終於放暑假

d人成日都以為六月考完試就開始放暑假, 就以為我好得閒, 話我做咩唔攪活動玩, 其實係呢個summer term, 我呢d返part-time的學生哥依然都係要返學上堂, 做功課, 考試, 係呢個summer term, 我就讀左科GE(General Education-通識教學)的History of Hong Kong, 於是就起勢咁讀香港史入面個d咩省港大罷工呀! 六七暴亂呀! 左仔呀! 中共呀!..........。 不過, 今晚係last一堂啦, 今堂係test, 仲要係open book test, 話雖如此, 要我地係一個鐘頭入面答兩條, 話就話有得抄, 不過, 係之前都要搵定d料, 唔係到時拎起本書都唔知抄邊忽好, 幸好對上一堂, 阿sir已經同我地做左個revision, 知道有咩範圍。

呢一科係主要以中文授課(香港人讀香港史, 梗係中文教會親切d啦!!!), 所以test都係中文答, 好耐冇試過寫咁多中文字(平時都係係電腦打blog, 寫就真係好少), 足足寫足一粒鐘, non-stop, 抄呀抄, 不斷咁抄, 寫爆三版紙, 真係手都斷, 我諗起除左十幾年前會考係咁寫之外, 真係好少可開"行"摩打寫中文。

黎緊呢一年係我final year, 即係要做disseration(畢業論文), 係3,4月個時已經交左個題目, 今日Department終於send左個e-mail俾我地, 話已經分派左supervisor俾我地, 我check一check, 雖然唔係心目中個lecturer, 不過, 呢個阿sir都教過我, 都好好人, 咁家陣有佢lead住, 應該總算係好既開始。

唔好理咁多, 雖然得o個個零月"暑假", 不過已經一早安排晒成個8月的暑假活動啦, 黎緊個個星期六or日都有晒booking, hehe, 先黎今個星期六同ivan慶祝生日。