RSS Feed (xml)
話說上星期上牛屋企食飯, 食飯既時候都會傾下計, 之後講開JC既事, 牛媽媽話我唔好成日取笑JC, 牛爸爸就話:『Gary都係當JC係熟朋友先講姐, 知大家太熟先會敢講!!』, 牛爸爸果然係了解我!!!朋友們呀!!! 你要知道, 如果以下情況發生係你身上, 我真係當你係我既好朋友先會咁做:
1.) 我經常性拎你作開玩笑對象, 你千萬唔好嬲。 因為我當你係friend, 兼且知我同你太熟(起碼我覺得係!), 你都應該會知我只係講笑唔係認真。 如果唔熟既, 我都唔敢同你開埋d咁既笑話啦!!!
2.) 唔好謙我煩成日問你呢排有咩野攪(縱然可能琴日已經問過一次), 有冇咩特別事發生。 因為我已經當你係我好朋友, 我先會關心你。 如果我唔當你係我個friend, 我係唔會花時間問你d咁既野, 大家係咁e閒聊兩句就算, 有時間我唔好走去打機or出去玩, right~~~
14 comments:
咁你成日問我會唔會好快死~~~都係'關心'我!?!
其實你唔使再問我,如果我知自己幾時死,我會早少少通知你!!
成日俾你'問候'的人: 乜我成日問你幾時死咩??? 有d咁既樹咩~~~ 我好似冇咩印象...
Anyway, 如果你真係知自己幾時死的話, 大家keep in touch啦!!! 仲有, 如果你死左...咁你想我送d咩俾你呀...
當我同你講起我某D特別習慣時,你就會問我:你咁XXX法,你會唔會好快死架?
大大話話,你都至少問左3,4,5,6,7次.不過,你唔好問我係邊單,因為我飲得凍檸茶多,記唔得咁多野,我淨係記得早餐雞翼事件.
萬一我大吉利事真係死左,都唔使做D咩啦,你慳返D錢自己使好過,人都死左,送咩都無用啦.....或者我生日果時,你送D白金俾我仲實際啦!
成日俾你'問候'的人: 咁你d習慣又係真係比較特別過人呀麻,
1.)邊有人晨早流流食油雞翼當早餐咁油膩, 擺到明雞翼係下午茶餐先會出現架麻
2.)又邊樹有人夜麻麻走去清蒸五香肉丁當消夜食呀! 仲有成罐"對"晒個隻喎!!!
我先覺得你既生活習慣異於常人, 所以認為你都應該係早死個隻姐...
睇黎你覆留言仲勤力過你返工做野~~~!
估唔到你偷懶偷得咁交關的人: 唔怕話你知, 我打字家陣已經去到一個叫化境既地步, 至於工作個方面你唔駛同我擔心, 以我既能力, 可以話係應付有餘...
至於你就...應該多食生果, 唔好成日食埋d dirty food, such as: 雪糕, 五香肉丁, 油雞翼, 凍檸茶等等....到時你精神好d, 做野快d, 到時就可以好似我咁, 一心十用
我精神好好,你少同我擔心!
健康的人: 你有冇聽過咩叫做"迴光返照"呢個term...如果有聽過我都冇需多作解釋....你明啦...
聽過,但我唔信有D咁無稽既野,呢D野只係會得D無知C9先會信!!
肯定唔係C9的人: 呢d唔係c唔c nine既問題, 呢d係事實...你都係唔好咁勞氣, 開開心心過日子, 有咩心願就快d完成埋佢啦...
我地都係時候收手~~~heehee!!!
唔想同你一樣咁無聊的人: 咩呀...係你挑係呢個"辯論"之麻...
但係你成日有意無意都會暗示我早死,令我覺得自己真係就快死咁~~~~
Post a Comment