....簡單野就唔駛你出手啦, 話晒你係HKU畢業仲要係機械工程(不過, 好似同整電腦冇關)!!! 打攪晒!!! 原本黎上去牛屋企時, 牛媽媽話要俾租位費, 先頭諗住放係阿文部腦上面啦!!!(可以share d租金), 點知阿文就話佢部腦已經拎走左, 真係吹脹,,,haha....
emmy: 係呀...通常自己d親生仔都係唔多聽教, 都係拎俾人教會好d!!!
以後同你msn就唔駛斷線啦...wahahhaha
我覺得你比你部電腦更需要修理一下,幾時輪到你勞改??
認為你都有需要修理一下的人: 我地呢d超級電"腦"係識得我修復, 仲有呀, 你有冇聽過咩叫無限memory(即係入幾多file入去都得), 我就係呢d啦....
仲有, 仲有, 先前有位朋友同我講, 佢得閒冇事就會format下部電腦, 咁部腦就會行得好d喎。 你要知道, 好地地人一個, 冇事冇幹, 你會唔會走去洗胃呀...唔會架麻..
Post a Comment